'ਹਥਲਿਖਤਾਂ' ਭਾਰਤ ਦੀ ਬੇਮਿਸਾਲ ਸੱਭਿਅਤਾ ਵਿਰਾਸਤ ਪਤੰਜਲੀ ਰਿਸਰਚ ਫਾਊਾਡੇਸ਼ਨ ਵਿਖੇ ਪੰਜ ਦਿਨਾਂ ਦਾ ਵਿਚਾਰ-ਵਟਾਂਦਰਾ ਸੈਸ਼ਨ ਸ਼ੁਰੂ <br/>

ਹਰਿਦੁਆਰ, 12 ਮਈ (ਅਜੀਤ ਬਿਊਰੋ)-ਭਾਰਤ ਸਰਕਾਰ ਦੇ ਸੱਭਿਆਚਾਰ ਮੰਤਰਾਲੇ (ਐਸ.ਓ.ਸੀ.) ਦੀ ਇਕ ਪ੍ਰਮੁੱਖ ਪਹਿਲਕਦਮੀ, 'ਗਿਆਨ ਭਾਰਤਮ ਮਿਸ਼ਨ' ਦੇ ਤਹਿਤ, ਪਤੰਜਲੀ ਰਿਸਰਚ ਫਾਊਾਡੇਸ਼ਨ, ਹਰਿਦੁਆਰ ਵਿਖੇ 'ਹਥਲਿਖਤਾਂ ਦੀ ਨਿਵਾਰਣ ਤੇ ਸੰਭਾਲ' 'ਤੇ ਪੰਜ ਦਿਨਾਂ ਦੀ ਵਰਕਸ਼ਾਪ ਕਰਵਾਈ ਜਾ ਰਹੀ ਹੈ | ਮਿਸ਼ਨ ਦਾ ਉਦੇਸ਼ ਭਾਰਤ ਦੀ ਵਿਸ਼ਾਲ ਤੇ ਅਨਮੋਲ ਹੱਥ-ਲਿਖਤ ਵਿਰਾਸਤ ਨੂੰ ਸੁਰੱਖਿਅਤ ਰੱਖਣਾ, ਦਸਤਾਵੇਜ਼ੀਕਰਨ ਕਰਨਾ ਤੇ ਡਿਜੀਟਾਈਜ਼ ਕਰਨਾ ਹੈ, ਜਿਸ ਨਾਲ ਆਉਣ ਵਾਲੀਆਂ ਪੀੜ੍ਹੀਆਂ ਲਈ ਇਸਦੀ ਨਿਵਾਰਣ ਤੇ ਸੰਭਾਲ ਨੂੰ ਯਕੀਨੀ ਬਣਾਇਆ ਜਾ ਸਕੇ | ਇਹ ਵਰਕਸ਼ਾਪ ਹੱਥ-ਲਿਖਤ ਸੰਭਾਲ ਬਾਰੇ ਜਾਗਰੂਕਤਾ ਪੈਦਾ ਕਰਨ ਤੇ ਸੰਭਾਲ ਤੇ ਸਟੋਰੇਜ ਨਾਲ ਸਬੰਧਿਤ ਹੁਨਰ ਵਿਕਸਤ ਕਰਨ ਲਈ ਕਰਵਾਈ ਗਈ ਸੀ | ਪ੍ਰੋਗਰਾਮ ਵਿਚ ਸੱਭਿਆਚਾਰ ਮੰਤਰਾਲੇ ਦੇ ਅਧਿਕਾਰੀਆਂ, ਮਾਹਿਰਾਂ ਤੇ ਵੱਖ-ਵੱਖ ਸੰਸਥਾਵਾਂ ਦੇ ਪ੍ਰਤੀਨਿਧੀਆਂ ਨੇ ਸ਼ਿਰਕਤ ਕੀਤੀ | ਪ੍ਰੋਗਰਾਮ ਦੀ ਸ਼ੁਰੂਆਤ ਯੱਗ (ਅਗਨੀ ਬਲੀ) ਤੇ ਦੀਵੇ ਜਗਾਉਣ ਨਾਲ ਹੋਈ | ਮਹਿਮਾਨਾਂ ਦਾ ਸਵਾਗਤ ਸ਼ਾਲਾਂ, ਹਾਰਾਂ ਤੇ ਯਾਦਗਾਰੀ ਚਿੰਨ੍ਹਾਂ ਨਾਲ ਕੀਤਾ ਗਿਆ | ਪਤੰਜਲੀ ਰਿਸਰਚ ਫਾਊਾਡੇਸ਼ਨ ਦੇ ਖੋਜ ਮੁਖੀ ਡਾ. ਵੇਦਪਿ੍ਯਾ ਆਰੀਆ ਨੇ ਸਵਾਗਤੀ ਭਾਸ਼ਣ ਦਿੱਤਾ |