ਰਾਘਵ ਚੱਢਾ ਨੇ 'ਆਪ' ਦੇ ਇਲਜ਼ਾਮਾਂ ਖ਼ਿਲਾਫ਼ ਜਾਰੀ ਕੀਤਾ ਨਵਾਂ ਵੀਡੀਓ <br/>

ਨਵੀਂ ਦਿੱਲੀ, 4 ਅਪ੍ਰੈਲ (ਉਪਮਾ ਡਾਗਾ ਪਾਰਥ)-ਆਮ ਆਦਮੀ ਪਾਰਟੀ ਅਤੇ ਰਾਘਵ ਚੱਢਾ ਦਰਮਿਆਨ ਸ਼ਬਦੀ ਜੰਗ ਲਗਾਤਾਰ ਜਾਰੀ ਹੈ | ਚੱਢਾ ਨੇ ਨਵਾਂ ਵੀਡੀਓ ਜਾਰੀ ਕਰਕੇ 'ਆਪ' ਦੇ ਇਲਜ਼ਾਮਾਂ 'ਤੇ ਪਲਟਵਾਰ ਕੀਤਾ ਹੈ | ਰਾਘਵ ਚੱਢਾ ਨੇ ਸੋਸ਼ਲ ਮੀਡੀਆ ਮੰਚ 'ਐਕਸ' 'ਤੇ ਪਾਏ ਵੀਡੀਓ 'ਚ 'ਆਪ' ਵਲੋਂ ਉਨ੍ਹਾਂ 'ਤੇ ਲਾਏ ਤਿੰਨੋਂ ਇਲਜ਼ਾਮਾਂ ਨੂੰ ਸੱਚਾਈ ਤੋਂ ਸੱਖਣੇ ਦੱਸਿਆ | ਉਨ੍ਹਾਂ ਕਿਹਾ ਕਿ ਕੱਲ੍ਹ (ਸ਼ੁੱਕਰਵਾਰ) ਤੋਂ ਉਨ੍ਹਾਂ ਦੇ ਖ਼ਿਲਾਫ਼ ਇਹ ਸਕ੍ਰਿਪਟਿਡ ਮੁਹਿੰਮ ਚਲਾਈ ਜਾ ਰਹੀ ਹੈ | ਇਕੋ ਜਿਹੀ ਭਾਸ਼ਾ, ਇਕੋ ਜਿਹੇ ਇਲਜ਼ਾਮ, ਇਹ ਇਕ ਸੋਚੀ ਸਮਝੀ ਮੁਹਿੰਮ ਹੈ | ਰਾਘਵ ਚੱਢਾ ਨੇ ਕਿਹਾ ਕਿ ਉਹ ਬੋਲਣਾ ਨਹੀਂ ਚਾਹੁੰਦੇ ਸਨ, ਪਰ ਜੇਕਰ ਚੁੱਪ ਰਹਿੰਦੇ ਤਾਂ ਵਾਰ-ਵਾਰ ਦੁਹਰਾਇਆ ਗਿਆ ਝੂਠ ਵੀ ਸੱਚ ਲੱਗਣ ਲਗਦਾ ਹੈ | ਨਾਲ ਹੀ 'ਆਪ' 'ਤੇ ਲਗਾਤਾਰ ਜਵਾਬੀ ਹਮਲੇ ਕਰਨ ਦਾ ਇਸ਼ਾਰਾ ਕਰਦਿਆਂ ਫ਼ਿਲਮੀ ਅੰਦਾਜ਼ 'ਚ ਇਹ ਵੀ ਲਿਖਿਆ-ਜ਼ਖ਼ਮੀ ਹਾਂ, ਇਸ ਲਈ ਖ਼ਤਰਨਾਕ ਹਾਂ | ਉਨ੍ਹਾਂ ਆਖਿਰ 'ਚ ਕਿਹਾ ਕਿ ਉਨ੍ਹਾਂ 'ਤੇ ਝੂਠੇ ਇਲਜ਼ਾਮ ਲਾਏ ਜਾ ਰਹੇ ਹਨ ਅਤੇ ਉਹ ਝੂਠ ਨੂੰ ਬੇਨਕਾਬ ਕਰਨਗੇ |