ਨਾਟਕ ਰੰਗਮੰਚ ਭਾਸ਼ਾ ਬੋਲੀ ਨੂੰ ਅੱਗੇ ਲਿਜਾਣ ਦਾ ਕਾਰਗਰ ਸਾਧਨ-ਮੋਹੀ ਅਮਰਜੀਤ ਸਿੰਘ
ਮੋਗਾ, 4 ਅਗਸਤ (ਅਸ਼ੋਕ ਬਾਂਸਲ)-ਦੁਨੀਆ ਦੇ ਬੋਲੀਆਂ ਤੇ ਭਾਸ਼ਾਵਾਂ ਦੇ ਵਿਧਾਵਾ ਇਤਿਹਾਸ ਵਿਚ ਨਾਟਕ ਤੇ ਰੰਗਮੰਚ ਸਭ ਤੋਂ ਕਾਰਗਰ ਸਾਧਨ ਸਾਬਤ ਹੋਇਆ ਹੈ। ਇਹ ਵਿਚਾਰ ਪੰਜਾਬੀ ਦੇ ਚਰਚਿਤ ਨਾਟਕਕਾਰ ਮੋਹੀ ਅਮਰਜੀਤ ਸਿੰਘ ਨੇ ਪੱਤਰਕਾਰਾਂ ਨਾਲ ਸਾਂਝੇ ਕਰਦਿਆਂ ਆਖੇ।
ਮੋਗਾ, 4 ਅਗਸਤ (ਅਸ਼ੋਕ ਬਾਂਸਲ)-ਦੁਨੀਆ ਦੇ ਬੋਲੀਆਂ ਤੇ ਭਾਸ਼ਾਵਾਂ ਦੇ ਵਿਧਾਵਾ ਇਤਿਹਾਸ ਵਿਚ ਨਾਟਕ ਤੇ ਰੰਗਮੰਚ ਸਭ ਤੋਂ ਕਾਰਗਰ ਸਾਧਨ ਸਾਬਤ ਹੋਇਆ ਹੈ। ਇਹ ਵਿਚਾਰ ਪੰਜਾਬੀ ਦੇ ਚਰਚਿਤ ਨਾਟਕਕਾਰ ਮੋਹੀ ਅਮਰਜੀਤ ਸਿੰਘ ਨੇ ਪੱਤਰਕਾਰਾਂ ਨਾਲ ਸਾਂਝੇ ਕਰਦਿਆਂ ਆਖੇ। ਉਨ੍ਹਾਂ ਪੰਜਾਬੀ ਨਾਟਕ ਤੇ ਰੰਗਮੰਚ ਦੀ ਤਾਰੀਫ਼ ਕਰਦਿਆਂ ਕਿਹਾ ਕਿ ਪੰਜਾਬੀ ਨਾਟਕ ਤੇ ਰੰਗਮੰਚ ਨੇ ਪੰਜਾਬੀ ਬੋਲੀ, ਭਾਸ਼ਾ, ਸਭਿਅਤਾ ਨੂੰ ਉੱਪਰ ਲਿਜਾਣ ਲਈ ਅਹਿਮ ਭੂਮਿਕਾ ਨਿਭਾਈ ਹੈ। ਸ਼ੁਰੂ ਤੋਂ ਲੈ ਕੇ ਅੱਜ ਤੱਕ ਪੰਜਾਬੀ ਰੰਗਮੰਚ ਦੇ ਵੱਖ-ਵੱਖ ਪੀੜ੍ਹੀਆਂ ਦੇ ਨਾਟਕਕਾਰਾਂ, ਡਾਇਰੈਕਟਰਾਂ ਤੇ ਰੰਗ ਕਰਮੀਆਂ ਨੇ ਜਿੱਥੇ ਪੰਜਾਬੀ ਨਾਟਕ ਰੰਗਮੰਚ ਨੂੰ ਦੁਨੀਆ ਦੇ ਵੱਖ-ਵੱਖ ਰੰਗਮੰਚ ਤੇ ਨਾਟਕਾਂ ਦੇ ਸਾਹਮਣੇ ਬਰਾਬਰ ਲਿਆ ਖੜ੍ਹਾ ਕੀਤਾ ਹੈ ਉੱਥੇ ਹੀ ਪੰਜਾਬੀ ਬੋਲੀ ਤੇ ਭਾਸ਼ਾ ਨੂੰ ਹੋਰ ਅੱਗੇ ਤੋਰਿਆ ਹੈ। ਯਾਦ ਰਹੇ ਮੋਹੀ ਅਮਰਜੀਤ ਸਿੰਘ ਪੰਜਾਬੀ ਨਾਟਕ, ਰੰਗਮੰਚ ਸੰਸਾਰ ਦਾ ਇਕ ਕੱਦਵਾਰ ਨਾਂਅ ਹੈ ਜਿਨ੍ਹਾਂ ਦੇ ਨਾਟਕ ਨਜ਼ੀਰਾ ਬੇਗਮ, ਮਿੱਟੀ ਦਾ ਪੁਤਲਾ ਤੇ ਦਾ ਗਰੇਟ ਅੰਬੇਡਕਰ ਨੈਸ਼ਨਲ ਪੱਧਰ ‘ਤੇ ਪ੍ਰਸਿੱਧ ਹੋ ਚੁੱਕੇ ਹਨ। ਅੱਜ ਕੱਲ੍ਹ ਉਹ ਨਾਟਕ ਅਕਾਲ ਏ ਖ਼ਾਲਸਾ ਕਰ ਕੇ ਚਰਚਾ ਵਿਚ ਹਨ।
