ਤਲਵੰਡੀ ਭਾਈ, 25 ਜਨਵਰੀ (ਕੁਲਜਿੰਦਰ ਸਿੰਘ ਗਿੱਲ)-ਤਲਵੰਡੀ ਭਾਈ ਵਿਖੇ ਪੁਲਿਸ ਵਲੋਂ ਗਣਤੰਤਰ ਦਿਵਸ ਨੂੰ ਮੁੱਖ ਰੱਖਦੇ ਹੋਏ ਲੋਕਾਂ ਨੂੰ ਭੈਅ ਮੁਕਤ ਰਹਿਣ ਦਾ ਸੁਨੇਹਾ ਦੇਣ ਲਈ ਫਲੈਗ ਮਾਰਗ ਕੱਢਿਆ | ਥਾਣਾ ਤਲਵੰਡੀ ਭਾਈ ਦੇ ਮੁਖੀ ਇੰਸਪੈਕਟਰ ਜਸਵਿੰਦਰ ਸਿੰਘ ਬਰਾੜ ਦੀ ਅਗਵਾਈ ਹੇਠ ਪੁਲਿਸ ਦਾ ਫਲੈਗ ਮਾਰਚ ਸਥਾਨਿਕ ਥਾਣੇ ਤੋਂ ਆਰੰਭ ਹੋ ਕੇ ਮੇਨ ਚੌਕ, ਬੱਸ ਅੱਡਾ, ਮੇਨ ਰੋਡ, ਗੁਰਦੁਆਰਾ ਵਿਸ਼ਵਕਰਮਾ ਜੀ, ਪੁਰਾਣਾ ਬੱਸ ਅੱਡਾ, ਰੇਲਵੇ ਫਾਟਕ, ਮੰਡੀ ਵਾਲਾ ਮੋੜ, ਨਹਿਰੂ ਰੋਡ, ਨਿੰਮ ਵਾਲਾ ਚੌਕ, ਮੇਨ ਬਾਜ਼ਾਰ, ਸ਼ਿਵ ਚੌਕ, ਪੁਰਾਣੀ ਦਾਣਾ ਮੰਡੀ ਆਦਿ ਖੇਤਰਾਂ ਵਿਚ ਪੁੱਜਾ | ਇਸ ਸਮੇਂ ਥਾਣਾ ਮੁਖੀ ਜਸਵਿੰਦਰ ਸਿੰਘ ਬਰਾੜ ਨੇ ਕਿਹਾ ਲੋਕਾਂ ਨੂੰ ਗਣਤੰਤਰ ਦਿਵਸ ਮੌਕੇ ਵਿਸ਼ਵਾਸ਼ਬੱਧ ਕਰਨ ਅਤੇ ਪੁਲਿਸ ਵਲੋਂ ਚੌਕਸੀ ਰੱਖੇ ਜਾਣ ਦਾ ਸੁਨੇਹਾ ਦੇਣ ਲਈ ਜ਼ਿਲ੍ਹਾ ਪੁਲਿਸ ਮੁਖੀ ਭੁਪਿੰਦਰ ਸਿੰਘ ਸਿੱਧੂ ਦੇ ਆਦੇਸ਼ਾਂ 'ਤੇ ਪੁਲਿਸ ਦੇ ਜਵਾਨਾਂ ਨੂੰ ਨਾਲ ਲੈ ਕੇ ਫਲੈਗ ਮਾਰਚ ਕੱਢਿਆ ਜਾ ਰਿਹਾ ਹੈ | ਉਨ੍ਹਾਂ ਕਿਹਾ ਗਣਤੰਤਰ ਦਿਵਸ ਨੂੰ ਮੁੱਖ ਰੱਖਦਿਆਂ ਜਿਥੇ ਗਸ਼ਤ ਵਾਧਾ ਕੀਤਾ ਗਿਆ ਹੈ ਤੇ ਸਪੈਸ਼ਲ ਨਾਕੇਬੰਦੀ ਕੀਤੀ ਗਈ ਹੈ | ਕਿਸੇ ਵੀ ਮਾੜੇ ਅਨਸਰ ਨੂੰ ਸਿਰ ਨਹੀਂ ਚੁੱਕਣ ਦਿੱਤਾ ਜਾਵੇਗਾ | ਫਲੈਗ ਮਾਰਗ ਸਮੇਂ ਸੁਖਵਿੰਦਰ ਸਿੰਘ ਥਾਣਾ ਮੁਖੀ ਘੱਲ ਖ਼ੁਰਦ, ਏ. ਐਸ. ਆਈ. ਸੁਦੇਸ਼ ਕੁਮਾਰ, ਏ. ਐਸ. ਆਈ. ਕੁਲਵੰਤ ਸਿੰਘ, ਅਰਮਿੰਦਰ ਸਿੰਘ ਮੁੱਖ ਮੁਨਸ਼ੀ ਤਲਵੰਡੀ ਭਾਈ ਤੋਂ ਇਲਾਵਾ ਹੋਰ ਕਈ ਪੁਲਿਸ ਮੁਲਾਜ਼ਮ ਸ਼ਾਮਿਲ ਸਨ |
