ਫ਼ਰੀਦਕੋਟ, 31 ਜਨਵਰੀ (ਹਰਮਿੰਦਰ ਸਿੰਘ ਮਿੰਦਾ)-ਜ਼ਿਲ੍ਹਾ ਆਯੁਰਵੈਦਿਕ ਅਤੇ ਯੂਨਾਨੀ ਅਫ਼ਸਰ ਡਾ. ਨਵਪ੍ਰੀਤ ਕੌਰ ਦੀ ਅਗਵਾਈ ਹੇਠ ਬਲਵੀਰ ਬਸਤੀ ਨੇੜੇ ਕਾਲੀ ਮਾਤਾ ਮੰਦਰ ਵਿਖੇ ਮੁਫ਼ਤ ਆਯੁਰਵੈਦਿਕ ਅਤੇ ਹੋਮਿਓਪੈਥੀ ਸਿਹਤ ਜਾਂਚ ਕੈਂਪ ਲਗਾਇਆ ਗਿਆ | ਕੈਂਪ 'ਚ ਡਾ. ਗੁਰਲੀਨ ਕੌਰ ਏ.ਐਮ.ਓ, ਡਾ. ਦਿਨੇਸ਼ ਸੇਠੀ ਐਚ.ਐਮ.ਓ. ਡਾ. ਬਲਵਿੰਦਰ ਸਿੰਘ ਐਚ.ਐਮ.ਓ., ਬਲਵਿੰਦਰ ਸਿੰਘ, ਨਵਜੋਤ ਕੌਰ ਸਮੇਤ ਟੀਮ ਨੇ ਕੁੱਲ 571 ਮਰੀਜ਼ਾਂ ਦੀ ਜਾਂਚ ਕੀਤੀ ਅਤੇ ਮੁਫ਼ਤ ਦਵਾਈਆਂ ਵੀ ਦਿੱਤੀਆਂ | ਇਸ ਮੌਕੇ ਸ਼ਿੰਦਰ ਕੌਰ, ਬੇਅੰਤ ਸਿੰਘ ਅਤੇ ਲੇਜ਼ਰ ਮਸੀਹ ਆਦਿ ਹਾਜ਼ਰ ਸਨ |
