ਪੰਜਾਬ ਸਭ ਤੋਂ ਵੱਧ ਧਰਤੀ ਹੇਠਲਾ ਪਾਣੀ ਵਰਤਦਾ ਹੈ | ਰਾਜਸਥਾਨ 147.11 ਫ਼ੀਸਦੀ ਅਤੇ ਹਰਿਆਣਾ 136.75 ਫ਼ੀਸਦੀ ਧਰਤੀ ਹੇਠਲਾ ਪਾਣੀ ਕੱਢਦਾ ਹੈ | ਪਰ ਪੰਜਾਬ 156 ਫ਼ੀਸਦੀ ਪਾਣੀ ਵਰਤਦਾ ਹੈ | ਭਾਰਤ 'ਚ ਧਰਤੀ ਹੇਠਲੇ ਪਾਣੀ ਨੂੰ ਕੱਢਣ ਦੀ ਔਸਤ ਦਰ 60.6 ਫ਼ੀਸਦੀ ਹੈ | ਇਸ ਸੰਕਟ ਦੇ ਮੁੱਖ ਕਾਰਨ ਬਹੁਤ ਜ਼ਿਆਦਾ ਖੇਤੀ, ਝੋਨੇ ਅਤੇ ਗੰਨੇ ਵਰਗੀਆਂ ਫ਼ਸਲਾਂ, ਜਲਵਾਯੂ ਬਦਲਾਅ, ਘੱਟ ਮੀਂਹ ਅਤੇ ਗਲਤ ਤਰੀਕੇ ਨਾਲ ਘਰੇਲੂ ਅਤੇ ਉਦਯੋਗਿਕ ਪਾਣੀ ਕੱਢਣਾ ਹੈ | ਪੰਜਾਬ ਵਿਚ ਖੇਤੀ 80 ਫ਼ੀਸਦੀ ਪਾਣੀ ਵਰਤਦੀ ਹੈ ਜੋ ਦੇਸ਼ ਦੀ ਔਸਤ ਨਾਲੋਂ ਵੱਧ ਹੈ |
