ਦਿਨਕਰ ਸਹਿਜਪਾਲ (ਗੋਲਡੀ) ਪੱਤੋ ਹੀਰਾ ਸਿੰਘ ਨਮਿਤ ਸ਼ਰਧਾਂਜਲੀ ਸਮਾਗਮ

ਨਿਹਾਲ ਸਿੰਘ ਵਾਲਾ, 2 ਸਤੰਬਰ (ਸੁਖਦੇਵ ਸਿੰਘ ਖ਼ਾਲਸਾ)-ਸ਼੍ਰੋਮਣੀ ਅਕਾਲੀ ਦਲ (ਬ) ਦੇ ਜ਼ਿਲ੍ਹਾ ਸ਼ਹਿਰੀ ਪ੍ਰਧਾਨ ਅਤੇ ਭਗਵਾਨ ਪਰਸ਼ੂਰਾਮ ਬ੍ਰਾਹਮਣ ਸਭਾ ਪੰਜਾਬ ਦੇ ਚੇਅਰਮੈਨ ਖਣਮੁੱਖ ਭਾਰਤੀ ਪੱਤੋ ਦੇ ਚਚੇਰੇ ਭਰਾਤਾ, ਸ੍ਰੀ ਰਾਮ ਕ੍ਰਿਸ਼ਨ ਦੇ ਸਪੁੱਤਰ, ਊਸ਼ਾ ਰਾਣੀ ਦੇ ਧਰਮਪਤੀ ਅਤੇ ਮਹਿਕਦੀਪ ਸ਼ਰਮਾ, ਜੀਵਾਂਸ਼ੂ ਸ਼ਰਮਾ ਅਤੇ ਨਵਜੋਤ ਸ਼ਰਮਾ ਦੇ ਪਿਤਾ ਦਿਨਕਰ ਸਹਿਜਪਾਲ (ਗੋਲਡੀ) ਨਮਿਤ ਸ੍ਰੀ ਗਰੁੜ ਪੁਰਾਣ ਪਾਠ ਦੇ ਭੋਗ ਪਾਏ ਗਏ ਉਪਰੰਤ ਸ਼ਰਧਾਂਜਲੀ ਸਮਾਗਮ ਪ੍ਰਾਚੀਨ ਸ੍ਰੀ ਭਗਵਤੀ ਦੁਰਗਾ ਮੰਦਰ ਪੱਤੋ ਹੀਰਾ ਸਿੰਘ ਵਿਖੇ ਹੋਇਆ। ਇਸ ਮੌਕੇ ਕਥਾਵਾਚਕ ਰਾਮਸ਼ਰਨ ਹਰਿਦੁਆਰ ਵਾਲਿਆਂ ਨੇ ਕਥਾ ਕਰਦਿਆਂ ਕਿਹਾ ਕਿ ਸਾਨੂੰ ਪ੍ਰਮਾਤਮਾ ਦੀ ਬਖ਼ਸ਼ਿਸ਼ ਨਾਲ ਜਿੱਥੇ ਮਨੁੱਖਾ ਜੀਵਨ ਸਮਾਜਿਕ ਕਾਰਜਾਂ ਨੂੰ ਨਿਭਾਉਣ ਲਈ ਮਿਲਿਆ ਹੈ, ਉੱਥੇ ਇਸੇ ਜੀਵਨ ‘ਚ ਪ੍ਰਮਾਤਮਾ ਦੀ ਬੰਦਗੀ ਕਰਕੇ ਆਪਣਾ ਜੀਵਨ ਸਫਲ ਬਣਾਇਆ ਜਾ ਸਕਦਾ ਹੈ।

Ad Position 21