ਬਨੂੜ, 8 ਮਈ (ਭੂਪਿੰਦਰ ਸਿੰਘ)-ਸਬ ਡਵੀਜਨ ਬਨੂੜ ਦੇ ਇਤਿਹਾਸ ਵਿਚ ਉਸ ਵਕਤ ਨਵਾ ਅਧਿਆਏ ਜੁੜ ਗਿਆ ਜਦੋਂ ਬਨੂੜ ਵਿਖੇ ਆਜਾਦੀ ਤੋਂ ਬਾਅਦ ਪਹਿਲੀ ਮਹਿਲਾ ਐਸ.ਡੀ.ਐਮ. ਡਾ. ਅੰਕਿਤਾ ਕਾਂਸਲ ਨੇ ਕਮਾਨ ਸਾਂਭੀ ਹੈ | ਐਸ.ਡੀ.ਐਮ. ਡਾ. ਅੰਕਿਤਾ ਕਾਂਸਲ ਨੂੰ ਸਬ ਡਵੀਜਨ ਦੇ ਸਟਾਫ ਅਤੇ ਸ਼ਹਿਰ ਦੇ ਪਤਵੰਤੇ ਸੱਜਣਾਂ ਨੇ ਫੁੱਲਾਂ ਦੇ ਬੁੱਕੇ ਦੇ ਕੇ ਸਨਮਾਨਿਤ ਕੀਤਾ | ਇਸ ਸੰਬੰੰਧੀ ਜਾਣਕਾਰੀ ਦਿੰਦੇ ਹੋਏ ਡਾ. ਅੰਕਿਤਾ ਕਾਂਸਲ ਨੇ ਦੱਸਿਆ ਕਿ ਉਨ੍ਹਾਂ ਨੇ ਬਤੌਰ ਐਮਬੀਬੀਐਸ ਦੀ ਪੜ੍ਹਾਈ ਮੈਡੀਕਲ ਕਾਲਜ ਪਟਿਆਲਾ ਤੋਂ ਕੀਤੀ ਅਤੇ ਇਸ ਤੋਂ ਬਾਅਦ ਲੋਕ ਸੇਵਾ ਦੇ ਜਜਬੇ ਨੂੰ ਲੈ ਕੇ ਪੰਜਾਬ ਸਿਵਲ ਸਰਵਿਸਿਜ਼ (ਪੀਸੀਐਸ) ਦੀ ਪ੍ਰੀਖਿਆ ਪਾਸ ਕੀਤੀ | ਅੱਜ ਕੱਲ੍ਹ ਉਹ ਮੋਹਾਲੀ ਵਿਖੇ ਬਤੌਰ ਐਸਿਸਟੈਟ ਕਮਿਸ਼ਨਰ ਦੇ ਤੌਰ 'ਤੇ ਤਾਇਨਾਤ ਹਨ ਅਤੇ ਸਬ ਡਵੀਜਨ ਬਨੂੜ ਦਾ ਵਾਧੂ ਚਾਰਜ ਸਾਭਿਆ ਹੈ |
