ਕੋਟਕਪੂਰਾ, 26 ਫ਼ਰਵਰੀ (ਮੋਹਰ ਸਿੰਘ ਗਿੱਲ)-ਹੌਲਦਾਰ ਸੁਖਵਿੰਦਰਪਾਲ ਸਿੰਘ ਸਮੇਤ ਪੁਲਿਸ ਪਾਰਟੀ ਦੇ ਗਸ਼ਤ-ਚੈਕਿੰਗ ਸ਼ੱਕੀ ਪੁਰਸ਼ਾਂ ਸਬੰਧੀ ਪਿੰਡ ਕੋਟਸੁਖੀਆ ਨੂੰ ਜਾ ਰਹੇ ਸਨ | ਜਦ ਪੁਲਿਸ ਪਾਰਟੀ ਪਿੰਡ ਕੋਟਸੁਖੀਆ ਤੋਂ ਕਰੀਬ ਇਕ ਕਿਲੋਮੀਟਰ ਪਿੱਛੇ ਸੀ ਤਾਂ ਸੜਕ ਦੇ ਸੱਜੇ ਹੱਥ ਬਣੇ ਮੋਟਰ ਵਾਲੇ ਕੋਠੇ ਦੇ ਨਾਲ ਲੱਗੇ ਬੋਹੜ ਦੇ ਦਰੱਖ਼ਤ ਥੱਲੇ ਪਏ ਸੀਮਿੰਟਿਡ ਬੈਂਚ 'ਤੇ ਇਕ ਔਰਤ ਇਕੱਲੀ ਬੈਠੀ ਦਿਖਾਈ ਦਿੱਤੀ | ਜਦ ਹੌਲਦਾਰ ਨੇ ਸਰਸਰੀ ਤੌਰ 'ਤੇ ਉਕਤ ਔਰਤ ਨੂੰ ਸੁੰਨਸਾਨ ਰਸਤੇ 'ਤੇ ਇਕੱਲੇ ਬੈਠਣ ਦਾ ਕਾਰਨ ਪੁੱਛਣ ਲਈ ਗੱਡੀ ਰੋਕੀ ਤਾਂ ਉਕਤ ਔਰਤ ਨੇ ਅਚਾਨਕ ਆਪਣੇ ਸੱਜੇ ਹੱਥ ਵਿਚ ਫੜੀ ਕੋਈ ਚੀਜ਼ ਵਗਾਹ ਕੇ ਜ਼ਮੀਨ 'ਤੇ ਸੁੱਟ ਦਿੱਤੀ | ਨਜ਼ਦੀਕ ਜਾ ਕੇ ਵੇਖਿਆ ਤਾਂ ਇਕ ਪਾਰਦਰਸ਼ੀ ਮੋਮੀ ਲਿਫ਼ਾਫ਼ੀ ਸੀ, ਜਿਸ ਵਿਚੋਂ 6.75 ਗਰਾਮ ਹੈਰੋਇਨ ਬਰਾਮਦ ਹੋਈ | ਪੁਲਿਸ ਪਾਰਟੀ ਨੇ ਪਿੰਡ ਕੋਟਸੁਖੀਆ ਦੀ ਵਸਨੀਕ ਉਕਤ ਨੂੰ ਗਿ੍ਫ਼ਤਾਰ ਕਰਕੇ ਉਸ ਵਿਰੁੱਧ ਦਿਹਾਤੀ ਪੁਲਿਸ ਸਟੇਸ਼ਨ ਕੋਟਕਪੂਰਾ ਵਿਖੇ ਮਾਮਲਾ ਦਰਜ ਕੀਤਾ ਹੈ |