ਜੇਕਰ ਪ੍ਰਧਾਨ ਮੰਤਰੀ ਮੋਦੀ ਆਪਣੀ ਡਿਗਰੀ ਦਿਖਾਉਣਗੇ , ਤਾਂ ਮੈਂ ਆਪਣਾ ਸਕਾਲਰਸ਼ਿਪ ਪੱਤਰ ਦਿਖਾਵਾਂਗਾ - ਦਿਪਕੇ

ਛਤਰਪਤੀ ਸੰਭਾਜੀਨਗਰ, 3 ਅਗਸਤ (ਪੀ. ਟੀ.

ਕ

ਕਾਕਰੋਚ ਜਨਤਾ ਪਾਰਟੀ ਦੇ ਸੰਸਥਾਪਕ ਅਭਿਜੀਤ ਦਿਪਕੇ ਪੀ.ਟੀ.ਆਈ. ਨੂੰ ਇੰਟਰਵਿਊ ਦਿੰਦੇ ਹੋਏ। 04-08-2026

ਛਤਰਪਤੀ ਸੰਭਾਜੀਨਗਰ, 3 ਅਗਸਤ (ਪੀ.ਟੀ.ਆਈ.)-ਕਾਕਰੋਚ ਜਨਤਾ ਪਾਰਟੀ (ਸੀ ਜੇ ਪੀ) ਦੇ ਸੰਸਥਾਪਕ ਅਭਿਜੀਤ ਦਿਪਕੇ ਨੇ ਸੋਮਵਾਰ ਨੂੰ ਕਿਹਾ ਕਿ ਜੇਕਰ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਆਪਣੀ ਡਿਗਰੀ ਜਨਤਕ ਕਰਦੇ ਹਨ ਤਾਂ ਉਹ ਆਪਣੇ ਸਕਾਲਰਸ਼ਿਪ ਅਤੇ ਕਰਜ਼ਾ ਪ੍ਰਵਾਨਗੀ ਪੱਤਰ ਦਿਖਾਉਣ ਲਈ ਤਿਆਰ ਹਨ। ਸੂਰਤ ਦੇ ਇੱਕ ਆਰ.ਟੀ.ਆਈ. ਕਾਰਕੁਨ ਨੇ ਦਿਪਕੇ ਦੇ ਪਿਤਾ ਦੀ ਵਿੱਤੀ ਸਥਿਤੀ ਦੀ ਜਾਂਚ ਦੀ ਮੰਗ ਕੀਤੀ ਸੀ; ਉਸਦੇ ਪਿਤਾ ਇੱਕ ਸੇਵਾਮੁਕਤ ਸਰਕਾਰੀ ਕਰਮਚਾਰੀ ਹਨ ਜਿਨ੍ਹਾਂ ਨੇ ਆਪਣੇ ਪੁੱਤਰ ਨੂੰ ਪੜ੍ਹਾਈ ਲਈ ਵਿਦੇਸ਼ ਭੇਜਿਆ ਸੀ। ਦਿਪਕੇ ਨੇ ਛਤਰਪਤੀ ਸੰਭਾਜੀਨਗਰ ਵਿੱਚ ਪੱਤਰਕਾਰਾਂ ਨੂੰ ਕਿਹਾ, “ਮੈਂ ਆਪਣਾ ਸਕਾਲਰਸ਼ਿਪ ਪੱਤਰ ਅਤੇ ਸਿੱਖਿਆ ਕਰਜ਼ਾ ਪੱਤਰ ਦਿਖਾਉਣ ਲਈ ਤਿਆਰ ਹਾਂ। ਕੀ ਪ੍ਰਧਾਨ ਮੰਤਰੀ ਮੋਦੀ ਆਪਣੀ ਡਿਗਰੀ ਦਿਖਾਉਂਣਗੇ?” ਦਿਪਕੇ ਦਾ ਬਿਆਨ ਕਾਰਕੁਨਾਂ ਅਤੇ ਰਾਜਨੀਤਿਕ ਵਿਰੋਧੀਆਂ ਦੀਆਂ ਮੰਗਾਂ ਦੇ ਜਵਾਬ ਵਿੱਚ ਸੀ ਜੋ ਮੋਦੀ ਦੀ ਡਿਗਰੀ ਦੇ ਪਿੱਛੇ ਦੀ ਸੱਚਾਈ ਦਾ ਪਤਾ ਲਗਾਉਣ ਲਈ ਯੂਨੀਵਰਸਿਟੀ ਦੇ ਰਿਕਾਰਡਾਂ ਦੀ ਅਧਿਕਾਰਤ ਜਾਂਚ ਅਤੇ ਜਨਤਕ ਖੁਲਾਸੇ ਦੀ ਮੰਗ ਕਰ ਰਹੇ ਹਨ। ਦਿਪਕੇ ਨੇ ਕਿਹਾ ਕਿ ਉਸਨੇ ਬੋਸਟਨ ਯੂਨੀਵਰਸਿਟੀ ਤੋਂ ਸਕਾਲਰਸ਼ਿਪ ਅਤੇ ਸਿੱਖਿਆ ਕਰਜ਼ੇ ਨਾਲ ਆਪਣੀ ਅਮਰੀਕੀ ਪੜ੍ਹਾਈ ਲਈ ਫੰਡ ਦਿੱਤਾ ਸੀ।ਉਸਨੇ ਬੋਸਟਨ ਯੂਨੀਵਰਸਿਟੀ ਦੇ ਕਾਲਜ ਆਫ਼ ਕਮਿਊਨੀਕੇਸ਼ਨ ਤੋਂ ਪਬਲਿਕ ਰਿਲੇਸ਼ਨਜ਼ ਵਿੱਚ ਆਪਣੀ ਪੋਸਟ ਗ੍ਰੈਜੂਏਸ਼ਨ ਪੂਰੀ ਕੀਤੀ ਅਤੇ ਇਸ ਸਾਲ ਜੂਨ ਵਿੱਚ ਭਾਰਤ ਵਾਪਸ ਆਇਆ।ਦਿਪਕੇ ਨੇ ਕਿਹਾ, “ਮੈਨੂੰ ਆਪਣੀ ਪੜ੍ਹਾਈ ਲਈ ਬੋਸਟਨ ਯੂਨੀਵਰਸਿਟੀ ਤੋਂ ਸਕਾਲਰਸ਼ਿਪ ਮਿਲੀ। ਮੈਂ ਉੱਥੇ ਪੜ੍ਹਨ ਲਈ ਸਿੱਖਿਆ ਕਰਜ਼ਾ ਵੀ ਲਿਆ ਸੀ।