9/11 ਦੇ ਸੂਤਰਧਾਰ ਗੁਫ਼ਾਵਾਂ ’ਚ ਨਹੀਂ, ਆਬਾਦ ਕਾਲੋਨੀਆਂ ਵਿਚ ਲੁਕੇ ਸਨ-ਭਾਰਤ
ਸੰਯੁਕਤ ਰਾਸ਼ਟਰ, 17 ਸਤੰਬਰ (ਏਜੰਸੀ)-ਪਾਕਿਸਤਾਨ ’ਤੇ ਤਿੱਖਾ ਹਮਲਾ ਕਰਦਿਆਂ ਭਾਰਤ ਨੇ ਕਿਹਾ ਕਿ 9/11 ਦੇ ਹਮਲਿਆਂ ਦੇ ‘ਸੂਤਰਧਾਰ’ ਕਿਸੇ ਗੁਫ਼ਾ ਜਾਂ ਬੀਆਬਾਨ ਇਲਾਕਿਆਂ ਵਿਚ ਨਹੀਂ, ਸਗੋਂ ਉਹ ਆਬਾਦ ਕਾਲੋਨੀਆਂ (ਪਾਕਿਸਤਾਨ) ’ਚ ਲੁਕੇ ਹੋਏ ਸਨ ਤੇ ਲੰਬੇ ਸਮੇਂ ਤੱਕ ਫੜੇ ਜਾਣ ਤੋਂ ਬਚੇ ਰਹੇ। ਉਹੀ ਸਹੂਲਤ ਭਰਿਆ ਮਾਹੌਲ ਅੱਜ ਵੀ ਲਸ਼ਕਰ-ਏ-ਤੋਇਬਾ ਅਤੇ ਜੈਸ਼-ਏ-ਮੁਹੰਮਦ ਵਰਗੇ ਅੱਤਵਾਦੀ ਸਮੂਹਾਂ ਦੀ ਮਦਦ ਕਰ ਰਿਹਾ ਹੈ।
ਸੰਯੁਕਤ ਰਾਸ਼ਟਰ, 17 ਸਤੰਬਰ (ਏਜੰਸੀ)-ਪਾਕਿਸਤਾਨ ’ਤੇ ਤਿੱਖਾ ਹਮਲਾ ਕਰਦਿਆਂ ਭਾਰਤ ਨੇ ਕਿਹਾ ਕਿ 9/11 ਦੇ ਹਮਲਿਆਂ ਦੇ ‘ਸੂਤਰਧਾਰ’ ਕਿਸੇ ਗੁਫ਼ਾ ਜਾਂ ਬੀਆਬਾਨ ਇਲਾਕਿਆਂ ਵਿਚ ਨਹੀਂ, ਸਗੋਂ ਉਹ ਆਬਾਦ ਕਾਲੋਨੀਆਂ (ਪਾਕਿਸਤਾਨ) ’ਚ ਲੁਕੇ ਹੋਏ ਸਨ ਤੇ ਲੰਬੇ ਸਮੇਂ ਤੱਕ ਫੜੇ ਜਾਣ ਤੋਂ ਬਚੇ ਰਹੇ। ਉਹੀ ਸਹੂਲਤ ਭਰਿਆ ਮਾਹੌਲ ਅੱਜ ਵੀ ਲਸ਼ਕਰ-ਏ-ਤੋਇਬਾ ਅਤੇ ਜੈਸ਼-ਏ-ਮੁਹੰਮਦ ਵਰਗੇ ਅੱਤਵਾਦੀ ਸਮੂਹਾਂ ਦੀ ਮਦਦ ਕਰ ਰਿਹਾ ਹੈ। ਸੰਯੁਕਤ ਰਾਸ਼ਟਰ ਸੁਰੱਖਿਆ ਪਰਿਸ਼ਦ ਦੀ ਅਫ਼ਗਾਨਿਸਤਾਨ ਦੀ ਸਥਿਤੀ ਬਾਰੇ ਮੀਟਿੰਗ ’ਚ ਬੋਲਦਿਆਂ ਭਾਰਤ ਦੇ ਸਥਾਈ ਪ੍ਰਤੀਨਿਧ ਹਰੀਸ਼ ਪਰਵਥਨੇਨੀ ਨੇ 11 ਸਤੰਬਰ, 2001 (9/11) ਦੇ ਹਮਲਿਆਂ ਦੇ ਇਤਿਹਾਸ ਨੂੰ ਯਾਦ ਕੀਤਾ। ਉਨ੍ਹਾਂ ਕਿਹਾ ਕਿ ਅਲ-ਕਾਇਦਾ ਦੇ ਨੇਤਾ ਓਸਾਮਾ ਬਿਨ ਲਾਦੇਨ ਤੇ ਖਾਲਿਦ ਸ਼ੇਖ ਮੁਹੰਮਦ ਅੰਤ ਵਿਚ ਦੂਰ-ਦੁਰਾਡੇ ਦੇ ਟਿਕਾਣਿਆਂ ਦੀ ਬਜਾਏ ਆਬਾਦ ਭਾਈਚਾਰਿਆਂ ’ਚੋਂ ਮਿਲੇ ਸਨ। ਪਰਵਥਨੇਨੀ ਨੇ ਪਾਕਿਸਤਾਨ ਵੱਲ ਇਸ਼ਾਰਾ ਕਰਦਿਆਂ ਕਿਹਾ ਕਿ ਹਰ ਮਾਮਲੇ ਵਿਚ ਇਹ ਗੁਫ਼ਾਵਾਂ ਜਾਂ ਬੀਆਬਾਨਾਂ ’ਚ ਲੁਕੇ ਹੋਏ ਭਗੌੜੇ ਨਹੀਂ ਸਨ, ਇਹ ਉਹ ਆਦਮੀ ਸਨ ਜੋ ਲੰਬੇ ਸਮੇਂ ਤੋਂ ਫੜੇ ਜਾਣ ਤੋਂ ਬਚਦੇ ਰਹੇ। ਇਸ ਦਲਦਲ ਨੂੰ ਸੁਕਾਉਣਾ ਮਹੱਤਵਪੂਰਨ ਹੈ ਜਿਸ ਨੇ ਮਨੁੱਖਤਾ ਦੇ ਅਜਿਹੇ ਰਾਖਸ਼ਾਂ ਨੂੰ ਪ੍ਰਫੁੱਲਤ ਹੋਣ ਲਈ ਇਕ ਅਨੁਕੂਲ ਮਾਹੌਲ ਪ੍ਰਦਾਨ ਕੀਤਾ।
