ਫਿਰੋਜ਼ਪੁਰ

ਲਿਖਾਰੀ ਸਾਹਿੱਤ ਸਭਾ ਝੱਤਰਾ ਦੀ ਮਹੀਨੇਵਾਰ ਮੀਟਿੰਗ ਅਗਾਂਹਵਧੂ ਕਿਸਾਨ ਸਰਬਜੀਤ ਸਿੰਘ ਢਿੱਲੋਂ ਦਾ ਕੀਤਾ ਸਨਮਾਨ

ਅ

ਅਜੀਤ ਡੈਸਕ 13-04-2026

ਜ਼ੀਰਾ,12 ਅਪ੍ਰੈਲ (ਰਜਨੀਸ਼ ਕਥੂਰੀਆ)-ਲਿਖਾਰੀ ਸਾਹਿੱਤ ਸਭਾ ਝੱਤਰਾ ਵਲੋਂ ਪੰਚਾਇਤ ਘਰ ਝੱਤਰਾ ਵਿਖੇ ਜਗਜੀਤ ਸਿੰਘ ਝੱਤਰਾ ਦੀ ਅਗਵਾਈ ਵਿਚ ਮਹੀਨੇਵਾਰ ਮੀਟਿੰਗ ਕਰਵਾਈ ਗਈ | ਇਸ ਦੌਰਾਨ ਸਾਹਿਤਕਾਰਾਂ ਨੇ ਆਪਣੀਆਂ ਰਚਨਾਵਾਂ ਪੇਸ਼ ਕਰਕੇ ਹਾਜ਼ਰੀ ਲਗਵਾਈ | ਇਸ ਮੌਕੇ ਸਾਹਿੱਤਕਾਰ ਗੁਰਸੇਵਕ ਸਿੰਘ ਝੱਤਰਾ, ਮੁਖ਼ਤਿਆਰ ਸਿੰਘ ਬਰਾੜ, ਰੱਬੀ ਸ਼ਾਇਰ ਮਨਸੂਰ ਦੇਵਾ , ਸ਼ੀਤਲ ਸਿੰਘ, ਸੁਖਦੀਪ ਸਿੰਘ ਪੰਡੋਰੀ,ਤਾਰਾ ਸਿੰਘ ਫ਼ੌਜੀ , ਗਿੱਲ ਕੋਟਲੀ,ਸਮਨਜੀਤ ਸਿੰਘ , ਸਰਬਜੀਤ ਸਿੰਘ ਢਿੱਲੋਂ , ਗੁਰਪ੍ਰੀਤ ਸਿੰਘ ਭਿੰਦਾ,ਰਾਮ ਸਿੰਘ ਹਠੂਰ, ਬਲਵਿੰਦਰ ਸਿੰਘ ਬਿੱਲਾ, ਨੇਕ ਸਿੰਘ ਖੋਸਿਆਂ ਵਾਲਾ, ਨਰਿੰਦਰ ਸਿੰਘ ਲੈਕਚਰਾਰ, ਅਜੀਤ ਸਿੰਘ ਨੇ ਆਪਣੇ ਲੇਖ ਪੜ੍ਹੇ, | ਸਵਰਨ ਸਿੰਘ ਕਾਲੀਏ ਵਾਲਾ ਨੇ ਜੀਵਨ ਤੱਥ,ਜਗਾ ਸਿੰਘ ਨੇ ਪਿਆਰ ਅਤੇ ਪਿ੍ਤਪਾਲ ਸਿੰਘ ਝੱਤਰਾ ਨੇ ਵੀ ਆਪਣੇ ਵਿਚਾਰ ਪੇਸ਼ ਕੀਤੇ | ਇਸ ਭਰਵੀਂ ਮੀਟਿੰਗ ਦੌਰਾਨ ਰੰਗ ਬੱਝ ਗਿਆ ਅਤੇ ਸਰੋਤਿਆਂ ਨੇ ਮੀਟਿੰਗ ਦਾ ਖ਼ੂਬ ਅਨੰਦ ਮਾਣਿਆ | ਸਟੇਜ ਸਕੱਤਰ ਦੀ ਭੂਮਿਕਾ ਜਗਜੀਤ ਸਿੰਘ ਝੱਤਰਾ ਨੇ ਬਾਖ਼ੂਬੀ ਨਿਭਾਈ | ਮੀਟਿੰਗ ਦੌਰਾਨ ਅਗਾਂਹਵਧੂ ਕਿਸਾਨ ਸਰਬਜੀਤ ਸਿੰਘ ਢਿੱਲੋਂ ਨੂੰ ਸਨਮਾਨਿਤ ਕੀਤਾ ਗਿਆ |