2600 ਅਪ੍ਰੈਂਟਸ਼ਿਪ ਯੂਨੀਅਨ ਦੇ 8 ਨੌਜਵਾਨ ਬਿਜਲੀ ਟਾਵਰ 'ਤੇ ਚੜ੍ਹੇ ਲਾਠੀਚਾਰਜ ਅਤੇ ਮੰਗਾਂ ਨਾ ਮੰਨਣ ਕਾਰਨ ਵਧਿਆ ਰੋਸ
ਅਜੀਤ ਡੈਸਕ
11-06-2026
ਲਾਠੀਚਾਰਜ ਤੋਂ ਬਾਅਦ ਵੀ ਪੁਲਿਸ ਦਾ ਦਬਕਾ ਜਿਉਂ ਦਾ ਤਿਉਂ
ਲੰਘੇ ਦਿਨੀਂ ਬਿਜਲੀ ਨਿਗਮ ਦੇ ਮੁੱਖ ਗੇਟਾਂ ਨੂੰ ਖਾਲੀ ਕਰਵਾਉਣ ਲਈ ਪੁਲਿਸ ਵਲੋਂ ਉਕਤ ਯੂਨੀਅਨ 'ਤੇ ਲਾਠੀਚਾਰਜ ਕੀਤਾ ਗਿਆ ਸੀ ਜਿਸ ਨੂੰ ਸੂਬੇ ਦੇ ਹਰੇਕ ਵਰਗ ਵਲੋਂ ਨਿੰਦਿਆ ਗਿਆ ਸੀ | ਪ੍ਰੰਤੂ ਪੁਲਿਸ ਵਲੋਂ ਅੱਜ ਵੀ ਆਪਣੇ ਦਬਕਿਆਂ ਨੂੰ ਜਿਉਂ ਦਾ ਤਿਉਂ ਰੱਖਦਿਆਂ ਪੰਜਾਬ ਪੁਲਿਸ ਦੇ ਇਕ ਅਧਿਕਾਰੀ ਦੀ ਵੀਡੀਓ ਵੀ ਇਹ ਕਹਿੰਦੇ ਹੋਏ ਵਾਇਰਲ ਹੋ ਰਹੀ ਹੈ ਜਿਵੇਂ ਪਟਿਆਲੇ ਪਈਆਂ ਸਨ ਜੁੱਤੀਆਂ ਇਥੇ ਵੀ ਪੈਣਗੀਆਂ | ਇਕ ਹੋਰ ਪੁਲਿਸ ਮੁਲਾਜ਼ਮ ਯੂਨੀਅਨ ਵਲੋਂ ਲਗਾਏ ਟੈਂਟ ਨੂੰ ਪੁੱਟਦਿਆਂ ਟੈਂਟ ਦੇਣ ਵਾਲੇ 'ਤੇ ਪਰਚਾ ਕਰਨ ਦੀ ਧਮਕੀ ਵੀ ਦਿੰਦਾ ਸੁਣਾਈ ਪੈ ਰਿਹਾ ਹੈ | ਪੁਲਿਸ ਵਲੋਂ ਮੌਜੂਦਾ ਸਮੇਂ ਮੀਡੀਆ ਨੂੰ ਟਾਵਰ ਤੋਂ ਦੂਰ ਮੁੱਖ ਸੜਕ ਉੱਤੇ ਰੋਕਿਆ ਜਾ ਰਿਹਾ ਹੈ ਅਤੇ ਹਾਲਾਤ ਨਾਜ਼ੁਕ ਬਣਦੇ ਜਾ ਰਹੇ ਹਨ | ਅੱਜ ਦਿਨ ਭਰ ਹੀ ਟਾਵਰ ਦੇ ਥੱਲੇ ਬੈਠੇ ਨੌਜਵਾਨਾਂ ਨੂੰ ਪੁਲਿਸ ਨੇ ਘੇਰੀ ਰੱਖਿਆ ਅਤੇ ਯੂਨੀਅਨ ਵਲੋਂ ਉੱਥੇ ਲਗਾਏ ਟੈਂਟ ਵੀ ਪੁਲਿਸ ਨੇ ਉਖਾੜ ਸੁੱਟੇ |
