ਬਿਆਨੇ ’ਤੇ ਲਈ ਜ਼ਮੀਨ ਵਾਹੁਣ ’ਤੇ ਮਾਰੀਆਂ ਸੱਟਾਂ, ਪਤੀ-ਪਤਨੀ ਅਤੇ ਪੁੱਤਰ ਨਾਮਜਦ
ਜ਼ੀਰਾ,9 ਅਗਸਤ (ਰਜਨੀਸ਼ ਕਥੂਰੀਆ)- ਬਿਆਨੇ ’ਤੇ ਲਈ ਜਮੀਨ ਵਾਹੁਣ ਤੇ ਪਿੰਡ ਕਸੋਆਣਾ ਦੇ ਇਕ ਵਿਅਕਤੀ ਦੇ ਇਕ ਪਰਿਵਾਰ ਵਲੋਂ ਸੱਟਾਂ ਮਾਰਨ ਦੇ ਦੋਸ਼ ਵਿਚ ਥਾਣਾ ਸਦਰ ਜ਼ੀਰਾ ਦੀ ਪੁਲਿਸ ਨੇ ਪਤੀ-ਪਤਨੀ ਅਤੇ ਪੁੱਤਰ ਸਮੇਤ 3 ਅਣਪਛਾਤੇ ਵਿਅਕਤੀਆਂ ਦੇ ਖਿਲਾਫ ਮੁਕੱਦਮਾ ਦਰਜ ਕੀਤਾ ਹੈ। ਥਾਣਾ ਸਦਰ ਜ਼ੀਰਾ ਦੀ ਪੁਲਿਸ ਨੂੰ ਦਰਜ ਕਰਵਾਏ ਬਿਆਨ ਵਿਚ ਲਖਵਿੰਦਰ ਸਿੰਘ ਪੁੱਤਰ ਦਿਲਬਾਗ ਸਿੰਘ ਵਾਸੀ ਪਿੰਡ ਕੱਸੋਆਣਾ ਨੇ ਦੱਸਿਆ ਕਿ ਉਸ ਨੇ ਬੇਅੰਤ ਸਿੰਘ ਪੁੱਤਰ ਤੇਜ ਸਿੰਘ ਵਾਸੀ ਪਿੰਡ ਜੋਈਆਂਵਾਲਾ ਹਾਲ ਵਾਸੀ ਛੀਨਾ ਕਾਲੋਨੀ ਤਲਵੰਡੀ ਭਾਈ ਦੀ ਮਾਤਾ ਨਾਲ 7 ਏਕੜ ਜਮੀਨ ਦਾ ਬਿਆਨਾ ਕੀਤਾ ਸੀ।
ਜ਼ੀਰਾ,9 ਅਗਸਤ (ਰਜਨੀਸ਼ ਕਥੂਰੀਆ)- ਬਿਆਨੇ ’ਤੇ ਲਈ ਜਮੀਨ ਵਾਹੁਣ ਤੇ ਪਿੰਡ ਕਸੋਆਣਾ ਦੇ ਇਕ ਵਿਅਕਤੀ ਦੇ ਇਕ ਪਰਿਵਾਰ ਵਲੋਂ ਸੱਟਾਂ ਮਾਰਨ ਦੇ ਦੋਸ਼ ਵਿਚ ਥਾਣਾ ਸਦਰ ਜ਼ੀਰਾ ਦੀ ਪੁਲਿਸ ਨੇ ਪਤੀ-ਪਤਨੀ ਅਤੇ ਪੁੱਤਰ ਸਮੇਤ 3 ਅਣਪਛਾਤੇ ਵਿਅਕਤੀਆਂ ਦੇ ਖਿਲਾਫ ਮੁਕੱਦਮਾ ਦਰਜ ਕੀਤਾ ਹੈ। ਥਾਣਾ ਸਦਰ ਜ਼ੀਰਾ ਦੀ ਪੁਲਿਸ ਨੂੰ ਦਰਜ ਕਰਵਾਏ ਬਿਆਨ ਵਿਚ ਲਖਵਿੰਦਰ ਸਿੰਘ ਪੁੱਤਰ ਦਿਲਬਾਗ ਸਿੰਘ ਵਾਸੀ ਪਿੰਡ ਕੱਸੋਆਣਾ ਨੇ ਦੱਸਿਆ ਕਿ ਉਸ ਨੇ ਬੇਅੰਤ ਸਿੰਘ ਪੁੱਤਰ ਤੇਜ ਸਿੰਘ ਵਾਸੀ ਪਿੰਡ ਜੋਈਆਂਵਾਲਾ ਹਾਲ ਵਾਸੀ ਛੀਨਾ ਕਾਲੋਨੀ ਤਲਵੰਡੀ ਭਾਈ ਦੀ ਮਾਤਾ ਨਾਲ 7 ਏਕੜ ਜਮੀਨ ਦਾ ਬਿਆਨਾ ਕੀਤਾ ਸੀ। ਲਖਵਿੰਦਰ ਸਿੰਘ ਨੇ ਅੱਗੇ ਦੱਸਿਆ ਕਿ ਬੇਅੰਤ ਸਿੰਘ ਪੁੱਤਰ ਤੇਜ ਸਿੰਘ, ਉਸ ਦੀ ਪਤਨੀ ਸੁਖਵਿੰਦਰ ਕੌਰ ਅਤੇ ਪੁੱਤਰ ਸੁਖਦਿਆਲ ਸਿੰਘ ਵਾਸੀ ਪਿੰਡ ਜੋਈਆਂਵਾਲਾ ਹਾਲ ਅਬਾਦ ਛੀਨਾ ਕਲੋਨੀ,ਤਲਵੰਡੀ ਭਾਈ ਉਸ ਨੂੰ ਬਿਆਨੇ ਦੀ ਜ਼ਮੀਨ ਵਾਹੁਣ ਤੋਂ ਰੋਕਦੇ ਸਨ। ਜਿਸ ਦੀ ਰੰਜਿਸ਼ ਨੂੰ ਲੈ ਕੇ ਇਹਨਾਂ ਨੇ ਉਸ ਦੇ ਸੱਟਾਂ ਮਾਰ ਦਿੱਤੀਆਂ। ਲਖਵਿੰਦਰ ਸਿੰਘ ਦੇ ਬਿਆਨ ਦੇ ਆਧਾਰ ’ਤੇ ਥਾਣਾ ਸਦਰ ਜ਼ੀਰਾ ਦੀ ਪੁਲਿਸ ਨੇ ਉਕਤ ਸਾਰੇ ਦੋਸ਼ੀਆਂ ਤੋਂ ਇਲਾਵਾ 3 ਅਣਪਛਾਤੇ ਵਿਅਕਤੀਆਂ ਦੇ ਖਿਲਾਫ ਵੱਖ-ਵੱਖ ਧਾਰਾਵਾਂ ਦੇ ਤਹਿਤ ਮੁਕੱਦਮਾ ਦਰਜ ਕਰਕੇ ਤਫਤੀਸ਼ ਸ਼ੁਰੂ ਕਰ ਦਿੱਤੀ ਹੈ।
