ਨਵੀਂ ਦਿੱਲੀ, 24 ਅਪ੍ਰੈਲ (ਪੀ.ਟੀ.ਆਈ.)-ਸ਼ੁੱਕਰਵਾਰ ਨੂੰ 'ਆਪ' ਦੇ ਸੱਤ ਸੰਸਦ ਮੈਂਬਰਾਂ ਦੇ ਦਲ ਬਦਲੀ ਨੇ ਐਨ.ਡੀ.ਏ. ਨੂੰ ਮਜ਼ਬੂਤੀ ਦਿੱਤੀ ਹੈ, ਹਾਲਾਂਕਿ ਰਾਜ ਸਭਾ 'ਚ ਸੱਤਾਧਾਰੀ ਗਠਜੋੜ ਅਜੇ ਵੀ ਦੋ-ਤਿਹਾਈ ਬਹੁਮਤ ਤੋਂ 18 ਮੈਂਬਰ ਘੱਟ ਹਨ ਅਤੇ ਭਾਜਪਾ ਕੋਲ ਖੁਦ ਉੱਚ ਸਦਨ ਵਿਚ ਸਧਾਰਨ ਬਹੁਮਤ ਲਈ 10 ਰਾਜ ਸਭਾ ਮੈਂਬਰਾਂ ਦੀ ਘਾਟ ਹੈ | ਐਨ.ਡੀ.ਏ. ਕੋਲ ਹੁਣ ਰਾਜ ਸਭਾ ਵਿਚ 145 ਰਾਜ ਸਭਾ ਮੈਂਬਰਾਂ ਦਾ ਸਮਰਥਨ ਪ੍ਰਾਪਤ ਹੈ | ਸਦਨ ਦੀ ਕੁੱਲ ਤਾਕਤ 244 ਹੈ ਅਤੇ ਹੁਣ ਦੋ-ਤਿਹਾਈ ਬਹੁਮਤ ਪ੍ਰਾਪਤ ਕਰਨ ਲਈ 163 ਸੰਸਦ ਮੈਂਬਰਾਂ ਦੀ ਲੋੜ ਹੈ | ਜਦੋਂ ਐਨ.ਡੀ.ਏ. ਰਾਜ ਸਭਾ ਵਿਚ ਦੋ-ਤਿਹਾਈ ਬਹੁਮਤ ਪ੍ਰਾਪਤ ਕਰ ਲੈਂਦਾ ਹੈ ਤਾਂ ਇਸ ਨੂੰ ਸੰਵਿਧਾਨਕ ਸੋਧਾਂ ਦੀ ਲੋੜ ਵਾਲੇ ਮੁੱਖ ਕਾਨੂੰਨ ਪਾਸ ਕਰਨ ਵਿਚ ਕੋਈ ਮੁਸ਼ਕਲ ਨਹੀਂ ਆਵੇਗੀ |
