ਡੱਬਵਾਲੀ, 27 ਮਈ (ਇਕਬਾਲ ਸਿੰਘ ਸ਼ਾਂਤ)-ਪਿੰਡ ਡੱਬਵਾਲੀ ਸਥਿਤ ਡਾ. ਭੀਮ ਰਾਓ ਅੰਬੇਦਕਰ ਸਰਕਾਰੀ ਕਾਲਜ ਦੀ ਵਿਦਿਆਰਥਣ ਜਸਪ੍ਰੀਤ ਕੌਰ ਪੁੱਤਰੀ ਗੁਰਸੇਵਕ ਸਿੰਘ ਵਾਸੀ ਪਿੰਡ ਪਾਨਾ ਨੇ ਬੀ.ਏ. (ਭੌਤਿਕ ਵਿਗਿਆਨ) ਦੇ ਪਹਿਲੇ ਸਮੈਸਟਰ ਦੇ ਨਤੀਜਿਆਂ ਵਿਚ ਚੌਧਰੀ ਦੇਵੀਲਾਲ ਯੂਨੀਵਰਸਿਟੀ ਦੀ ਮੈਰਿਟ ਸੂਚੀ 'ਚ ਛੇਵਾਂ ਸਥਾਨ ਹਾਸਿਲ ਕੀਤਾ ਹੈ | ਜਸਪ੍ਰੀਤ ਕੌਰ ਨੇ 600 ਵਿਚੋਂ 525 ਅੰਕ ਹਾਸਿਲ ਕਰਕੇ 87.5 ਫ਼ੀਸਦੀ ਅੰਕ ਅਤੇ 9.46 ਐੱਸ.ਜੀ.ਪੀ.ਏ. ਹਾਸਿਲ ਕੀਤੀ | ਕਾਲਜ ਦੇ ਪਿ੍ੰਸੀਪਲ ਡਾ. ਵਿਕਰਮ ਬਾਂਸਲ ਨੇ ਵਿਦਿਆਰਥਣ ਨੂੰ ਵਧਾਈ ਦਿੰਦਿਆਂ ਅਦਾਰੇ ਲਈ ਮਾਣ ਵਾਲੀ ਪ੍ਰਾਪਤੀ ਦੱਸਿਆ | ਉਨ੍ਹਾਂ ਦੱਸਿਆ ਕਿ ਕਾਲਜ ਵਿਚ ਨਵੇਂ ਵਿਦਿਅਕ ਸੈਸ਼ਨ ਲਈ ਦਾਖ਼ਲੇ ਸ਼ੁਰੂ ਹੋ ਚੁੱਕੇ ਹਨ | ਗ੍ਰੈਜੂਏਸ਼ਨ ਤੇ ਪੋਸਟ ਗ੍ਰੈਜੂਏਸ਼ਨ ਕੋਰਸਾਂ ਲਈ 31 ਮਈ ਤੱਕ ਆਨਲਾਈਨ ਅਰਜ਼ੀਆਂ ਦਿੱਤੀਆਂ ਜਾ ਸਕਦੀਆਂ ਹਨ | ਉਨ੍ਹਾਂ ਮੁਤਾਬਕ ਬੀ.ਏ. ਵਿਚ 320, ਬੀ.ਕਾਮ. ਵਿਚ 80 ਅਤੇ ਬੀ.ਐੱਸ.ਸੀ. ਵਿਚ 40 ਸੀਟਾਂ ਹਨ | ਇਸ ਤੋਂ ਇਲਾਵਾ ਬੀ.ਏ. ਸਿੰਗਲ ਮੇਜਰ ਪੰਜਾਬੀ, ਬੀ.ਐੱਸ.ਸੀ. ਪੀ.ਐੱਚ.ਐੱਸ.ਈ. (ਖੇਡ), ਐੱਮ.ਏ. ਹਿੰਦੀ ਅਤੇ ਐੱਮ.ਏ. ਪੰਜਾਬੀ ਵਿਚ 40-40 ਸੀਟਾਂ 'ਤੇ ਦਾਖ਼ਲੇ ਕੀਤੇੇ ਜਾਣਗੇ |
