ਮੱਲਾਂਵਾਲਾ, 9 ਮਈ (ਗੁਰਦੇਵ ਸਿੰਘ)-ਬਿਜਲੀ ਵਿਭਾਗ ਵਲੋਂ ਪੁਨੇ ਵਿਖੇ ਕਰਵਾਏ ਗਏ ਕੁਸ਼ਤੀ ਮੁਕਾਬਲਿਆਂ 'ਚ ਪੀ.ਐੱਸ.ਈ.ਬੀ. ਇੰਪਲਾਈਜ਼ ਫੈਡਰੇਸ਼ਨ (ਏਟਕ) ਸਬ ਡਵੀਜ਼ਨ ਮੱਲਾਂਵਾਲਾ ਦੇ ਮੁਲਾਜ਼ਮ ਪਹਿਲਵਾਨ ਅਮਰਿੰਦਰ ਸਿੰਘ ਭੱਟੀ ਵਲੋਂ ਜਿੱਤ ਹਾਸਿਲ ਕੀਤੀ ਗਈ | ਪਹਿਲਵਾਨ ਅਮਰਿੰਦਰ ਸਿੰਘ ਭੱਟੀ ਦਾ ਅੱਜ ਮੱਲਾਂਵਾਲਾ ਸਬ ਡਵੀਜ਼ਨ ਵਿਖੇ ਪਹੁੰਚਣ 'ਤੇ ਸਾਥੀਆਂ ਵਲੋਂ ਸਨਮਾਨ ਕੀਤਾ ਗਿਆ ਅਤੇ ਲੱਡੂਆਂ ਨਾਲ ਮੂੰਹ ਮਿੱਠਾ ਕਰਵਾਇਆ | ਇਸ ਮੌਕੇ ਸਵਰਨ ਸਿੰਘ ਸਬ ਡਵੀਜ਼ਨ ਪ੍ਰਧਾਨ, ਤੀਰਥ ਸਿੰਘ ਸਰਕਲ ਆਗੂ, ਬਲਵਿੰਦਰ ਸਿੰਘ ਐੱਸ.ਐੱਸ.ਏ., ਲਖਵੀਰ ਸਿੰਘ ਐੱਸ.ਐੱਸ.ਏ., ਬਲਜੀਤ ਸਿੰਘ ਕੈਸ਼ੀਅਰ, ਨਰੇਸ਼ ਕੁਮਾਰ ਸਰਕਲ ਆਗੂ, ਪਿੱਪਲ ਸਿੰਘ ਸਰਕਲ ਆਗੂ, ਜਗਦੀਸ਼ ਲਾਲ, ਭਜਨ ਲਾਲ, ਮਨਜੀਤ ਸਿੰਘ ਫੋਰਮੈਨ ਤੋਂ ਇਲਾਵਾ ਵਿਸ਼ੇਸ਼ ਤੌਰ 'ਤੇ ਲਖਵੀਰ ਸਿੰਘ ਸੁੱਖੇ ਵਾਲਾ ਨੇ ਪਹੁੰਚ ਕੇ ਅਮਰਿੰਦਰ ਸਿੰਘ ਭੱਟੀ ਨੂੰ ਜੀ ਆਇਆਂ ਆਖਿਆ ਅਤੇ ਕਿਹਾ ਕਿ ਸਾਥੀ ਵਲੋਂ ਜਿੱਤ ਹਾਸਿਲ ਕਰਨਾ ਉਨ੍ਹਾਂ ਲਈ ਮਾਣ ਵਾਲੀ ਗੱਲ ਹੈ | ਸਾਥੀ ਅਮਰਿੰਦਰ ਸਿੰਘ ਭੱਟੀ ਨੇ ਸਮੂਹ ਸਾਥੀਆਂ ਦਾ ਸਵਾਗਤ ਕਰਨ 'ਤੇ ਧੰਨਵਾਦ ਕੀਤਾ |
