ਨਿਗਮ ਦੀ ਲੈਂਡ ਸ਼ਾਖਾ ਵਲੋਂ ਹਟਾਏ ਨਾਜਾਇਜ਼ ਕਬਜ਼ੇ
ਪਟਿਆਲਾ, 1 ਅਗਸਤ (ਅਮਰਬੀਰ ਸਿੰਘ ਆਲੂਵਾਲੀਆ)-ਸਰਹੰਦ ਰੋਡ ਉੱਪਰ ਸਥਿਤ ਕਈ ਸਾਲਾਂ ਤੋਂ ਕੀਤੇ ਗਏ ਕਬਜ਼ਿਆਂ ਨੂੰ ਅੱਜ ਨਗਰ ਨਿਗਮ ਦੀ ਲੈਂਡਸ਼ਾਖਾ ਵਲੋਂ ਹਟਾਇਆ ਗਿਆ। ਇਸ ਮੌਕੇ ਦੱਸਿਆ ਗਿਆ ਕਿ ਇਹ ਰਸਤਾ ਜਿਸ ਉੱਪਰ ਕਬਜ਼ੇ ਕੀਤੇ ਗਏ ਸਨ, ਇਲਾਕਾ ਵਾਸੀਆਂ ਦੀ ਸ਼ਿਕਾਇਤ ਦੇ ਉੱਪਰ ਹਟਾਏ ਗਏ ਹਨ ਕਿਉਂਕਿ ਇਸ ਸੜਕ ਦੇ ਉੱਪਰ ਲੋਕਾਂ ਦਾ ਨਾਲ ਲੱਗਦੀਆਂ ਕਾਲੋਨੀਆਂ ’ਚ ਆਣਾ ਜਾਣਾ ਦੁਬਰ ਹੋਇਆ ਪਿਆ ਸੀ।
ਪਟਿਆਲਾ, 1 ਅਗਸਤ (ਅਮਰਬੀਰ ਸਿੰਘ ਆਲੂਵਾਲੀਆ)-ਸਰਹੰਦ ਰੋਡ ਉੱਪਰ ਸਥਿਤ ਕਈ ਸਾਲਾਂ ਤੋਂ ਕੀਤੇ ਗਏ ਕਬਜ਼ਿਆਂ ਨੂੰ ਅੱਜ ਨਗਰ ਨਿਗਮ ਦੀ ਲੈਂਡਸ਼ਾਖਾ ਵਲੋਂ ਹਟਾਇਆ ਗਿਆ। ਇਸ ਮੌਕੇ ਦੱਸਿਆ ਗਿਆ ਕਿ ਇਹ ਰਸਤਾ ਜਿਸ ਉੱਪਰ ਕਬਜ਼ੇ ਕੀਤੇ ਗਏ ਸਨ, ਇਲਾਕਾ ਵਾਸੀਆਂ ਦੀ ਸ਼ਿਕਾਇਤ ਦੇ ਉੱਪਰ ਹਟਾਏ ਗਏ ਹਨ ਕਿਉਂਕਿ ਇਸ ਸੜਕ ਦੇ ਉੱਪਰ ਲੋਕਾਂ ਦਾ ਨਾਲ ਲੱਗਦੀਆਂ ਕਾਲੋਨੀਆਂ ’ਚ ਆਣਾ ਜਾਣਾ ਦੁਬਰ ਹੋਇਆ ਪਿਆ ਸੀ। ਦੱਸਣਯੋਗ ਹੈ ਕਿ ਇਥੇ ਜਿਹੜੇ ਕਾਰੋਬਾਰੀਆਂ ਨੇ ਕਬਜ਼ਾ ਕੀਤਾ ਸੀ ਉਹ ਸਾਰਾ ਕਬਾੜ ਦਾ ਕਾਰੋਬਾਰ ਕਰਦੇ ਸਨ। ਕਾਰਵਾਈ ਦੌਰਾਨ ਕਬਜ਼ਾਧਾਰੀਆਂ ਨੇ ਕਈ ਤਰ੍ਹਾਂ ਦੇ ਤਰਕ ਵੀ ਪੇਸ਼ ਕੀਤੇ ਪਰ ਨਗਰ ਨਿਗਮ ਟੀਮ ਵਲੋਂ ਮੌਕੇ ਦੇ ਉੱਪਰ ਕੀਤੀਆਂ ਕੁਝ ਉਸਾਰੀਆਂ ਵੀ ਢਾਈਆਂ ਗਈਆਂ। ਜਿਸ ਤੋਂ ਬਾਅਦ ਹੁਣ ਕਬਜ਼ਾਧਾਰੀਆਂ ਨੂੰ ਇੱਥੋਂ ਸਾਰਾ ਸਮਾਨ ਚੁੱਕਣ ਦੇ ਆਦੇਸ਼ ਵੀ ਦੇ ਦਿੱਤੇ ਗਏ ਹਨ। ਨਗਰ ਨਿਗਮ ਟੀਮ ਦੀ ਅਗਵਾਈ ਕਰ ਰਹੇ ਅਧਿਕਾਰੀ ਨੇ ਦੱਸਿਆ ਕਿ ਇਸ ਸੰਬੰਧੀ ਪਹਿਲਾਂ ਹੀ ਲਿਖਤੀ ਨੋਟਿਸ ਉਕਤ ਕਬਜ਼ਾਧਾਰੀਆਂ ਨੂੰ ਦਿੱਤਾ ਗਿਆ ਸੀ ਪਰ ਇਨ੍ਹਾਂ ਵਲੋਂ ਕਿਸੇ ਤਰ੍ਹਾਂ ਦਾ ਕਬਜ਼ਾ ਨਹੀਂ ਹਟਾਇਆ। ਜਿਸ ਤੋਂ ਬਾਅਦ ਇਹ ਕਾਰਵਾਈ ਅਮਲ ’ਚ ਲਿਆਂਦੀ ਗਈ ਹੈ।
