ਮਮਦੋਟ, 28 ਮਾਰਚ (ਸੁਖਦੇਵ ਸਿੰਘ ਸੰਗਮ)-ਸਰਹੱਦੀ ਕਸਬਾ ਮਮਦੋਟ ਦੇ ਸ਼ਨੀ ਮੰਦਿਰ (ਬਾਹਰੀ ਰੋਡ) ਦੀ ਚਾਰ ਦੀਵਾਰੀ ਦਾ ਕੰਮ ਮੰਦਿਰ ਕਮੇਟੀ ਦੇ ਪ੍ਰਧਾਨ ਅਤੇ ਸਾਬਕਾ ਸਰਪੰਚ ਸੁਭਾਸ਼ ਧਵਨ ਮਮਦੋਟ ਵਲੋਂ ਕਮੇਟੀ ਮੈਂਬਰਾਂ ਦੇ ਸਹਿਯੋਗ ਨਾਲ ਸ਼ੁਰੂ ਕਰਵਾਇਆ ਗਿਆ | ਇਸ ਦੌਰਾਨ ਪ੍ਰਧਾਨ ਧਵਨ ਨੇ ਦੱਸਿਆ ਕਿ ਕੁੱਝ ਸਾਲ ਪਹਿਲਾਂ ਬਣੇ ਇਸ ਮੰਦਿਰ ਦੀ ਸੇਵਾ ਲਗਾਤਾਰ ਸਥਾਨਕ ਵਾਸੀਆਂ ਉੱਦਮ ਸਦਕਾ ਨਿਰਵਿਘਨ ਚੱਲ ਰਹੀ ਹੈ | ਉਨ੍ਹਾਂ ਕਿਹਾ ਕਿ ਜਲਦੀ ਮੰਦਿਰ ਵਿਖੇ ਇਕ ਵੱਡੇ ਹਾਲ ਦਾ ਨਿਰਮਾਣ ਕੀਤਾ ਜਾ ਰਿਹਾ ਹੈ ਤਾਂ ਜੋ ਖ਼ੁਸ਼ੀ, ਗ਼ਮੀ ਦੇ ਮੌਕੇ ਲੋਕਾਂ ਨੂੰ ਸਹੂਲਤ ਮਿਲ ਸਕੇ | ਪ੍ਰਧਾਨ ਤੇ ਕਮੇਟੀ ਮੈਂਬਰਾਂ ਨੇ ਕਸਬੇ ਦੇ ਸ਼ਰਧਾਲੂਆਂ ਨੂੰ ਅਪੀਲ ਕੀਤੀ ਕਿ ਸ਼ਨੀ ਮੰਦਿਰ ਦੇ ਇਸ ਸ਼ੁੱਭ ਕਾਰਜ ਲਈ ਵਧ ਚੜ੍ਹ ਕੇ ਸਹਿਯੋਗ ਕੀਤਾ ਜਾਵੇ | ਇਸ ਮੌਕੇ ਅਸ਼ੋਕ ਸਹਿਗਲ, ਬਲਵਿੰਦਰ ਕੱਕੜ, ਡਾਕਟਰ ਸੁਰਿੰਦਰ ਅਹੂਜਾ, ਹੇਮਨ ਧਵਨ, ਰਾਜ ਕੁਮਾਰ, ਬਚਿੰਤ ਬਹਿਲ ਅਤੇ ਸੰਜੂ ਵਿਜ ਆਦਿ ਮੌਜੂਦ ਸਨ |
