ਇੰਦੌਰ 'ਚ 5 ਦਿਨਾ ਬਿ੍ਕਸ ਸਮੂਹ ਦੀ ਮੀਟਿੰਗ ਅੱਜ ਤੋਂ <br/>

ਭੋਪਾਲ, 8 ਜੂਨ (ਪੀ.ਟੀ.ਆਈ.) -ਕੇਂਦਰੀ ਖੇਤੀਬਾੜੀ ਮੰਤਰੀ ਸ਼ਿਵਰਾਜ ਸਿੰਘ ਚÏਹਾਨ ਨੇ ਸੋਮਵਾਰ ਨੂੰ ਕਿਹਾ ਕਿ ਪੰਜ ਦਿਨਾ ਬਿ੍ਕਸ ਸਮੂਹ ਦੀ ਮੀਟਿੰਗ ਮੰਗਲਵਾਰ ਨੂੰ ਇੰਦੌਰ ਵਿੱਚ ਸ਼ੁਰੂ ਹੋਵੇਗੀ ਜਿਸ ਵਿੱਚ ਖੁਰਾਕ ਸੁਰੱਖਿਆ, ਸਮਾਰਟ ਖੇਤੀ, ਵਿਸ਼ਵ ਖੇਤੀਬਾੜੀ ਵਪਾਰ ਅਤੇ ਕਿਸਾਨਾਂ ਦੀ ਭਲਾਈ 'ਤੇ ਚਰਚਾ ਕੀਤੀ ਜਾਵੇਗੀ¢ਉਨ੍ਹਾਂ ਕਿਹਾ ਕਿ ਭਾਰਤ ਦੀ ਪ੍ਰਧਾਨਗੀ ਹੇਠ ਹੋਣ ਵਾਲੀਆਂ ਇਨ੍ਹਾਂ ਚਰਚਾਵਾਂ ਵਿੱਚ 9 ਜੂਨ ਤੋਂ ਤਿੰਨ ਦਿਨਾ ਖੇਤੀਬਾੜੀ ਕਾਰਜ ਸਮੂਹ ਦੀ ਮੀਟਿੰਗ ਅਤੇ 12 ਜੂਨ ਤੋਂ ਦੋ ਦਿਨਾ ਬਿ੍ਕਸ ਮੰਤਰੀ ਪੱਧਰ ਦੀ ਮੀਟਿੰਗ ਸ਼ਾਮਿਲ ਹੋਵੇਗੀ¢ ਬਿ੍ਕਸ ਇੱਕ ਅੰਤਰ-ਸਰਕਾਰੀ ਸੰਗਠਨ ਹੈ ਜਿਸ ਵਿੱਚ ਗਿਆਰਾਂ ਪ੍ਰਮੁੱਖ ਉੱਭਰ ਰਹੀਆਂ ਅਰਥਵਿਵਸਥਾਵਾਂ ਸ਼ਾਮਲ ਹਨ: ਬ੍ਰਾਜ਼ੀਲ, ਰੂਸ, ਭਾਰਤ, ਚੀਨ, ਦੱਖਣੀ ਅਫਰੀਕਾ, ਮਿਸਰ, ਇਥੋਪੀਆ, ਈਰਾਨ, ਸਾਊਦੀ ਅਰਬ, ਸੰਯੁਕਤ ਅਰਬ ਅਮੀਰਾਤ ਅਤੇ ਇੰਡੋਨੇਸ਼ੀਆ¢ਮੀਟਿੰਗ ਦੀ ਮਹੱਤਤਾ ਨੂੰ ਉਜਾਗਰ ਕਰਦੇ ਹੋਏ, ਚੌਹਾਨ ਨੇ ਕਿਹਾ ਕਿ ਬਿ੍ਕਸ ਦੁਨੀਆ ਦੇ ਵਿਕਾਸਸ਼ੀਲ ਦੇਸ਼ਾਂ ਦੀ ਇੱਕ ਬਹੁਤ ਮਜ਼ਬੂਤ ਆਵਾਜ਼ ਹੈ¢ਉਨ੍ਹਾਂ ਕਿਹਾ, 'ਦੁਨੀਆ ਦੀ ਲਗਭਗ ਅੱਧੀ ਆਬਾਦੀ ਬਿ੍ਕਸ ਦੇਸ਼ਾਂ ਵਿੱਚ ਰਹਿੰਦੀ ਹੈ¢ ਉਨ੍ਹਾਂ ਕੋਲ ਦੁਨੀਆ ਦੀ ਖੇਤੀਯੋਗ ਜ਼ਮੀਨ ਦਾ 42 ਫੀਸਦੀ ਹੈ ਅਤੇ ਕੁੱਲ ਉਤਪਾਦਨ ਦਾ 42 ਫੀਸਦੀ ਤੋਂ ਵੱਧ ਹਿੱਸਾ ਹੈ¢ ਦੁਨੀਆ ਭਰ ਦੇ 580 ਮਿਲੀਅਨ ਕਿਸਾਨਾਂ ਵਿੱਚੋਂ, 70 ਪ੍ਰਤੀਸ਼ਤ ਛੋਟੇ ਕਿਸਾਨ ਬਿ੍ਕਸ ਦੇਸ਼ਾਂ ਵਿੱਚ ਰਹਿੰਦੇ ਹਨ¢' ਕੇਂਦਰੀ ਮੰਤਰੀ ਨੇ ਕਿਹਾ ਕਿ ਪੰਜ ਦਿਨਾਂ ਦੀ ਮੀਟਿੰਗ ਵਿੱਚ ਖੁਰਾਕ ਸੁਰੱਖਿਆ, ਕਿਸਾਨਾਂ ਦੀ ਭਲਾਈ, ਪੋਸ਼ਣ, ਜਲਵਾਯੂ-ਲਚਕੀਲਾ ਸਮਾਰਟ ਖੇਤੀ, ਅੰਤਰਰਾਸ਼ਟਰੀ ਖੇਤੀਬਾੜੀ ਵਪਾਰ ਨੂੰ ਸੁਚਾਰੂ ਬਣਾਉਣ, ਸਪਲਾਈ ਚੇਨ, ਡਿਜੀਟਲ ਖੇਤੀਬਾੜੀ, ਖੋਜ, ਗਿਆਨ ਆਦਾਨ-ਪ੍ਰਦਾਨ, ਨਕਲੀ ਬੁੱਧੀ ਅਤੇ ਰੋਬੋਟਿਕਸ ਬਾਰੇ ਚਰਚਾ ਕੀਤੀ ਜਾਵੇਗੀ¢ਉਨ੍ਹਾਂ ਕਿਹਾ ਕਿ ਬਿ੍ਕਸ ਖੇਤੀਬਾੜੀ ਮੰਤਰੀਆਂ ਵਿੱਚ ਸਹਿਮਤੀ ਬਣਨ ਤੋਂ ਬਾਅਦ ਇੱਕ ਸਾਂਝਾ ਐਲਾਨ ਜਾਰੀ ਕੀਤਾ ਜਾਵੇਗਾ¢