ਤਕਨੀਕੀ ਨੁਕਸ ਪੈਣ ਕਾਰਨ ਚੱਲਦੀ ਕਾਰ ਨੂੰ ਲੱਗੀ ਅੱਗ, ਚਾਲਕ ਦਾ ਬਚਾਅ

ਹੰਡਿਆਇਆ, 31 (ਗੁਰਜੀਤ ਸਿੰਘ ਖੁੱਡੀ)-ਕੌਮੀ ਮਾਰਗ ਨੰ: 703 ਬਰਨਾਲਾ-ਮੋਗਾ ਉੱਪਰ ਜੇਲ੍ਹ ਦੇ ਨੇੜੇ ਪਿੰਡ ਪੱਤੀ ਸੋਹਲ ਵਿਖੇ ਚੱਲਦੀ ਕਾਰ ਨੂੰ ਅੱਗ ਲੱਗ ਗਈ। ਜਿਸ ਵਿਚ ਡਰਾਈਵਰ ਦਾ ਬਚਾਅ ਹੋ ਗਿਆ। ਪੁਲਿਸ ਚੌਕੀ ਹੰਡਿਆਇਆ ਦੇ ਇੰਚਾਰਜ ਤਰਸੇਮ ਸਿੰਘ ਨੇ ਦੱਸਿਆ ਕਿ ਕਾਰ ’ਚ ਕੋਈ ਤਕਨੀਕੀ ਨੁਕਸ ਪੈ ਗਿਆ। ਜਿਸ ਕਾਰਨ ਅੱਗ ਲੱਗ ਗਈ। ਕਾਰ ਸਵਾਰਾਂ ਨੂੰ ਬੁਲਾ ਬਿਆਨਾਂ ਦੇ ਆਧਾਰ ’ਤੇ ਕਾਰਵਾਈ ਕੀਤੀ ਜਾਵੇਗੀ। ਇਸ ਸਬੰਧੀ ਜਸਵਿੰਦਰ ਸਿੰਘ ਵਾਸੀ ਖੁੱਡੀ ਕਲਾਂ ਨੇ ਦੱਸਿਆ ਕਿ ਮੇਰਾ ਭਰਾ ਤੇ ਭਰਜਾਈ ਦਵਾਈ ਲੈਣ ਲਈ ਖੁੱਡੀ ਕਲਾਂ ਤੋਂ ਬਰਨਾਲਾ ਨੂੰ ਜਾ ਰਹੇ ਸੀ, ਸੋਹਲ ਪੱਤੀ ਨੇੜੇ ਜਾ ਕੇ ਬਲੋਰ ਰਾਹੀਂ ਧੂੰਆਂ ਅੰਦਰ ਆਉਣ ਲੱਗ ਗਿਆ ਤਾਂ ਜਦੋਂ ਗੱਡੀ ਖੜ੍ਹਾ ਕੇ ਚੈਕ ਕੀਤੀ ਤਾਂ ਕਾਰ ਨੂੰ ਅੱਗ ਲੱਗ ਚੁੱਕੀ ਸੀ।