ਪਿਹੋਵਾ ਵਿਖੇ ਬਰਸੀ ਸਮਾਗਮ 8 ਤੋਂ-ਡਾ. ਪੀ.ਐਸ. ਕੰਗ.

ਜਲੰਧਰ, 4 ਅਪ੍ਰੈਲ (ਅ.ਬ.)-ਸੰਤ ਬਾਬਾ ਮਾਨ ਸਿੰਘ ਜੀ ਪਿਹੋਵਾ ਵਾਲਿਆਂ ਦੀ ਮਿੱਠੀ ਯਾਦ ਨੂੰ ਸਮਰਪਿਤ ਮਹਾਨ ਸੰਤ ਸਮਾਗਮ ਕਰਵਾਇਆ ਜਾ ਰਿਹਾ ਹੈ | ਇਹ ਮਹਾਨ ਸਮਾਗਮ ਗੁਰਦੁਆਰਾ ਸਚਖੰਡ ਈਸ਼ਰ ਦਰਬਾਰ ਜੁਰਾਸੀ ਪਿਹੋਵਾ ਵਿਖੇ ਮਿਤੀ 8 ਤੇ 9 ਅਪ੍ਰੈਲ ਨੂੰ ਸਵੇਰੇ 10 ਵਜੇ ਤੋਂ ਆਰੰਭ ਹੋ ਕੇ ਦੋਵੇਂ ਦਿਨ ਦੇਰ ਸ਼ਾਮ ਤੱਕ ਚਲਣਗੇ | 8 ਅਪ੍ਰੈਲ ਨੂੰ ਕਥਾ, ਕੀਰਤਨ, ਰਾਗੀ, ਢਾਡੀ ਅਤੇ ਕਵੀ ਦਰਬਾਰ ਹੋਣਗੇ | ਮਿਤੀ 9 ਅਪ੍ਰੈਲ ਨੂੰ ਮਹਾਨ ਸੰਤ ਸਮਾਗਮ ਹੋਣਗੇ | ਇਹ ਮਹਾਨ ਸਮਾਗਮ ਸੰਤ ਬਾਬਾ ਮੋਹਣ ਸਿੰਘ ਜੀ ਪਿਹੋਵਾ (ਲੰਗਰਾਂ) ਵਾਲਿਆਂ, ਬਾਬਾ ਮਨੀ ਸਿੰਘ ਜੀ, ਬਾਬਾ ਟਿਵਾਣਾ ਜੀ, ਬਾਬਾ ਸੁਰਜਨ ਸਿੰਘ ਜੀ, ਬਾਬਾ ਕਰਮ ਸਿੰਘ ਜੀ, ਬਾਬਾ ਇਕਬਾਲ ਸਿੰਘ ਜੀ, ਬਾਬਾ ਜੁਝਾਰ ਸਿੰਘ, ਬਾਬਾ ਕਰਮਜੀਤ ਸਿੰਘ ਜੀ, ਬਾਬਾ ਲਾਲ ਸਿੰਘ ਜੀ ਤੇ ਹੋਰ ਸੰਤ ਬਾਬਾ ਮਾਨ ਸਿੰਘ ਜੀ ਦੇ ਬੱਚਿਆਂ ਦੀ ਦੇਖ-ਰੇਖ ਕਰਵਾਇਆ ਜਾ ਰਿਹਾ ਹੈ | ਇਸ ਮਹਾਨ ਸਮਾਗਮ ਵਿਚ ਦੇਸ਼, ਵਿਦੇਸ਼ ਤੋਂ ਵੱਡੀ ਗਿਣਤੀ ਵਿਚ ਸੰਗਤਾਂ ਪਹੁੰਚ ਰਹੀਆਂ ਹਨ |