17-11-2026
ਅੱਖਰ:
Ad Position 18 No active advertisement
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 05-02-2026

ਸਮਾਣਾ-ਭਵਾਨੀਗੜ੍ਹ ਸੜਕ ਦੀ ਖ਼ਸਤਾ ਹਾਲਤ ਤੋਂ ਰਾਹਗੀਰ ਪ੍ਰੇਸ਼ਾਨ

Ad Position 21
No active advertisement
ਅਜੀਤ ਡੈਸਕ 05-02-2026
ਸਮਾਣਾ, 4 ਫਰਵਰੀ (ਸਾਹਿਬ ਸਿੰਘ)-ਸਮਾਣਾ-ਭਵਾਨੀਗੜ੍ਹ ਸੜਕ ਦੀ ਹਾਲਤ ਬੇਹੱਦ ਖਸਤਾ ਹੋ ਚੁੱਕੀ ਹੈ, ਜਿਸ ਤੋਂ ਰਾਹਗੀਰ ਪ੍ਰੇਸ਼ਾਨ ਹਨ | ਇਹ ਸੜਕ ਦਿੱਲੀ, ਗੂਹਲਾ, ਚੀਕਾ, ਕੈਥਲ, ਸਮਾਣਾ ਨੂੰ ਚੰਡੀਗੜ੍ਹ, ਅਬੋਹਰ, ਫ਼ਾਜ਼ਿਲਕਾ ਅਤੇ ਸੰਗਰੂਰ ਆਦਿ ਸ਼ਹਿਰਾਂ ਦੀ ਹਾਈਵੇਅ ਨਾਲ ਜੋੜਦੀ ਹੈ | ਇਸ ਕਰਕੇ ਆਵਾਜਾਈ ਦੇ ਭਾਰੀ ਸਾਧਨਾਂ ਦੀ 24 ਘੰਟੇ ਆਵਾਜਾਈ ਰਹਿੰਦੀ ਹੈ | ਸਾਬਕਾ ਲੋਕ ਨਿਰਮਾਣ ਮੰਤਰੀ ਵਿਜੇਇੰਦਰ ਸਿੰਗਲਾ ਨੇ ਡੂੰਘੀ ਦਿਲਚਸਪੀ ਲੈ ਕੇ ਸੜਕ ਦਾ ਨਵੀਨੀਕਰਨ ਕਰਦਿਆਂ ਇਸ ਨੂੰ ਸਾਲ 2021-22 ਦੌਰਾਨ ਚੌੜਾ ਕਰਵਾਇਆ ਸੀ, ਪਰ ਤਿੰਨ ਸਾਲਾਂ ਵਿਚ ਸੜਕ ਦੀ ਹਾਲਤ ਇੰਨੀ ਮਾੜੀ ਹੋ ਗਈ ਹੈ ਕਿ ਰਾਹਗੀਰਾਂ ਨੂੰ ਲੰਘਣਾ ਔਖਾ ਹੋ ਗਿਆ ਹੈ | ਸੜਕ ਵਿਚ ਡੂੰਘੇ ਖੱਡੇ ਪੈ ਗਏ ਹਨ ਜਿਸ ਕਾਰਨ ਹਾਦਸਿਆਂ ਦੀ ਗਿਣਤੀ ਵਿਚ ਵਾਧਾ ਹੋਇਆ ਹੈ ਅਤੇ ਵਾਹਨਾਂ ਨੂੰ ਭਾਰੀ ਨੁਕਸਾਨ ਪੁੱਜ ਰਿਹਾ ਹੈ | ਸੜਕ ਦਾ ਖੇਤਰ ਪਟਿਆਲਾ ਤੇ ਸੰਗਰੂਰ ਜ਼ਿਲਿ੍ਹਆਂ ਵਿਚ ਪੈਂਦਾ ਹੈ ਪਰ ਦੋਵਾਂ ਜ਼ਿਲਿ੍ਹਆਂ ਨੇ ਇਸ ਦੀ ਮੁਰੰਮਤ ਵਿਚ ਦਿਲਚਸਪੀ ਨਹੀਂ ਵਿਖਾਈ | ਲੋਕਾਂ ਦਾ ਮੰਨਣਾ ਹੈ ਕਿ ਸੜਕ ਦੇ ਨਵੀਨੀਕਰਨ ਸਮੇਂ ਮੀਂਹ ਦੇ ਪਾਣੀ ਦੀ ਨਿਕਾਸੀ ਦਾ ਵਾਜਬ ਪ੍ਰਬੰਧ ਨਹੀਂ ਕੀਤਾ ਗਿਆ | ਸੜਕ ਦੇ ਦੋਵਾਂ ਪਾਸਿਆਂ 'ਤੇ ਪਾਇਆ ਸੀਵਰੇਜ ਬੇਕਾਰ ਸਾਬਤ ਹੋ ਰਿਹਾ ਹੈ | ਸਮਾਣਾ ਤੋਂ ਲੈ ਕੇ ਕੁਲਾਰਾਂ ਮੋੜ ਤੱਕ ਮੀਂਹ ਪੈਣ ਨਾਲ ਥਾਂ-ਥਾਂ 'ਤੇ ਪਾਣੀ ਇਕੱਠਾ ਹੋ ਜਾਂਦਾ ਹੈ ਜਿਸ ਨਾਲ ਸੜਕ ਜਲਦੀ ਟੁੱਟ ਗਈ ਹੈ | ਸੜਕ 'ਤੇ ਖੜ੍ਹੇ ਗੰਦੇ ਪਾਣੀ ਕਾਰਨ ਸੜਕ ਦੇ ਕੁਝ ਹਿੱਸੇ 'ਤੇ ਆਵਾਜਾਈ ਬੰਦ ਕਰ ਦਿੱਤੀ ਗਈ ਹੈ | ਸੜਕ ਦੀ ਖ਼ਸਤਾ ਹਾਲਤ ਸੰਬੰਧੀ ਲੋਕ ਨਿਰਮਾਣ ਵਿਭਾਗ ਦੇ ਕਿਸੇ ਅਫ਼ਸਰ ਨਾਲ ਸੰਪਰਕ ਨਹੀਂ ਹੋ ਸਕਿਆ |
Ad Position 22
No active advertisement
ਪਿਛਲੀ ਖ਼ਬਰ ਪੰਜਾਬੀ ਯੂਨੀਵਰਸਿਟੀ ਵਿਖੇ ਬਾਇਓ ਐਂਟਰਪ੍ਰੀਨਿਓਰਸ਼ਿਪ 'ਤੇ ਅੰਤਰਰਾਸ਼ਟਰੀ ਕਾਨਫ਼ਰੰਸ ਕਰਵਾਈ ਅਗਲੀ ਖ਼ਬਰ ਰਿਕਾਰਡ ਨਾ ਦੇਣ 'ਤੇ ਤਿੰਨ ਸੂਚਨਾ ਅਫ਼ਸਰ ਚੰਡੀਗੜ੍ਹ ਤਲਬ
Ad Position 24