ਫਗਵਾੜਾ, 21 ਅਪੈ੍ਰਲ (ਹਰਜੋਤ ਸਿੰਘ ਚਾਨਾ)-ਇੱਥੇ ਪੁਲਿਸ ਕੁਆਟਰ 'ਚ ਰਿਵਾਲਵਰ ਦੀ ਸਫ਼ਾਈ ਕਰਨ ਮੌਕੇ ਅਚਾਨਕ ਗੋਲੀ ਚੱਲਣ ਕਾਰਨ ਪੰਜਾਬ ਪੁਲਿਸ ਦੇ ਡੀ.ਐਸ.ਪੀ. ਯੋਗੇਸ਼ ਕੁਮਾਰ ਸ਼ਰਮਾ (55) ਪੁੱਤਰ ਰਾਮ ਕੁਮਾਰ ਸ਼ਰਮਾ ਦੀ ਮੌਤ ਹੋ ਗਈ | ਐਸ. ਪੀ. ਮਾਧਵੀ ਸ਼ਰਮਾ ਨੇ ਦੱਸਿਆ ਕਿ ਉਕਤ ਡੀ. ਐਸ. ਪੀ. ਜੋ ਪਹਿਲਾ ਐਂਟੀ ਨਾਰਕੋਟਿਕਸ ਟਾਸਕ ਫ਼ੋਰਸ 'ਚ ਸੇਵਾਵਾਂ ਨਿਭਾ ਰਿਹਾ ਸੀ ਤੇ ਤਿੰਨ ਦਿਨ ਪਹਿਲਾ ਹੋਈਆਂ ਬਦਲੀਆਂ 'ਚ ਉਸਨੂੰ ਬਿਊਰੋ ਆਫ਼ ਇਨਵੈਸਟੀਗੇਸ਼ਨ ਚੰਡੀਗੜ੍ਹ 'ਚ ਤਾਇਨਾਤ ਕੀਤਾ ਗਿਆ ਸੀ | ਉਸ ਵਲੋਂ ਆਪਣੀ ਨਵੀਂ ਸਰਵਿਸ ਕਰਕੇ ਰਿਵਾਲਵਰ ਜੋ ਵਿਭਾਗ ਨੂੰ ਵਾਪਸ ਜਮ੍ਹਾ ਕਰਵਾਉਣਾ ਸੀ ਤੇ ਉਸ ਲਈ ਉਹ ਅੱਜ ਸਵੇਰੇ ਆਪਣੇ ਕੁਆਰਟਰ 'ਚ ਰਿਵਾਲਵਰ ਨੂੰ ਸਾਫ਼ ਕਰ ਰਿਹਾ ਸੀ ਤਾਂ ਅਚਾਨਕ ਗੋਲੀ ਚੱਲ ਪਈ ਤੇ ਉਸਦੀ ਛਾਤੀ 'ਚ ਵੱਜੀ ਤੇ ਉਸਨੂੰ ਤੁਰੰਤ ਜਲੰਧਰ ਦੇ ਨਿੱਜੀ ਹਸਪਤਾਲ 'ਚ ਇਲਾਜ ਲਈ ਲਿਜਾਇਆ ਗਿਆ ਜਿੱਥੇ ਡਾਕਟਰਾਂ ਨੇ ਉਸਨੂੰ ਮਿ੍ਤਕ ਕਰਾਰ ਦਿੱਤਾ | ਯੋਗੇਸ਼ ਸ਼ਰਮਾ ਦੋ ਬੱਚਿਆਂ ਦਾ ਬਾਪ ਸੀ | ਉਸਦਾ ਲੜਕਾ ਜੋ ਵਿਦੇਸ਼ ਹੈ ਤੇ ਲੜਕੀ ਇੱਥੇ ਸਕੂਲ 'ਚ ਵਿਦਿਆਰਥਣ ਹੈ |
ਰਿਵਾਲਵਰ ਦੀ ਸਫ਼ਾਈ ਕਰਦੇ ਸਮੇਂ ਗੋਲੀ ਚੱਲਣ ਨਾਲ ਡੀ.ਐਸ.ਪੀ. ਦੀ ਮੌਤ
ਅਜੀਤ ਡੈਸਕ
22-04-2026