ਬਾਜਾਖਾਨਾ, 25 ਫ਼ਰਵਰੀ (ਜੀਵਨ ਗਰਗ)-ਥਾਣਾ ਬਾਜਾਖਾਨਾ ਦੇ ਮੁਖੀ ਸੁਖਵਿੰਦਰ ਸਿੰਘ ਨੂੰ ਸੂਚਨਾ ਮਿਲੀ ਕਿ ਬਾਜਾਖਾਨਾ ਤੋਂ ਦਬੜ੍ਹੀਖਾਨਾ ਵੱਲ ਨੂੰ ਜਾਂਦੇ ਸੂਏ ਦੇ ਪੁਲ ਹੇਠ ਇਕ ਲਾਸ਼ ਪਈ ਹੈ | ਸੂਚਨਾ ਮਿਲਦੇ ਹੀ ਬਾਜਾਖਾਨਾ ਦੇ ਪੁਲਿਸ ਅਧਿਕਾਰੀਆਂ ਤੇ ਕਰਮਚਾਰੀਆਂ ਨੇ ਮੌਕੇ 'ਤੇ ਪਹੁੰਚ ਕੇ ਕੁਝ ਸਮਾਜ ਸੇਵੀਆਂ ਦੀ ਮਦਦ ਨਾਲ ਇਸ ਨੂੰ ਬਾਹਰ ਕੱਢਿਆ ਅਤੇ ਉਥੇ ਹਾਜ਼ਰ ਵਿਅਕਤੀਆਂ ਅਤੇ ਆਸ-ਪਾਸ ਦੇ ਪਿੰਡਾਂ ਦੇ ਲੋਕਾਂ ਤੋਂ ਇਸ ਦੀ ਪਛਾਣ ਕਰਵਾਈ ਗਈ ਪ੍ਰੰਤੂ ਕਿਸੇ ਨੇ ਵੀ ਇਸ ਦੀ ਪਛਾਣ ਨਹੀਂ ਕੀਤੀ | ਇਸ ਲਈ ਇਸ ਲਾਸ਼ ਨੂੰ 72 ਘੰਟਿਆਂ ਲਈ ਮੋਰਚਰੀ ਸਿਵਲ ਹਸਪਤਾਲ ਕੋਟਕਪੂਰਾ ਵਿਖੇ ਰੱਖ ਦਿੱਤਾ ਗਿਆ |
