ਫ਼ਰੀਦਕੋਟ, 11 ਮਾਰਚ (ਹਰਮਿੰਦਰ ਸਿੰਘ ਮਿੰਦਾ)-ਪੀ.ਆਰ.ਟੀ.ਸੀ ਪੈਨਸ਼ਨਰਜ਼ ਐਸੋਸੀਏਸ਼ਨ ਫ਼ਰੀਦਕੋਟ ਡਿਪੂ ਵਲੋਂ ਪੈਨਸ਼ਨਰਜ਼ ਸਨਮਾਨ ਸਮਾਗਮ ਗੁਰਦੁਆਰਾ ਖ਼ਾਲਸਾ ਦੀਵਾਨ ਵਿਖੇ ਕਰਵਾਇਆ ਗਿਆ | ਇਹ ਸਮਾਗਮ ਸ਼ੁਕਰਾਨੇ ਲਈ ਸੁਖਮਨੀ ਸਾਹਿਬ ਜੀ ਦੇ ਪਾਠ ਉਪਰੰਤ ਅਰਦਾਸ ਨਾਲ ਸ਼ੁਰੂ ਕੀਤਾ ਗਿਆ | ਜਿਸ ਵਿਚ ਸਾਰੇ ਡਿਪੂਆਂ ਸਮੇਤ ਵੱਡੀ ਗਿਣਤੀ 'ਚ ਪੈਨਸ਼ਨਰ ਤੇ ਫ਼ੈਮਲੀ ਪੈਨਸ਼ਨਰ ਹਾਜ਼ਰ ਹੋਏ | ਪ੍ਰਧਾਨ ਕਾਲਾ ਰਾਮ, ਇੰਦਰਜੀਤ ਸਿੰਘ ਖੀਵਾ ਫ਼ਰੀਦਕੋਟ, ਮਦਨ ਮੋਹਨ ਬਰਨਾਲਾ, ਗੁਰਬਚਨ ਸਿੰਘ ਜੱਸੀ ਬਠਿੰਡਾ, ਤਰਸੇਮ ਸਿੰਘ ਲੁਧਿਆਣਾ, ਜਰਨੈਲ ਸਿੰਘ ਪਟਿਆਲਾ, ਭਗਵੰਤ ਸਿੰਘ ਕੰਗਣਵਾਲ, ਹਰੀ ਸਿੰਘ ਚਮਕ ਨੇ ਐਮ.ਡੀ ਪਟਿਆਲਾ ਅਤੇ ਸਰਕਾਰ ਦੇ ਪੈਨਸ਼ਨਰਾਂ ਸਬੰਧੀ ਮਾੜੇ ਰਵੀਏ ਲਈ ਸਖ਼ਤ ਸ਼ਬਦਾਂ ਵਿਚ ਨਿੰਦਾ ਕਰਦਿਆਂ ਸਾਰੇ ਪੈਨਸ਼ਨਰਾਂ ਨੂੰ ਮਜ਼ਬੂਤ ਏਕਤਾ ਤੇ ਸਖ਼ਤ ਸੰਘਰਸ਼ ਲਈ ਤਿਆਰ ਰਹਿਣ ਲਈ ਪ੍ਰੇਰਿਤ ਕੀਤਾ | ਸੀਤਾ ਰਾਮ ਜੀ.ਐਮ, ਕਸ਼ਮੀਰ ਕੌਰ ਗਿੱਲ ਤੇ ਸੁਰਿੰਦਰ ਸਿੰਘ ਨੇ ਕਿਹਾ ਕਿ ਆਉਣ ਵਾਲੇ ਸਮੇਂ ਵਿਚ ਪੈਨਸ਼ਨਰਾਂ ਨੂੰ ਕੋਈ ਵੀਂ ਸਮਸਿਆ ਨਹੀਂ ਆਉਣ ਦਿਤੀ ਜਾਵੇਗੀ | ਅਖੀਰ ਵਿਚ ਸੈਂਟਰ ਕਮੇਟੀ ਪਟਿਆਲਾ ਤੋਂ ਆਏ ਮੈਂਬਰਾਂ ਸਮੇਤ ਸਾਰੇ ਮਹਿਮਾਨਾਂ ਨੂੰ ਸਨਮਾਨਿਤ ਕੀਤਾ ਗਿਆ | ਇਸ ਮੌਕੇ ਜਲੌਰ ਸਿੰਘ ਖਾਲਸਾ, ਨਛੱਤਰ ਸਿੰਘ, ਤਰਸੇਮ ਲਾਲ, ਗੁਰਨਾਇਬ ਸਿੰਘ, ਬਲਜਿੰਦਰ ਸਿੰਘ ਘਾਰੂ ਆਦਿ ਹਾਜ਼ਰ ਸਨ |