ਬਠਿੰਡਾ, 30 ਜਨਵਰੀ (ਸਿਵੀਆਂ)- ਪੰਜਾਬੀ ਸੱਭਿਆਚਾਰਕ ਗਾਇਕ ਅਤੇ ਸੇਵਾਮੁਕਤ ਪਿ੍ੰਸੀਪਲ ਸਾਧੂ ਸਿੰਘ ਰੋਮਾਣਾ ਆਪਣੇ ਗੀਤ 'ਵਿਰਸਾ' ਦੀ 2 ਫਰਵਰੀ ਨੂੰ ਦੂਰਦਰਸ਼ਨ ਕੇਂਦਰ ਜਲੰਧਰ 'ਤੇ ਪੇਸ਼ਕਾਰੀ ਕਰਨਗੇ | ਸਰੋਤੇ ਉਨ੍ਹਾਂ ਦੇ ਇਸ ਗੀਤ ਦਾ ਜਲੰਧਰ ਦੂਰਦਰਸ਼ਨ ਦੇ ਪ੍ਰੋਗਰਾਮ 'ਗਾਉਂਦਾ ਪੰਜਾਬ' ਵਿਚ 2 ਫਰਵਰੀ ਨੂੰ ਸਾਮ 8 ਵਜੇ ਆਨੰਦ ਮਾਣ ਸਕਣਗੇ | ਇਸ ਪ੍ਰੋਗਰਾਮ ਦੀ ਪੇਸ਼ਕਾਰੀ ਪ੍ਰੋਡਿਊਸਰ ਅਤੇ ਨਿਰਦੇਸ਼ਕ ਰਾਮ ਸਿੰਘ ਵਲੋਂ ਕੀਤੀ ਜਾਵੇਗੀ | ਗਾਇਕ ਸਾਧੂ ਸਿੰਘ ਰੋਮਾਣਾ ਨੇ ਦੱਸਿਆ ਕਿ ਪੰਜਾਬੀ ਵਿਰਸੇ ਅਤੇ ਸੱਭਿਆਚਾਰ ਦੀ ਪੇਸ਼ਕਾਰੀ ਕਰਦੇ ਉਨ੍ਹਾਂ ਦੇ ਇਸ ਗੀਤ ਨੂੰ ਗੀਤਕਾਰ ਗੁਰਵਿੰਦਰ ਗੋਸਲ ਨੇ ਕਲਮਬਧ ਕੀਤਾ ਹੈ ਅਤੇ ਜੇ.ਬੀ.ਆਰ. ਨੇ ਸੰਗੀਤਕ ਧੁੰਨਾਂ ਨਾਲ ਸ਼ਿੰਗਾਰਿਆ ਹੈ | ਸਾਧੂ ਸਿੰਘ ਰੋਮਾਣਾ ਉੱਘੀ ਪੰਜਾਬੀ ਅਤੇ ਫ਼ਿਲਮੀ ਪਿੱਠਵਰਤੀ ਗਾਇਕਾ ਰਮਨ ਰੋਮਾਣਾ ਦੇ ਪਿਤਾ ਹਨ ਤੇ ਇਸ ਪਰਿਵਾਰ ਦਾ ਗਾਇਕੀ ਅਤੇ ਸੰਗੀਤ ਨਾਲ ਪੁਰਾਣਾ ਨਾਤਾ ਹੈ |
