ਚੌਲਾਂਗ (ਹੁਸ਼ਿਆਰਪੁਰ), 6 ਮਈ (ਸੁਖਦੇਵ ਸਿੰਘ)-ਚੌਲਾਂਗ ਖੇਤਰ ਦੇ ਪਿੰਡ ਖਰਲ ਖ਼ੁਰਦ ਵਿਖੇ ਰਹਿ ਰਹੇ ਪ੍ਰਵਾਸੀ ਮਜ਼ਦੂਰਾਂ ਦੀ ਛੋਟੀ ਬੱਚੀ ਨੂੰ ਕੁੱਤਿਆਂ ਨੇ ਨੋਚ-ਨੋਚ ਕੇ ਮਾਰ ਦਿੱਤਾ | ਇਸ ਸੰਬੰਧੀ ਲੜਕੀ ਦੀ ਭੈਣ ਜੋਤੀ ਤੇ ਮਾਤਾ ਬਿਮਲਾ ਨੇ ਦੱਸਿਆ ਕਿ ਸਾਡੀ ਲੜਕੀ ਸਲੋਨੀ (8) ਪੁੱਤਰੀ ਨੰਨੇ ਲਾਲ ਜੋ ਸਰਕਾਰੀ ਸਕੂਲ ਵਿਚ ਪੜ੍ਹਦੀ ਹੈ, ਸਵੇਰੇ 7:30 ਵਜੇ ਜੰਗਲ ਪਾਣੀ ਗਈ ਤੇ ਜਦੋਂ ਉਹ ਕੁੱਝ ਸਮਾਂ ਘਰ ਵਾਪਸ ਨਹੀਂ ਆਈ ਤਾਂ ਉਸ ਦੀੰ ਭਾਲ ਖੇਤਾਂ ਵਿਚ ਜਾ ਕੇ ਕੀਤੀ | ਜਿੱਥੇ ਉਹ ਕੁੱਤਿਆਂ ਵਲੋਂ ਬੁਰੀ ਤਰ੍ਹਾਂ ਨੋਚੀ ਹੋਈ ਸੀ, ਜਿਸ ਨੂੰ ਚੁੱਕ ਕੇ ਤੁਰੰਤ ਸਿਵਲ ਹਸਪਤਾਲ ਟਾਂਡਾ ਵਿਖੇ ਲੈ ਗਏ ਜਿੱਥੇ ਉਸ ਦੀ ਮੌਤ ਹੋ ਗਈ |