ਮੋਗਾ, 10 ਜੁਲਾਈ (ਜਸਪਾਲ ਸਿੰਘ ਬੱਬੀ)-ਸਰਕਾਰੀ ਪ੍ਰਾਇਮਰੀ ਸਕੂਲ ਬੱਗੇਆਣਾ ਬਸਤੀ ਮੋਗਾ ਵਿਖੇ ਭਾਰਤ ਵਿਕਾਸ ਪ੍ਰੀਸ਼ਦ ਮੋਗਾ ਸ਼ਾਖਾ ਵਲੋਂ ਬੱਚਿਆਂ ਨੂੰ ਕਰੀਬ 300 ਨੋਟ ਬੁੱਕਾਂ ਅਤੇ ਸਟੇਸ਼ਨਰੀ ਦਾ ਸਮਾਨ ਵੰਡਿਆਂ। ਇਸ ਮੌਕੇ ਖੇਤਰੀ ਸੰਗਠਨ ਸਕੱਤਰ ਸੁਨੀਲ ਜੈਨ ਨੇ ਭਾਰਤ ਵਿਕਾਸ ਪ੍ਰੀਸ਼ਦ ਦੇ ਕਾਰਜਾਂ ਤੋਂ ਜਾਣੂੰ ਕਰਵਾਇਆ। ਸੂਬਾ ਪ੍ਰਧਾਨ ਮਨੋਜ ਮੋਂਗਾ ਨੇ ਦੱਸਿਆ ਕਿ ਲੋੜਵੰਦ ਵਿਦਿਆਰਥੀਆਂ ਲਈ ਸਕੂਲ ਫ਼ੀਸਾਂ ਦਾ ਭੁਗਤਾਨ ਕਰਨਾ, ਬੱਚਿਆਂ ਵਿਚ ਦੇਸ਼ ਭਗਤੀ ਪੈਦਾ ਕਰਨਾ, ਦੇਸ਼ ਦੇ ਨਾਇਕਾਂ ਅਤੇ ਮਹਾਂਪੁਰਖਾਂ ਦੇ ਜਨਮ ਦਿਵਸ ਮਨਾਉਣਾ ਅਤੇ ਭਵਿੱਖ ਲਈ ਆਦਰਸ਼ ਨਾਗਰਿਕ ਤਿਆਰ ਕਰਨਾ, ਇਹ ਸਭ ਕੌਂਸਲ ਦੀ ਵਿਚਾਰਧਾਰਾ ਦਾ ਹਿੱਸਾ ਹਨ। ਸ਼ਾਖਾ ਪ੍ਰਧਾਨ ਸੁਧੀਰ ਕੋਹਲੀ ਨੇ ਦੱਸਿਆ ਕਿ ਕੌਂਸਲ ਦੀ ਕੇਂਦਰੀ ਟੀਮ ਕੌਂਸਲ ਦੇ ਸਥਾਪਨਾ ਦਿਵਸ ਤੱਕ ਸੇਵਾ ਪਖਵਾੜਾ ਮਨਾ ਰਹੀ ਹੈ। ਸਕੂਲ ਦੀ ਪ੍ਰਿੰਸੀਪਲ ਮੈਡਮ ਵੀਰਨ ਨੇ ਕੌਂਸਲ ਦਾ ਧੰਨਵਾਦ ਕੀਤਾ। ਇਸ ਮੌਕੇ ਮਹੇਸ਼ ਗੁਪਤਾ, ਮਨਮੋਹਨ ਅਰੋੜਾ, ਸੁਮਨ ਕਾਂਤ ਵਿਜ, ਨਿਸ਼ੀ ਰਾਕੇਸ਼ ਵਿਜ, ਨਰੇਸ਼ ਧੀਰ ਅਤੇ ਸਕੂਲ ਸਟਾਫ਼ ਸ਼ਾਮਲ ਸਨ।
