ਮੋਗਾ, 11 ਮਈ (ਅਸ਼ੋਕ ਬਾਂਸਲ)-ਅੱਜ ਮੋਗਾ ਵਿਚ ਪਏ ਭਾਰੀ ਮੀਂਹ ਅਤੇ ਹਨੇਰੀ ਝੱਖੜ ਕਾਰਨ ਜ਼ੀਰਾ ਰੋਡ ਮੋਗਾ ਤੇ ਬਣੇ ਸ਼ੈਲਰ ਬਾਲਾ ਜੀ ਰਾਈਸ ਵਿਚ ਬਣੇ ਸ਼ੈੱਡ ਦੀ ਛੱਤ ਉੱਡ ਗਈ ਤੇ ਕੰਧ ਪੂਰੀ ਤਰ੍ਹਾਂ ਢਹਿ ਗਈ | ਇਸ ਮੌਕੇ ਸ਼ੈਲਰ ਦੇ ਮਾਲਕ ਪਵਨ ਕੁਮਾਰ ਨੇ ਦੱਸਿਆ ਕਿ ਇਹ ਸ਼ੈਲਰ ਦਾ ਸ਼ੈੱਡ ਅਜੇ ਪਿਛਲੇ ਸਾਲ ਹੀ ਪਾਇਆ ਸੀ ਅਤੇ 10 ਫੁੱਟ ਉੱਚੀ ਦੀਵਾਰ ਪੂਰੀ ਤਰ੍ਹਾਂ ਚਾਰ ਚੁਫੇਰੇ ਡਿੱਗ ਗਈ ਹੈ, ਜਿਸ ਨਾਲ ਉਨ੍ਹਾਂ ਦਾ ਲਗਭਗ 4 ਲੱਖ ਰੁਪਏ ਦਾ ਨੁਕਸਾਨ ਹੋਇਆ ਹੈ | ਉਨ੍ਹਾਂ ਕਿਹਾ ਕਿ ਸ਼ੈਲਰ ਕਰੀਬ 10 ਸਾਲ ਪਹਿਲਾਂ ਹੀ ਪਾਇਆ ਗਿਆ ਸੀ ਅਤੇ ਸ਼ੈੱਡ ਪਿਛਲੇ ਸਾਲ ਹੀ ਪਾਇਆ ਗਿਆ ਸੀ ਅੱਜ ਇਹ ਕੰਧ ਤੇ ਛੱਤ ਡਿੱਗਣ ਨਾਲ ਉਨ੍ਹਾਂ ਦਾ ਭਾਰੀ ਆਰਥਿਕ ਤੌਰ ਤੇ ਨੁਕਸਾਨ ਹੋਇਆ |
