ਜਥੇਦਾਰ ਨਾਲ 9 ਅਕਤੂਬਰ ਨੂੰ ਸਬੂਤਾਂ ਸਮੇਤ ਕਰਾਂਗੀ ਸੰਪਰਕ-ਰੂਪ ਕੌਰ ਸੰਧੂ

ਬ

ਬੀਬਾ ਰੂਪ ਕੌਰ ਸੰਧੂ ਦੀ ਵੀਡੀਓ ਵਿਚ ਲਈ ਗਈ ਤਸਵੀਰ। ਅਜੀਤ ਤਸਵੀਰ 03-10-2026

ਅੰਮ੍ਰਿਤਸਰ, 2 ਅਕਤੂਬਰ (ਜਸਵੰਤ ਸਿੰਘ ਜੱਸ)-ਸ਼੍ਰੋਮਣੀ ਅਕਾਲੀ ਦਲ (ਬ) ਵਲੋਂ ਕੁਝ ਦਿਨ ਪਹਿਲਾਂ ਪਾਰਟੀ ਤੋਂ ਬਰਖ਼ਾਸਤ ਕੀਤੀ ਗਈ ਮਹਿਲਾ ਆਗੂ ਬੀਬਾ ਰੂਪ ਕੌਰ ਸੰਧੂ ਨੇ ਅੱਜ ਮੁੜ ਵੀਡੀਓ ਬਿਆਨ ਜਾਰੀ ਕਰਦਿਆਂ ਕਿਹਾ ਕਿ ਬਹਿਰੀਨ ਵਾਲੀ ਬੀਬੀ ਤੋਂ ਲੈ ਕੇ ਜੋ ਵੀ ਮੇਰੇ ਕੋਲ ਹੈ, ਮੈਂ ਸਬੂਤਾਂ ਸਮੇਤ ਕਾਰਜਕਾਰੀ ਜਥੇਦਾਰ ਅਕਾਲ ਤਖ਼ਤ ਸਾਹਿਬ ਨਾਲ 9 ਅਕਤੂਬਰ ਨੂੰ ਸੰਪਰਕ ਕਰਾਂਗੀ। ਬੀਬੀ ਸੰਧੂ ਨੇ ਕਿਹਾ ਕਿ ਉਸ ਤੋਂ ਬਾਅਦ ਜਥੇਦਾਰ ਜੋ ਵੀ ਫੈਸਲਾ ਦੇਣਗੇ, ਫਿਰ ਮੈਂ ਲੋਕਾਂ ਦੀ ਕਚਹਿਰੀ ਵਿਚ ਵੀ ਰੱਖ ਦਿਆਂਗੀ। ਉਸ ਨੇ ਕਿਹਾ ਕਿ ਜੇ ਪੀੜ੍ਹਤ ਬੀਬੀ ਖੁਦ ਪੇਸ਼ ਹੋਣਾ ਚਾਹੇਗੀ ਤਾਂ ਮੈਂ ਉਸ ਨੂੰ ਵੀ ਨਾਲ ਲੈ ਕੇ ਜਥੇਦਾਰ ਕੋਲ ਜਾਵਾਂਗੀ। ਉਸ ਨੇ ਕਿਹਾ ਕਿ ਮੇਰੇ ਵਲੋਂ ਲਗਾਤਾਰ ਜਥੇਦਾਰ ਨਾਲ ਸੰਪਰਕ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ, ਪਰ ਸ਼ਾਇਦ ਉਨ੍ਹਾਂ ਦੇ ਰੁਝੇਵਿਆਂ ਕਾਰਨ ਸੰਪਰਕ ਨਹੀਂ ਹੋ ਸਕਿਆ। ਉਸ ਨੇ ਆਈ.ਟੀ. ਵਿੰਗ ’ਤੇ ਆਪਣੀ ਕਿਰਦਾਰਕੁਸ਼ੀ ਕਰਨ ਦਾ ਦੋਸ਼ ਲਾਉਂਦਿਆਂ ਤੇ ਅਕਾਲੀ ਆਗੂ ਵਿਰਸਾ ਸਿੰਘ ਵਲਟੋਹਾ ਦਾ ਜ਼ਿਕਰ ਕਰਦਿਆਂ ਕਿਹਾ ਕਿ ਉਨ੍ਹਾਂ ਦੀ ਜਿਹੜੀ ਆਡੀਓ ਜਨਤਕ ਹੋਈ ਹੈ, ਅੱਜ ਉਹ ਆਈ.ਟੀ. ਵਿੰਗ ਕਿੱਥੇ ਮੂੰਹ ਲੁਕਾ ਕੇ ਬੈਠਾ ਹੈ। ਉਸ ਨੇ ਕਿਹਾ ਕਿ ਅਜੇ ਤਾਂ ਸਿਰਫ ਆਡੀਓ ਹੀ ਜਨਤਕ ਹੋਈਆਂ ਹਨ, ਜੋ ਕੁਝ ਮੇਰੇ ਕੋਲ ਵੀਡੀਓਜ਼ ਵਿਚ ਮੌਜੂਦ ਸਬੂਤ ਹੈ, ਮੈਂ ਜਲਦ ਹੀ ਲੋਕਾਂ ਦੀ ਕਚਹਿਰੀ ਵਿਚ ਰੱਖਾਂਗੀ।