ਫ਼ਿਰੋਜ਼ਪੁਰ, 3 ਮਾਰਚ (ਰਾਕੇਸ਼ ਚਾਵਲਾ)-ਰੇਲ ਯਾਤਰੀਆਂ ਦੀ ਸਹੂਲਤ ਅਤੇ ਆਉਣ-ਜਾਣ ਲਈ ਰੇਲਵੇ ਵਲੋਂ ਰਿਜ਼ਰਵਡ (ਰਾਖਵੀਂਆਂ) ਸਪੈਸ਼ਲ ਗੱਡੀਆਂ ਦਾ ਸੰਚਾਲਨ ਕੀਤਾ ਗਿਆ ਹੈ | ਪਰਮਦੀਪ ਸਿੰਘ ਸੈਣੀ ਸੀਨੀਅਰ ਮੰਡਲ ਵਪਾਰਕ ਮੈਨੇਜਰ ਉੱਤਰ ਰੇਲਵੇ ਫ਼ਿਰੋਜ਼ਪੁਰ ਨੇ ਦੱਸਿਆ ਕਿ 04684/04683 ਅੰਮਿ੍ਤਸਰ-ਅਯੁੱਧਿਆ ਧਾਮ-ਅੰਮਿ੍ਤਸਰ ਰਿਜ਼ਰਵਡ ਸਪੈਸ਼ਲ ਐਕਸਪੈੱ੍ਰਸ ਟਰੇਨ ਅੰਮਿ੍ਤਸਰ ਤੋਂ ਅਯੁੱਧਿਆ ਧਾਮ ਲਈ ਮਿਤੀ 05.03.2026 (ਇਕ ਫੇਰਾ) ਨੂੰ ਰਵਾਨਾ ਹੋਵੇਗੀ | ਇਹ ਟਰੇਨ ਅੰਮਿ੍ਤਸਰ ਤੋਂ ਦੁਪਹਿਰ 14.30 ਵਜੇ ਚੱਲ ਕੇ ਲਗਭਗ 20 ਘੰਟਿਆਂ ਦੀ ਯਾਤਰਾ ਤੋਂ ਬਾਅਦ ਅਗਲੇ ਦਿਨ ਸਵੇਰੇ 10.35 ਵਜੇ ਅਯੁੱਧਿਆ ਧਾਮ ਪਹੁੰਚੇਗੀ | ਰੇਲਗੱਡੀ ਨੰਬਰ 04683 ਇਹ ਰਿਜ਼ਰਵਡ ਸਪੈਸ਼ਲ ਐਕਸਪੈੱ੍ਰਸ ਟਰੇਨ ਅਯੁੱਧਿਆ ਧਾਮ ਤੋਂ ਅੰਮਿ੍ਤਸਰ ਲਈ ਮਿਤੀ 07.03.2026 (ਇੱਕ ਫੇਰਾ) ਨੂੰ ਰਵਾਨਾ ਹੋਵੇਗੀ | ਇਹ ਟਰੇਨ ਅਯੁੱਧਿਆ ਧਾਮ ਤੋਂ ਸ਼ਾਮ 17.30 ਵਜੇ ਚੱਲ ਕੇ ਲਗਭਗ 23 ਘੰਟਿਆਂ ਬਾਅਦ ਅਗਲੇ ਦਿਨ ਸ਼ਾਮ 16.30 ਵਜੇ ਅੰਮਿ੍ਤਸਰ ਪਹੁੰਚੇਗੀ | ਉਨ੍ਹਾਂ ਦੱਸਿਆ ਕਿ ਯਾਤਰੀਆਂ ਦੀ ਸਹੂਲਤ ਲਈ ਇਹ ਸਪੈਸ਼ਲ ਐਕਸਪੈੱ੍ਰਸ ਟਰੇਨ ਦੋਵਾਂ ਦਿਸ਼ਾਵਾਂ ਵਿਚ ਜਲੰਧਰ ਸਿਟੀ, ਲੁਧਿਆਣਾ, ਧੂਰੀ, ਪਟਿਆਲਾ, ਅੰਬਾਲਾ ਕੈਂਟ, ਸਹਾਰਨਪੁਰ, ਮੁਰਾਦਾਬਾਦ ਅਤੇ ਲਖਨਊ ਰੇਲਵੇ ਸਟੇਸ਼ਨਾਂ 'ਤੇ ਰੁਕੇਗੀ |
