ਜੰਮੂ ਹਸਪਤਾਲ ਨੇ ਪੂਰੀਆਂ ਕੀਤੀਆਂ 100 ਤੋਂ ਵੱਧ ਰੋਬੋਟਿਕ ਸਰਜਰੀਆਂ

ਜਲੰਧਰ, 3 ਸਤੰਬਰ (ਐਮ. ਐਸ.

ਡ

ਡਾ. ਗੁਰਵਿੰਦਰ ਸਿੰਘ ਜੰਮੂ 04-09-2026

ਜਲੰਧਰ, 3 ਸਤੰਬਰ (ਐਮ.ਐਸ. ਲੋਹੀਆ)- ਜਟਿਲ ਜਾਂ ਐਡਵਾਂਸ ਸਰਜਰੀ ਲਈ ਪੰਜਾਬ ਦੇ ਮਰੀਜ਼ਾਂ ਨੂੰ ਦਿੱਲੀ, ਮੁੰਬਈ ਜਾਂ ਹੋਰ ਮੈਟਰੋ ਸ਼ਹਿਰਾਂ ਵੱਲ ਰੁਖ਼ ਕਰਨਾ ਪੈਂਦਾ ਸੀ, ਹੁਣ ਇਹ ਤਸਵੀਰ ਬਦਲ ਰਹੀ ਹੈ। ਜਲੰਧਰ ਵਿਚ ਹੀ ਆਧੁਨਿਕ ਰੋਬੋਟਿਕ ਤਕਨੀਕ ਨਾਲ ਕਈ ਜਟਿਲ ਆਪਰੇਸ਼ਨ ਕੀਤੇ ਜਾ ਰਹੇ ਹਨ ਤੇ ਇਸ ਬਦਲਾਅ ਵਿਚ ਜੰਮੂ ਹਸਪਤਾਲ ਅਤੇ ਪ੍ਰਸਿੱਧ ਬੈਰੀਐਟ੍ਰਿਕ, ਮੈਟਾਬੋਲਿਕ ਅਤੇ ਐਡਵਾਂਸ ਲੈਪਰੋਸਕੋਪਿਕ ਸਰਜਨ ਡਾ. ਗੁਰਵਿੰਦਰ ਸਿੰਘ ਜੰਮੂ ਦੀ ਟੀਮ ਅਹਿਮ ਭੂਮਿਕਾ ਨਿਭਾ ਰਹੀ ਹੈ। ਇਸ ਹਸਪਤਾਲ ਨੇ ਪਿਛਲੇ ਕੁਝ ਮਹੀਨਿਆਂ ਦੌਰਾਨ 100 ਤੋਂ ਵੱਧ ਰੋਬੋਟਿਕ ਸਰਜਰੀਆਂ ਪੂਰੀਆਂ ਕਰਕੇ ਇਕ ਮਹੱਤਵਪੂਰਨ ਮੀਲ ਪੱਥਰ ਹਾਸਿਲ ਕੀਤਾ ਹੈ । ਇਹ ਉਪਲਬਧੀ ਮਰੀਜ਼ਾਂ ਵਲੋਂ ਸਥਾਨਕ ਪੱਧਰ ’ਤੇ ਉਪਲਬਧ ਐਡਵਾਂਸ ਸਰਜੀਕਲ ਸਹੂਲਤਾਂ ਪ੍ਰਤੀ ਵਧਦੇ ਭਰੋਸੇ ਦੀ ਨਿਸ਼ਾਨੀ ਹੈ । ਇਨ੍ਹਾਂ ਰੋਬੋਟਿਕ ਪ੍ਰੋਸੀਜ਼ਰਾਂ ਵਿਚ ਬੈਰੀਐਟ੍ਰਿਕ ਅਤੇ ਵਜ਼ਨ ਘਟਾਉਣ ਵਾਲੀਆਂ ਸਰਜਰੀਆਂ, ਹਰਨੀਆਂ ਰਿਪੇਅਰ, ਗਾਲਬਲੈਡਰ ਸਟੋਨ ਸਰਜਰੀ, ਬੱਚੇਦਾਨੀ ਦੀਆਂ ਰਸੌਲੀਆਂ ਅਤੇ ਅੰਡੇਦਾਨੀ ਦੀਆਂ ਰਸੌਲੀਆਂ ਸਮੇਤ ਕਈ ਚੁਣੌਤੀਪੂਰਨ ਆਪਰੇਸ਼ਨ ਸ਼ਾਮਿਲ ਹਨ । ਮਰੀਜ਼ ਦੀ ਬਿਮਾਰੀ, ਉਮਰ ਅਤੇ ਕੁੱਲ ਸਿਹਤ ਦੇ ਅਨੁਸਾਰ ਇਲਾਜ ਦੀ ਯੋਜਨਾ ਵਿਅਕਤੀਗਤ ਤੌਰ ’ਤੇ ਤਿਆਰ ਕੀਤੀ ਜਾਂਦੀ ਹੈ। ਮਿਨੀਮਲੀ ਇਨਵੇਸਿਵ ਤਕਨੀਕ ਕਾਰਨ ਚੁਣੇ ਹੋਏ ਮਰੀਜ਼ਾਂ ਵਿਚ ਛੋਟੇ ਚੀਰੇ, ਘੱਟ ਦਰਦ, ਜਲਦੀ ਚੱਲਣ-ਫਿਰਨ ਅਤੇ ਤੇਜ਼ ਰਿਕਵਰੀ ਵਿਚ ਮਦਦ ਮਿਲ ਸਕਦੀ ਹੈ । ਕਈ ਮਰੀਜ਼ਾਂ ਨੂੰ ਉਨ੍ਹਾਂ ਦੀ ਕਲੀਨਿਕਲ ਹਾਲਤ ਅਨੁਸਾਰ ਇਕ ਜਾਂ ਦੋ ਦਿਨਾਂ ਵਿਚ ਹਸਪਤਾਲ ਤੋਂ ਛੁੱਟੀ ਦਿੱਤੀ ਗਈ । “ਰੋਬੋਟ ਸਰਜਰੀ ਆਪਣੇ-ਆਪ ਨਹੀਂ ਕਰਦਾ। ਤਜਰਬੇਕਾਰ ਸਰਜਨ ਦੇ ਹੱਥਾਂ ਵਿਚ ਇਹ ਤਕਨੀਕ ਵਧੇਰੇ ਸਟੀਕਤਾ, ਕੰਟਰੋਲ ਅਤੇ ਬਿਹਤਰ ਵਿਜ਼ੂਅਲਾਈਜ਼ੇਸ਼ਨ ਪ੍ਰਦਾਨ ਕਰਨ ਵਾਲਾ ਇਕ ਸ਼ਕਤੀਸ਼ਾਲੀ ਸਾਧਨ ਹੈ।” ਡਾ. ਗੁਰਵਿੰਦਰ ਸਿੰਘ ਜੰਮੂ ਲੰਬੇ ਸਮੇਂ ਤੋਂ ਸਰਜਰੀ ਵਿਚ ਨਵੀਂ ਅਤੇ ਵਿਗਿਆਨਕ ਤੌਰ ’ਤੇ ਸਵੀਕਾਰ ਕੀਤੀ ਤਕਨੀਕ ਅਪਣਾਉਣ ’ਤੇ ਜ਼ੋਰ ਦਿੰਦੇ ਆਏ ਹਨ । ਉਨ੍ਹਾਂ ਦੀ ਅਗਵਾਈ ਹੇਠ ਜੰਮੂ ਹਸਪਤਾਲ ਨੇ ਲੈਪਰੋਸਕੋਪਿਕ ਸਰਜਰੀ ਤੋਂ ਅੱਗੇ ਵਧਦਿਆਂ ਰੋਬੋਟਿਕ ਸਰਜਰੀ ਲਈ ਲੋਡ਼ੀਂਦਾ ਤਕਨੀਕੀ ਢਾਂਚਾ ਅਤੇ ਟੀਮ-ਅਧਾਰਿਤ ਸਹੂਲਤਾਂ ਵਿਕਸਿਤ ਕੀਤੀਆਂ ਹਨ । ਰੋਬੋਟਿਕ ਸਰਜਰੀ ਹਰ ਮਰੀਜ਼ ਲਈ ਲਾਜ਼ਮੀ ਜਾਂ ਉਚਿਤ ਨਹੀਂ ਹੁੰਦੀ। ਇਲਾਜ ਦੀ ਚੋਣ ਮਾਹਿਰ ਸਰਜਨ ਵਲੋਂ ਕਲੀਨਿਕਲ ਜਾਂਚ ਅਤੇ ਲਾਭ-ਜੋਖਮ ਦੇ ਮੁਲਾਂਕਣ ਤੋਂ ਬਾਅਦ ਕੀਤੀ ਜਾਣੀ ਚਾਹੀਦੀ ਹੈ।