ਅਚਾਨਕ ਹੋਈ ਬਾਰਿਸ਼ ਨੇ ਕਿਸਾਨਾਂ ਦੇ ਅਰਮਾਨਾਂ ’ਤੇ ਮਾਰੀ ਸੱਟ
* ਅਨਾਜ ਮੰਡੀ ’ਚ ਝੋਨੇ ਦੀ ਫ਼ਸਲ ਹੇਠਾਂ ਫਿਰਿਆ ਬਾਰਿਸ਼ ਦਾ ਪਾਣੀ * ਕੁਦਰਤ ਦੀ ਮਾਰ, ਝੋਨੇ ਦੀ ਪੱਕ ਕੇ ਤਿਆਰ 1509 ਕਿਸਮ ’ਤੇ ਫਿਰਿਆ ਪਾਣੀ
ਰਾਜਪੁਰਾ, 4 ਸਤੰਬਰ (ਰਣਜੀਤ ਸਿੰਘ)-ਅੱਜ ਸਵੇਰ ਤੋਂ ਸਥਾਨਿਕ ਸ਼ਹਿਰ ਤੇ ਆਲ਼ੇ ਦੁਆਲੇ ਦੇ ਪਿੰਡਾਂ ਵਿਚ ਅਚਾਨਕ ਹੋਈ ਭਾਰੀ ਬਾਰਸ਼ ਕਾਰਨ ਕਿਸਾਨਾਂ ਦੀ ਮਿਹਨਤ ਤੇ ਪਾਣੀ ਫਿਰ ਗਿਆ ਹੈ। ਖ਼ਾਸ ਤੌਰ ’ਤੇ ਝੋਨੇ ਦੀ 1509 ਕਿਸਮ ਜਿਹੜੀ ਪੱਕ ਕੇ ਕਟਾਈ ਲਈ ਤਿਆਰ ਹੈ ਅਤੇ ਕਟਾਈ ਲਈ ਹੋਰ ਫ਼ਸਲਾਂ ਉੱਤੇ ਪਏ ਇਸ ਕੁਦਰਤੀ ਕਹਿਰ ਕਾਰਨ ਖੇਤੀਬਾੜੀ ਸੈਕਟਰ ਨੂੰ ਵੱਡਾ ਝਟਕਾ ਲੱਗਾ ਹੈ।
ਮ
ਮਾਰਕੀਟ ਕਮੇਟੀ ਦੇ ਗੇਟ ’ਤੇ ਖੜ੍ਹਾ ਬਰਸਾਤੀ ਪਾਣੀ।
05-09-2026
ਰਾਜਪੁਰਾ, 4 ਸਤੰਬਰ (ਰਣਜੀਤ ਸਿੰਘ)-ਅੱਜ ਸਵੇਰ ਤੋਂ ਸਥਾਨਿਕ ਸ਼ਹਿਰ ਤੇ ਆਲ਼ੇ ਦੁਆਲੇ ਦੇ ਪਿੰਡਾਂ ਵਿਚ ਅਚਾਨਕ ਹੋਈ ਭਾਰੀ ਬਾਰਸ਼ ਕਾਰਨ ਕਿਸਾਨਾਂ ਦੀ ਮਿਹਨਤ ਤੇ ਪਾਣੀ ਫਿਰ ਗਿਆ ਹੈ। ਖ਼ਾਸ ਤੌਰ ’ਤੇ ਝੋਨੇ ਦੀ 1509 ਕਿਸਮ ਜਿਹੜੀ ਪੱਕ ਕੇ ਕਟਾਈ ਲਈ ਤਿਆਰ ਹੈ ਅਤੇ ਕਟਾਈ ਲਈ ਹੋਰ ਫ਼ਸਲਾਂ ਉੱਤੇ ਪਏ ਇਸ ਕੁਦਰਤੀ ਕਹਿਰ ਕਾਰਨ ਖੇਤੀਬਾੜੀ ਸੈਕਟਰ ਨੂੰ ਵੱਡਾ ਝਟਕਾ ਲੱਗਾ ਹੈ। ਜਿਹੜੀ ਫ਼ਸਲ ਕਿਸਾਨ ਕੱਟ ਕੇ ਅਨਾਜ ਮੰਡੀ ਵਿਚ ਲੈ ਕੇ ਆਏ ਹਨ ਉਹ ਭਾਰੀ ਬਾਰਸ਼ ਕਾਰਨ ਫੜਾਂ ’ਤੇ ਭਿੱਜਦੀ ਨਜ਼ਰੀ ਆਈ ਹੈ। ਮੰਡੀ ਵਿਚ ਝੋਨੇ ਦੀ ਫ਼ਸਲ ਲੈ ਕੇ ਆਏ ਕਿਸਾਨ ਗੁਰਦਿਆਲ ਸਿੰਘ, ਤਰਸੇਮ ਸਿੰਘ, ਕਰਮਜੀਤ ਸਿੰਘ ਖਮਾਣੋਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੀ 1509 ਝੋਨੇ ਦੀ ਕਿਸਮ ਪੱਕ ਕੇ ਤਿਆਰ ਹੈ ਅਤੇ ਅੱਧੀ ਤੋਂ ਜ਼ਿਆਦਾ ਫ਼ਸਲ ਉਹ ਅੱਜ ਮੰਡੀ ਵਿਚ ਲੈ ਕੇ ਆਏ ਹੋਏ ਹਨ। ਉਨ੍ਹਾਂ ਨੇ ਦੱਸਿਆ ਕਿ ਐਤਕੀਂ ਝੋਨੇ ਦੀ ਫ਼ਸਲ ਦਾ ਝਾੜ ਵਧਿਆ ਸੀ ਅਤੇ ਭਾਅ ਵੀ ਠੀਕ ਮਿਲ ਰਿਹਾ ਸੀ। ਭਾਵੇਂ ਆੜ੍ਹਤੀਆਂ ਨੇ ਝੋਨੇ ਦੀ ਫ਼ਸਲ ਨੂੰ ਤਰਪਾਲਾਂ ਪਾ ਕੇ ਢੱਕਣ ਦੀ ਕਾਫ਼ੀ ਕੋਸ਼ਿਸ਼ ਕੀਤੀ ਪਰ ਫਿਰ ਵੀ ਝੋਨੇ ਦੀਆਂ ਢੇਰੀਆਂ ਗਿੱਲੀਆਂ ਹੋ ਗਈਆਂ ਹਨ। ਕਿਸਾਨਾਂ ਦਾ ਕਹਿਣਾ ਹੈ ਕਿ ਜਿਸ ਹਿਸਾਬ ਨਾਲ ਬਾਰਸ਼ ਹੋਈ ਹੈ ਅਤੇ ਇਸ ਨਾਲ ਦਾਣਾ ਕਾਲਾ ਹੋਣ ਦਾ ਡਰ ਹੈ । ਉਨ੍ਹਾਂ ਨੇ ਖ਼ਦਸ਼ਾ ਜ਼ਾਹਿਰ ਕੀਤਾ ਕਿ ਝੋਨੇ ਦੇ ਦਾਣੇ ਵਿਚ ਨਮੀ ਹੋ ਜਾਣ ਕਾਰਨ ਖ਼ਰੀਦਦਾਰ ਨਹੀਂ ਮਿਲਣਗੇ ਤੇ ਜੇਕਰ ਮਿਲਣਗੇ ਤਾਂ ਉਹ ਰੇਟ ਘੱਟ ਦੇਣਗੇ। ਕਿਸਾਨਾਂ ਦਾ ਕਹਿਣਾ ਹੈ ਕਿ ਪੱਕੀ ਫ਼ਸਲ ’ਤੇ ਕੁਦਰਤ ਦੀ ਮਾਰ ਪੈ ਗਈ ਹੈ ਅਤੇ ਕਿਸਾਨਾਂ ਦੇ ਅਰਮਾਨ ਅਚਾਨਕ ਹੋਈ ਬਾਰਸ਼ ਵਿਚ ਰੁੜ੍ਹ ਗਏ ਹਨ। ਕਿਸਾਨਾਂ ਨੇ ਕਿਹਾ ਕਿ ਸਮੇਂ ਦੀਆਂ ਸਰਕਾਰਾਂ ਨੂੰ ਬਾਂਹ ਫੜਨੀ ਚਾਹੀਦੀ ਹੈ ਅਤੇ ਫ਼ਸਲਾਂ ਦੀ ਸਪੈਸ਼ਲ ਗਿਰਦਾਵਰੀ ਕਰਵਾ ਕੇ ਮੁਆਵਜ਼ਾ ਦੇਣਾ ਚਾਹੀਦਾ ਹੈ।
![repet_subhas-goyals [Copy P29]](/cms_ads/20260901/2548__2535__2535_repet_subhas-goyal.jpg)
