ਆਈ.ਏ.ਆਰ.ਆਈ. ਵਿਖੇ 3 ਨਵੀਆਂ ਪ੍ਰਯੋਗਸ਼ਾਲਾਵਾਂ ਸਥਾਪਤ

ਪਟਿਆਲਾ, 8 ਜੂਨ (ਭਗਵਾਨ ਦਾਸ)- ਡਾ. ਸੀ. ਐਚ. ਸ਼੍ਰੀਨਿਵਾਸਾ ਰਾਓ ਦੀ ਅਗਵਾਈ ਹੇਠ ਆਈ.ਏ.ਆਰ.ਆਈ. ਵਿਖੇ 12.1 ਕਰੋੜ ਦੀ ਲਾਗਤ ਨਾਲ 3 ਨਵੀਆਂ ਪ੍ਰਯੋਗਸ਼ਾਲਾਵਾਂ ਸਥਾਪਤ ਕੀਤੀਆਂ ਗਈਆਂ ਹਨ | ਇਨ੍ਹਾਂ ਦਾ ਉਦਘਾਟਨ ਖੇਤੀ ਖੋਜ ਅਤੇ ਸਿੱਖਿਆ ਵਿਭਾਗ ਦੇ ਸਕੱਤਰ ਤੇ ਆਈ.ਸੀ.ਏ.ਆਰ. ਦੇ ਡਾਇਰੈਕਟਰ ਜਨਰਲ ਡਾ. ਐਮ.ਐਲ. ਜਾਟ ਨੇ ਕੀਤਾ | ਸਥਾਪਤ ਕੀਤੀਆਂ ਗਈਆਂ ਪ੍ਰਯੋਗਸ਼ਾਲਾਵਾਂ ਇਨਵਾਇਰਮੈਂਟਲ ਸਾਇੰਸਸਿੰਜ਼ ਲੈਬ (5.5 ਕਰੋੜ), ਆਈ.ਸੀ.ਟੀ. ਲੈਬ (5.4 ਕਰੋੜ) ਅਤੇ ਪੋਸਟ-ਹਾਰਵੈਸਟ ਟੈਕਨੀਕਲ ਲੈਬ (1.2 ਕਰੋੜ) ਸ਼ਾਮਿਲ ਹਨ | ਆਈ. ਏ. ਆਰ. ਆਈ. ਦੇ ਡਾਇਰੈਕਟਰ ਨੇ ਤਿੰਨੇ ਪ੍ਰਯੋਗਸ਼ਾਲਾਵਾਂ ਦੇ ਉਦਘਾਟਨ ਸਮਾਰੋਹ 'ਚ ਹਾਜ਼ਰ ਵਿਗਿਆਨੀਆਂ ਤੇ ਹੋਰ ਦੂਜੇ ਵਿਅਕਤੀਆਂ ਨੂੰ ਪ੍ਰਯੋਗਸ਼ਾਲਾਵਾਂ 'ਚ ਕੀਤੀ ਜਾਣ ਵਾਲੀ ਖੋਜ ਸੰਬੰਧੀ ਚਾਨਣ ਪਾਇਆ |