ਪਰਵਿੰਦਰ ਸਿੰਘ ਝੋਟਾ ਦਾ ਮੋਬਾਈਲ ਫੋਨ ਖੋਲ੍ਹੇਗਾ ਹੱਤਿਆਕਾਂਡ ਤੇ ਮੈਡੀਕਲ ਨਸ਼ੇ ਦੇ ਕਾਰੋਬਾਰ ਦੇ ਹੋਰ ਰਾਜ਼ ਸੀ.ਬੀ.ਆਈ. ਦੀ ਮੋਬਾਈਲ ਫੋਨ ਨੂੰ ਫੋਰੈਂਸਿਕ ਜਾਂਚ ਲਈ ਭੇਜਣ ਦੀ ਅਰਜ਼ੀ ਮਨਜ਼ੂਰ

ਐੱਸ. ਏ.

ਅ

ਅਜੀਤ ਡੈਸਕ 12-11-2026

ਐੱਸ. ਏ. ਐੱਸ. ਨਗਰ, 11 ਨਵੰਬਰ (ਕਪਿਲ ਵਧਵਾ)- ਪਰਵਿੰਦਰ ਸਿੰਘ ਉਰਫ਼ ਝੋਟਾ ਦੀ ਹੱਤਿਆ ਦੇ ਮਾਮਲੇ ਦੀ ਜਾਂਚ ਨੂੰ ਅੱਗੇ ਵਧਾਉਂਦਿਆਂ ਸੀ. ਬੀ. ਆਈ. ਨੂੰ ਅਦਾਲਤ ਵਲੋਂ ਉਸ ਦਾ ਸੀਲਬੰਦ ਮੋਬਾਈਲ ਫੋਨ ਸਾਈਬਰ ਫੋਰੈਂਸਿਕ ਜਾਂਚ ਲਈ ਭੇਜਣ ਦੀ ਇਜਾਜ਼ਤ ਮਿਲ ਗਈ ਹੈ। ਸੂਤਰਾਂ ਅਨੁਸਾਰ ਇਹ ਮੋਬਾਈਲ ਫੋਨ ਮਾਲਖਾਨੇ ਵਿਚ ਜਮ੍ਹਾਂ ਹੈ। ਸੀ. ਬੀ. ਆਈ. ਨੇ ਇਸ ਨੂੰ ਖੁਲ੍ਹਵਾ ਕੇ ਆਪਣੀ ਵਿਸ਼ੇਸ਼ ਫੋਰੈਂਸਿਕ ਜਾਂਚ ਲੈਬੋਰਟਰੀ ਵਿਚ ਭੇਜਣ ਲਈ ਅਦਾਲਤ ਵਿਚ ਅਰਜ਼ੀ ਦਾਇਰ ਕੀਤੀ ਸੀ, ਜਿਸ ਨੂੰ ਮਨਜ਼ੂਰ ਕਰ ਲਿਆ ਗਿਆ ਹੈ। ਮੋਬਾਈਲ ਫੋਨ ਵਿਚ ਮੌਜੂਦ ਕਾਲ ਰਿਕਾਰਡ, ਮੈਸੇਜ, ਚੈਟ ਅਤੇ ਹੋਰ ਡਿਜੀਟਲ ਡਾਟਾ ਦੀ ਜਾਂਚ ਨਾਲ ਹੱਤਿਆ ਮਾਮਲੇ ਨਾਲ ਜੁੜੇ ਅਹਿਮ ਤੱਥ ਸਾਹਮਣੇ ਆਉਣ ਦੀ ਸੰਭਾਵਨਾ ਹੈ। ਇਸ ਨਾਲ ਕਥਿਤ ਤੌਰ ’ਤੇ ਮਾਨਸਾ ਵਿਚਕਾਰ ਫੈਲੇ ਮੈਡੀਕਲ ਨਸ਼ੇ ਦੇ ਕਾਰੋਬਾਰ ਦੇ ਵਿਰੋਧ ਕਾਰਨ ਹੋਈ ਪਰਵਿੰਦਰ ਸਿੰਘ ਝੋਟਾ ਦੀ ਹੱਤਿਆ ਦੇ ਅਸਲ ਕਾਰਨਾਂ ਦੀ ਜਾਂਚ ਦੀਆਂ ਹੋਰ ਪਰਤਾਂ ਖੁੱਲ੍ਹ ਸਕਦੀਆਂ ਹਨ।