ਅੰਮ੍ਰਿਤਸਰ, 27 ਜੂਨ (ਸੁਰਿੰਦਰ ਕੋਛੜ)-ਸ਼ੋਏਬ ਅਖ਼ਤਰ ਦੇ ਵੱਡੇ ਭਰਾ ਸ਼ਾਹਿਦ ਅਖ਼ਤਰ ਦੇ ਜਨਾਜ਼ੇ ਦੀ ਅੰਤਿਮ ਨਮਾਜ਼ ਨੂੰ ਲੈ ਕੇ ਇਕ ਨਵਾਂ ਵਿਵਾਦ ਖੜ੍ਹਾ ਹੋ ਗਿਆ ਹੈ। ਸੋਸ਼ਲ ਮੀਡੀਆ ’ਤੇ ਘੁੰਮ ਰਹੀਆਂ ਵੀਡੀਓਜ਼ ਤੇ ਤਸਵੀਰਾਂ ’ਚ ਸ਼ਾਹਿਦ ਅਖ਼ਤਰ ਦੇ ਜਨਾਜ਼ੇ ਦੀ ਨਮਾਜ਼ ’ਚ ਲਸ਼ਕਰ-ਏ-ਤੋਇਬਾ ਨਾਲ ਜੁੜੇ ਅੱਤਵਾਦੀਆਂ ਦੀ ਮੌਜੂਦਗੀ ਦਾ ਦਾਅਵਾ ਕੀਤਾ ਗਿਆ ਹੈ । ਇਸ ਮੌਕੇ ਲਸ਼ਕਰ-ਏ-ਤੋਇਬਾ ਦਾ ਡਿਪਟੀ ਚੀਫ਼ ਤੇ ਪਹਿਲਗਾਮ ਅੱਤਵਾਦੀ ਹਮਲੇ ਦੇ ਮੁੱਖ ਸਾਜ਼ਿਸ਼ਕਾਰਾਂ ‘ਚੋਂ ਇਕ ਸੈਫੁੱਲਾ ਕਸੂਰੀ ਤੇ ਪਾਕਿਸਤਾਨ ਸੈਂਟਰਲ ਮੁਸਲਿਮ ਲੀਗ ਇਸਲਾਮਾਬਾਦ ਦੇ ਪ੍ਰਧਾਨ ਇਨਾਮ-ਉਰ-ਰਹਿਮਾਨ ਕੰਬੋਅ ਅਤੇ ਕੁਝ ਆਗੂ ਵੀ ਹਾਜ਼ਰ ਸਨ।
