ਬਠਿੰਡਾ, 23 ਫਰਵਰੀ (ਅਵਤਾਰ ਸਿੰਘ ਕੈਂਥ)- ਸਥਾਨਕ ਸ਼ਹਿਰ ਦੀ ਸਮਾਜ ਸੇਵੀ ਸੰਸਥਾ ਸਹਾਰਾ ਜਨ ਸੇਵਾ ਨੂੰ ਮੁੰਬਈ ਨਿਵਾਸੀ ਇੰਦਰਜੀਤ ਗੁਲਾਨੀ ਨੇ ਆਪਣੇ ਪਿਤਾ ਸਵ. ਕੇਵਲ ਕ੍ਰਿਸ਼ਨ ਗੁਲਾਨੀ ਅਤੇ ਮਾਤਾ ਈਸ਼ਵਰੀ ਦੇਵੀ ਦੀ ਯਾਦ ਵਿਚ ਸਹਾਰਾ ਜਨ ਸੇਵਾ ਦੇ ਸੰਸਥਾਪਕ ਵਿਜੇ ਗੋਇਲ ਨੂੰ ਇਕ ਸਪਲੈਂਡਰ ਮੋਟਰਸਾਈਕਲ ਦਾਨ ਕੀਤਾ¢ ਵਿਜੇ ਗੋਇਲ ਨੇ ਜਾਣਕਾਰੀ ਦਿੰਦੇ ਕਿਹਾ ਕਿ 6 ਮਹੀਨੇ ਪਹਿਲਾਂ ਵੀ ਇੰਦਰਜੀਤ ਗੁਲਾਨੀ ਨੇ ਆਪਣੇ ਮਾਤਾ-ਪਿਤਾ ਦੀ ਯਾਦ ਵਿਚ ਸਹਾਰਾ ਜਨ ਸੇਵਾ ਸੰਸਥਾ ਨੂੰ ਇਕ ਐਂਬੂਲੈਂਸ ਦਾਨ ਕੀਤੀ ਸੀ¢ ਸਹਾਰਾ ਜਨ ਸੇਵਾ ਦੇ ਚੇਅਰਮੈਨ ਗੌਤਮ ਗੋਇਲ ਨੇ ਕਿਹਾ ਕਿ ਇਹ ਮੋਟਰ-ਸਾਈਕਲ ਸ਼ਹਿਰ ਦੇ ਕਿਸੇ ਵੀ ਦੁਰਘਟਨਾ ਹੋਣ ਦੀ ਸੂਰਤ ਵਿਚ ਐਂਬੂਲੈਂਸ ਤੋਂ ਪਹਿਲਾਂ ਪਹੁੰਚ ਜਾਵੇਗਾ ਅਤੇ ਸਹਾਰਾ ਟੀਮ ਜ਼ਖਮੀਆਂ ਨੂੰ ਮੁੱਢਲੀ ਸਹਾਇਤਾ ਪ੍ਰਦਾਨ ਕਰੇਗੀ¢ ਇਸ ਮੌਕੇ ਲਲਿਤ ਤਨੇਜਾ, ਕ੍ਰਿਸ਼ਨ ਕੁਮਾਰ ਗੁਲਾਨੀ ਅਤੇ ਸਹਾਰਾ ਜਨ ਸੇਵਾ ਮੈਂਬਰ ਹਾਜ਼ਰ ਸਨ¢
