ਲੰਡਨ, 13 ਅਪ੍ਰੈਲ (ਏ. ਪੀ.)-ਬਰਤਾਨੀਆ ਦੇ ਪ੍ਰਧਾਨ ਮੰਤਰੀ ਕੀਰ ਸਟਾਰਮਰ ਨੇ ਸੋਮਵਾਰ ਨੂੰ ਕਿਹਾ ਕਿ ਬਰਤਾਨੀਆ ਹੋਰਮੁਜ਼ ਜਲਡਮਰੂ ਦੇ ਬੰਦ ਹੋਣ ਦੇ ਜਵਾਬ 'ਚ ਈਰਾਨੀ ਬੰਦਰਗਾਹਾਂ ਦੀ ਅਮਰੀਕੀ ਨਾਕਾਬੰਦੀ ਦਾ ਹਿੱਸਾ ਨਹੀਂ ਹੋਵੇਗਾ | ਸਟਾਰਮਰ ਨੇ ਦੱਸਿਆ ਕਿ ਅਸੀਂ ਨਾਕਾਬੰਦੀ ਦਾ ਸਮਰਥਨ ਨਹੀਂ ਕਰ ਰਹੇ ਹਾਂ ਅਤੇ ਅਸੀਂ ਯੁੱਧ 'ਚ ਨਹੀਂ ਪੈਣਾ ਚਾਹੁੰਦੇ | ਉਨ੍ਹਾਂ ਕਿਹਾ ਕਿ ਯੂ.ਕੇ. ਦੀਆਂ ਕੋਸ਼ਿਸ਼ਾਂ ਮੁੱਖ ਸ਼ਿਪਿੰਗ ਮਾਰਗ ਨੂੰ ਦੁਬਾਰਾ ਖੋਲ੍ਹਣ 'ਤੇ ਕੇਂਦਿ੍ਤ ਹਨ, ਜਿਸ ਦੇ ਬੰਦ ਹੋਣ ਨਾਲ ਤੇਲ ਅਤੇ ਹੋਰ ਵਸਤੂਆਂ ਦੀਆਂ ਕੀਮਤਾਂ ਵਧ ਗਈਆਂ ਹਨ | ਬਰਤਾਨੀਆ ਨੇ ਕਿਹਾ ਕਿ ਉਹ ਜਲਮਾਰਗ 'ਚ ਮਾਈਨਸ-ਸਫਾਈ 'ਚ ਮਦਦ ਕਰ ਸਕਦਾ ਹੈ, ਪਰ ਲੜਾਈ ਬੰਦ ਹੋਣ ਤੋਂ ਬਾਅਦ | ਸਟਾਰਮਰ ਨੇ ਕਿਹਾ ਕਿ ਬਰਤਾਨੀਆ ਦੀ ਸਾਰੀ ਫ਼Ïਜੀ ਸਮਰੱਥਾ ਜਲਡਮਰੂ ਨੂੰ ਪੂਰੀ ਤਰ੍ਹਾਂ ਖੋਲ੍ਹਣ 'ਤੇ ਕੇਂਦਿ੍ਤ ਹੈ | ਬਰਤਾਨੀਆ ਟਕਰਾਅ ਤੋਂ ਬਾਅਦ ਮੁੱਖ ਤੇਲ ਰੂਟ ਰਾਹੀਂ ਸ਼ਿਪਿੰਗ ਲਈ ਸੁਰੱਖਿਆ ਬਹਾਲ ਕਰਨ ਦੀਆਂ ਯੋਜਨਾਵਾਂ 'ਤੇ ਦਰਜਨਾਂ ਹੋਰ ਦੇਸ਼ਾਂ ਨਾਲ ਕੰਮ ਕਰ ਰਿਹਾ ਹੈ |
