ਸੰਗਰੂਰ, 5 ਜਨਵਰੀ (ਸੁਖਵਿੰਦਰ ਸਿੰਘ ਫੁੱਲ, ਅਮਨਦੀਪ ਸਿੰਘ ਬਿੱਟਾ)-ਸੀਨੀਅਰ ਕਾਂਗਰਸੀ ਆਗੂ ਅਤੇ ਪਾਰਟੀ ਦੇ ਪੰਜਾਬ ਮਾਮਲਿਆਂ ਬਾਰੇ ਇੰਚਾਰਜ ਭੁਪੇਸ਼ ਬਘੇਲ 8 ਤੋਂ 12 ਜਨਵਰੀ ਤੱਕ ਪੰਜਾਬ ਦਾ ਦੌਰਾ ਕਰਕੇ ਕੇਂਦਰ ਸਰਕਾਰ ਦੀ ਸਕੀਮ 'ਮਗਨਰੇਗਾ' ਵਿਚ ਕੀਤੇ ਬਦਲਾਅ ਵਿਰੁੱਧ ਲੋਕਾਂ ਨੂੰ ਜਾਗਰੂਕ ਕਰਨਗੇ | ਸੂਤਰਾਂ ਅਨੁਸਾਰ ਉਹ 8 ਜਨਵਰੀ ਨੂੰ ਗੁਰਦਾਸਪੁਰ ਤੋਂ ਆਪਣਾ ਦੌਰਾ ਸ਼ੁਰੂ ਕਰਨਗੇ | ਪਾਰਟੀ ਵਰਕਰਾਂ ਨੂੰ ਸੰਬੋਧਨ ਕਰਨ ਪਿੱਛੋਂ ਬਾਅਦ ਦੁਪਹਿਰ ਟਾਂਡਾ ਵਿਖੇ ਕਾਂਗਰਸੀ ਵਰਕਰਾਂ ਨੂੰ ਸੰਬੋਧਨ ਕਰਨਗੇ | ਬਘੇਲ 9 ਜਨਵਰੀ ਨੂੰ ਸਵੇਰੇ ਬਲਾਚੌਰ ਅਤੇ ਬਾਅਦ ਦੁਪਹਿਰ ਸਮਰਾਲਾ ਵਿਖੇ ਪਹੁੰਚਣਗੇ, 10 ਜਨਵਰੀ ਨੂੰ ਸਵੇਰੇ ਰਾਜਪੁਰਾ ਪਾਰਟੀ ਵਰਕਰਾਂ ਨਾਲ ਮੀਟਿੰਗ ਕਰਕੇ ਬਾਅਦ ਦੁਪਹਿਰ ਸੰਗਰੂਰ ਵਿਖੇ ਪਾਰਟੀ ਵਰਕਰਾਂ ਨਾਲ ਮੀਟਿੰਗ ਦਾ ਸਮਾਂ ਰੱਖਿਆ ਗਿਆ ਹੈ, 10 ਜਨਵਰੀ ਨੂੰ ਸਵੇਰੇ ਰਾਜਪੁਰਾ ਅਤੇ ਬਾਅਦ ਦੁਪਹਿਰ ਸੰਗਰੂਰ ਵਿਖੇ ਪਾਰਟੀ ਵਰਕਰਾਂ ਨੂੰ ਸੰਬੋਧਨ ਕਰਨਗੇ | ਉਹ 11 ਜਨਵਰੀ ਨੂੰ ਸਵੇਰੇ ਭੁੱਚੋ ਮੰਡੀ ਅਤੇ ਬਾਅਦ ਦੁਪਹਿਰ ਬਾਘਾ ਪੁਰਾਣਾ ਜਾਣਗੇ | ਆਪਣੇ ਦੌਰੇ ਦੇ ਆਖ਼ਰੀ ਦਿਨ 12 ਜਨਵਰੀ ਨੂੰ ਸਵੇਰੇ ਗੁਰੂ ਹਰਿ ਸਹਾਏ ਅਤੇ ਬਾਅਦ ਦੁਪਹਿਰ ਤਰਨਤਾਰਨ ਵਿਖੇ ਮੀਟਿੰਗਾਂ ਕਰਨਗੇ |
ਭੁਪੇਸ਼ ਬਘੇਲ 8 ਤੋਂ 12 ਤੱਕ ਕਰਨਗੇ ਪੰਜਾਬ ਦਾ ਦੌਰਾ <br/>
ਅਜੀਤ ਡੈਸਕ
06-01-2026