ਪਟਿਆਲਾ, 21 ਅਪ੍ਰੈਲ (ਧਰਮਿੰਦਰ ਸਿੰਘ ਸਿੱਧੂ)-ਟੈਕਨੀਕਲ ਸਰਵਿਸਿਜ਼ ਯੂਨੀਅਨ ਦੱਖਣ ਜ਼ੋਨ ਪਟਿਆਲਾ ਕਾਰਜਕਾਰੀ ਦੀ ਮੀਟਿੰਗ ਕੁਲਦੀਪ ਸਿੰਘ ਚੌਹਾਨ ਪ੍ਰਧਾਨ ਦੱਖਣ ਜ਼ੋਨ ਪਟਿਆਲਾ ਦੀ ਪ੍ਰਧਾਨਗੀ ਹੇਠ ਹੋਈ ਜਿਸ ਵਿਚ ਜ਼ੋਨ ਕਮੇਟੀ ਸਕੱਤਰ ਅਜੇ ਕੁਮਾਰ ਸੰਗਰੂਰ, ਲਖਵਿੰਦਰ ਸਿੰਘ ਸੁਨਾਮ ਕੈਸ਼ੀਅਰ ਦੱਖਣ ਜ਼ੋਨ, ਸੁਖਦੇਵ ਸਿੰਘ ਰਾਠੌਰ ਪਟਿਆਲਾ ਸਰਕਲ, ਨਿਰਮਲ ਕੁਮਾਰ ਨਾਭਾ ਸੂਬਾ ਸਕੱਤਰ, ਲਖਵਿੰਦਰ ਸਿੰਘ ਪ੍ਰਧਾਨ ਸੰਗਰੂਰ ਸਰਕਲ ਨੇ ਹਾਜ਼ਰੀ ਲਗਵਾਈ | ਆਗੂਆਂ ਵਲੋਂ ਮੀਟਿੰਗ ਵਿਚ 10 ਅਪ੍ਰੈਲ ਨੂੰ ਪੰਜਾਬ ਪੱਧਰੀ ਧਰਨੇ ਵਿਚ ਟੈਕਨੀਕਲ ਸਰਵਿਸਿਜ਼ ਯੂਨੀਅਨ ਦੀ ਸ਼ਮੂਲੀਅਤ ਕਰਨ 'ਤੇ ਧੰਨਵਾਦ ਕਰਦਿਆਂ 11 ਅਪ੍ਰੈਲ ਤੋਂ ਚੱਲ ਰਹੇ ਵਰਕ-ਟੂ-ਰੂਲ ਨੂੰ ਤਨਦੇਹੀ ਨਾਲ ਨਿਭਾਉਣ ਲਈ ਆਖਿਆ ਗਿਆ ਅਤੇ ਆਉਣ ਵਾਲੇ ਸੰਘਰਸ਼ ਵਿਚ ਵਧ ਚੜ੍ਹ ਕੇ ਹਿੱਸਾ ਲੈਣ ਦੀ ਅਪੀਲ ਕੀਤੀ | ਇਸ ਮੀਟਿੰਗ ਵਿਚ ਉਪਰੋਕਤ ਆਗੂਆ ਤੋਂ ਇਲਾਵਾ ਕੁਲਵਿੰਦਰ ਸਿੰਘ ਪ੍ਰਧਾਨ, ਪਿ੍ਤਪਾਲ ਸਿੰਘ ਲਾਡੀ ਸਕੱਤਰ, ਪਿ੍ਤਪਾਲ ਸਿੰਘ ਕੈਂਟ, ਸੁਨੀਲ ਕੁਮਾਰ ਰਾਜਪੁਰਾ, ਪਰਬੋਧ ਕੌਸ਼ਲ ਆਦਿ ਆਗੂ ਅਤੇ ਸਰਕਲ ਮੈਂਬਰਾਨ ਹਾਜ਼ਰ ਸਨ |
