ਪਟਿਆਲਾ, 4 ਜਨਵਰੀ (ਮਨਦੀਪ ਸਿੰਘ ਖਰੌੜ)-ਪਟਿਆਲਾ ਵਿਚ ਲੰਬੇ ਸਮੇਂ ਤੋਂ ਸਮਾਜ ਸੇਵਾ ਦੇ ਕੰਮ ਕਰ ਰਹੀ ਸਮਾਜ ਸੇਵੀ ਸੰਸਥਾ ਕਾਂਸਲ ਫ਼ਾਉਂਡੇਸ਼ਨ ਅਤੇ ਡੈਡੀਕੇਟਿਡ ਬ੍ਰਦਰਜ਼ ਗਰੁੱਪ ਵਲੋਂ ਪਟਿਆਲਾ ਦਿਹਾਤੀ ਦੇ ਖ਼ਾਲਸਾ ਨਗਰ ਬੀ ਵਿਖੇ ਅੱਖਾਂ ਦਾ ਮੁਫ਼ਤ ਨਿਰੀਖਣ ਕੈਂਪ ਲਗਾਇਆ ਗਿਆ | ਜਿਸ ਦੌਰਾਨ 100 ਦੇ ਕਰੀਬ ਲੋੜਵੰਦ ਮਰੀਜ਼ਾਂ ਨੇ ਮੁਫ਼ਤ ਲਾਭ ਲਿਆ | ਇਸ ਮੌਕੇ ਡਾ. ਗੁਰਵਿੰਦਰ ਕਾਂਸਲ ਅਤੇ ਡਾ. ਰਾਕੇਸ਼ ਵਰਮੀ ਵਲੋਂ ਕਿਹਾ ਗਿਆ ਕੇ ਅੱਖਾਂ ਮਨੁੱਖੀ ਸਰੀਰ ਦਾ ਬਹੁਤ ਮਹੱਤਵਪੂਰਨ ਅੰਗ ਹਨ ਅਤੇ ਸਾਡੀ ਸੰਸਥਾ ਮੁਫ਼ਤ ਕੈਂਪ ਦੁਆਰਾ ਖ਼ਾਸ ਕਰਕੇ ਉਨ੍ਹਾਂ ਲੋਕਾਂ ਤੱਕ ਸੁਵਿਧਾ ਪਹੁੰਚਾ ਰਹੀ ਹੈ ਜੋ ਮਹਿੰਗੇ ਇਲਾਜ ਦਾ ਖਰਚਾ ਨਹੀਂ ਝੱਲ ਸਕਦੇ | ਸੰਸਥਾ ਵਲੋਂ ਡਾ. ਜਗਜੀਤ ਆਈ ਹਸਪਤਾਲ ਅਤੇ ਹਸਪਤਾਲ ਦੀ ਟੀਮ ਦਾ ਧੰਨਵਾਦ ਕੀਤਾ ਗਿਆ ਜਿਨ੍ਹਾਂ ਕਰਕੇ ਮਰੀਜ਼ਾਂ ਨੂੰ ਇਲਾਜ ਮਿਲਣ ਵਿਚ ਸਹਾਇਤਾ ਮਿਲ ਰਹੀ ਹੈ | ਇਸ ਮੌਕੇ ਗੁਰਭਜਨ ਲਚਕਾਣੀ, ਗੁਰਧਿਆਨ ਸਿੰਘ, ਮਨਦੀਪ ਸ਼ਰਮਾ, ਐਡ. ਹਰਪ੍ਰੀਤ ਭੰਬਰਾ, ਐਡ.ਆਰ.ਐੱਸ. ਖਤਰੀ, ਐੱਸ.ਕੇ. ਮੇਘਵਾਲ, ਇਟਵਿਰ ਬਿਸ਼ਟ, ਐੱਸ.ਕੇ. ਪਾਠੀ, ਸੁਨੀਲ ਕੁਮਾਰ, ਯਸ਼ ਵਿਰਦੀ, ਭੂਪ ਸਿੰਘ, ਅਮਰ ਸਿੰਘ ਰਾਵਤ, ਪਿਆਰ ਸਿੰਘ ਰਾਵਤ, ਉਪਨੈਣ ਪਨਵਰ, ਮੋਹਿਤ ਬਾਕਸਰ ਮੌਜੂਦ ਸਨ |
