ਤਲਵੰਡੀ ਭਾਈ, 26 ਮਈ (ਕੁਲਜਿੰਦਰ ਸਿੰਘ ਗਿੱਲ, ਰਵਿੰਦਰ ਸਿੰਘ ਬਜਾਜ)-ਤਲਵੰਡੀ ਭਾਈ ਨਗਰ ਕੌਂਸਲ ਚੋਣਾ ਲਈ ਅੱਜ 65.44 ਫ਼ੀਸਦੀ ਮਤਦਾਨ ਹੋਇਆ | ਇੱਥੇ ਦੱਸਣਯੋਗ ਹੈ ਕਿ ਜਦਕਿ ਤਲਵੰਡੀ ਭਾਈ ਦੇ 13789 ਵੋਟਰਾਂ ਦੀਆਂ ਵੋਟਾਂ ਦੇ ਭੁਗਤਾਨ ਲਈ 16 ਪੋਲਿੰਗ ਬੂਥ ਬਣਾਏ ਗਏ ਹਨ | ਸਖ਼ਤ ਗਰਮੀ ਦੌਰਾਨ ਹੋਈ ਵੋਟਿੰਗ ਦੌਰਾਨ 9072 ਵੋਟਰਾਂ ਵਲੋਂ ਆਪਣੀ ਵੋਟ ਦਾ ਭੁਗਤਾਨ ਕੀਤਾ ਗਿਆ | ਜਿਸ ਨਾਲ ਕੌਂਸਲਰ ਬਣਨ ਲਈ ਚੋਣ ਲੜਨ ਵਾਲੇ 56 ਉਮੀਦਵਾਰਾਂ ਦੀ ਕਿਸਮਤ ਵੋਟ ਬਕਸਿਆਂ ਅੰਦਰ ਬੰਦ ਹੋ ਗਈ ਹੈ | ਜ਼ਿਆਦਾਤਰ ਵਾਰਡਾਂ 'ਚ ਹੋਏ ਸਖ਼ਤ ਮੁਕਾਬਲਿਆਂ ਕਾਰਨ 29 ਮਈ ਨੂੰ ਵੋਟਾਂ ਦੀ ਗਿਣਤੀ ਤੱਕ ਤਮਾਮ ਉਮੀਦਵਾਰਾਂ ਨੂੰ ਆਪਣੀ ਜਿੱਤ-ਹਾਰ ਨੂੰ ਲੈ ਕੇ ਧੁੜਕੂ ਲੱਗਾ ਰਹੇਗਾ |
