ਫ਼ਰੀਦਕੋਟ, 25 ਮਈ (ਹਰਮਿੰਦਰ ਸਿੰਘ ਮਿੰਦਾ)-ਸਰਕਾਰੀ ਹਾਈ ਸਮਾਰਟ ਸਕੂਲ ਪਿੱਪਲੀ ਨਵੀਂ ਨੂੰ ਨਾਰਥਨ ਜ਼ੋਨ ਇੰਸੋਰੈਂਸ ਇੰਪਲਾਈਜ਼ ਐਸੋਸੀਏਸ਼ਨ ਦੇ ਮੈਂਬਰ ਸਤੀਸ਼ ਕੁਮਾਰ ਵਧਵਾ ਬਰਾਂਚ ਪ੍ਰਧਾਨ, ਸੁਨੀਲ ਕੁਮਾਰ ਬ੍ਰਾਂਚ ਸੈਕਟਰੀ, ਨੀਰੂ ਮੈਦਾਨ, ਰੁਪਿੰਦਰ ਕੌਰ, ਦੁਰਗੇਸ਼ ਅਤੇ ਸੁਖਦੀਪ ਕੌਰ ਵਲੋਂ ਬਲੂ ਸਟਾਰ ਕੰਪਨੀ ਦਾ ਵਾਟਰ ਕੂਲਰ ਅਤੇ ਆਰ.ਓ. ਸਿਸਟਮ ਭੇਟ ਕੀਤਾ ਗਿਆ | ਸਕੂਲ ਦੇ ਐਸ.ਐਸ .ਮਾਸਟਰ ਨਵਦੀਪ ਸਿੰਘ ਨੇ ਆਏ ਹੋਏ ਮਹਿਮਾਨਾਂ ਨੂੰ ਜੀ ਆਇਆਂ ਨੂੰ ਆਖਿਆ | ਸਤੀਸ਼ ਵਧਵਾ ਬਰਾਂਚ ਪ੍ਰਧਾਨ ਨੇ ਵਿਸ਼ਵਾਸ ਦਿਵਾਇਆ ਕਿ ਉਹ ਭਵਿੱਖ 'ਚ ਵੀ ਸਕੂਲ ਦੀ ਹਰ ਸੰਭਵ ਸਹਾਇਤਾ ਕਰਦੇ ਰਹਿਣਗੇ | ਇਸ ਮੌਕੇ ਮੁੱਖ ਅਧਿਆਪਕਾ ਰਵਿੰਦਰ ਕੌਰ ਪੁਰੀ, ਰੀਤੂ ਮਿੱਤਲ, ਸੋਨੀਆ, ਬਿੰਦੂ, ਜਗਵਿੰਦਰ ਕੌਰ, ਪਿ੍ਤਪਾਲ ਕੌਰ, ਵੀਰਪਾਲ ਕੌਰ, ਅੰਜੂ ਬਾਲਾ ਅਤੇ ਮਾਧਵ ਮੁਰਾਰੀ ਆਦਿ ਹਾਜ਼ਰ ਸਨ |
