ਮੋਗਾ, 3 ਫਰਵਰੀ (ਗੁਰਤੇਜ ਸਿੰਘ ਬੱਬੀ)-ਘਰ ਉਪਰੋਂ ਦੀ ਲੰਘਦੀਆਂ ਹਾਈ ਵੋਲਟੇਜ ਦੀਆਂ ਤਾਰਾਂ ਨਾਲ ਆਏ ਦਿਨ ਹਾਦਸੇ ਵਾਪਰ ਰਹੇ ਹਨ ਅਤੇ ਬੀਤੇ ਦਿਨੀਂ ਮੋਗਾ ਵਿਚ ਇਕ ਨੌਜਵਾਨ ਵਿਆਹ ਸਮਾਗਮ ਵਿਚ ਲੜੀਆਂ ਲਗਵਾਉਣ ਲਈ ਘਰ ਦੀ ਛੱਤ 'ਤੇ ਗਿਆ ਤਾਂ ਉਹ ਵੀ ਹਾਈ ਵੋਲਟੇਜ ਤਾਰਾਂ ਦੀ ਲਪੇਟ ਵਿਚ ਆ ਕੇ ਬੁਰੀ ਤਰ੍ਹਾਂ ਝੁਲਸ ਗਿਆ ਸੀ ਅਤੇ ਹੁਣ ਜ਼ਿਲੇ੍ਹ ਦੇ ਪਿੰਡ ਰਣੀਆਂ ਦਾ ਨੌਜਵਾਨ ਮਨਪ੍ਰੀਤ ਸਿੰਘ ਪੁੱਤਰ ਅੰਗਰੇਜ਼ ਸਿੰਘ ਜੋ ਕਿ ਪਿੰਡ ਬੁੱਟਰ ਕਲਾਂ ਵਿਚ ਪਲੰਬਰ ਦਾ ਕੰਮ ਕਰਨ ਲਈ ਕੋਠੇ 'ਤੇ ਚੜਿ੍ਹਆ ਤਾਂ ਤਾਰਾਂ ਨੀਵੀਂਆਂ ਹੋਣ ਕਾਰਨ ਹਾਈ ਵੋਲਟੇਜ ਕਰੰਟ ਦੀ ਲਪੇਟ ਆ ਗਿਆ ਅਤੇ ਕਰੰਟ ਲੱਗਣ ਸਾਰ ਉਹ ਕੋਠੇ ਤੋਂ ਥੱਲੇ ਆ ਡਿੱਗਾ ਜਿਸ ਦੌਰਾਨ ਉਹ ਕਰੰਟ ਨਾਲ ਬੁਰੀ ਤਰ੍ਹਾਂ ਝੁਲਸ ਅਤੇ ਜ਼ਖਮੀ ਹੋ ਗਿਆ | ਪਿੰਡ ਵਾਸੀਆਂ ਨੇ ਨੌਜਵਾਨ ਨੂੰ ਮੋਗਾ ਦੇ ਸਰਕਾਰੀ ਹਸਪਤਾਲ ਵਿਚ ਪਹੁੰਚਾਇਆ ਜਿੱਥੇ ਡਾਕਟਰਾਂ ਨੇ ਮਿ੍ਤਕ ਐਲਾ ਕਰ ਦਿੱਤਾ |
