ਬੱਲੂਆਣਾ ਦੇ ਖੇਤਾਂ ’ਚ ਅਗੇਤੇ ਨਰਮੇ ਦੀ ਚੁਗਾਈ ਸ਼ੁਰੂ
ਬੱਲੂਆਣਾ, 22 ਅਗਸਤ (ਗੁਰਨੈਬ ਸਾਜਨ)- ਬਠਿੰਡਾ ਦੇ ਪਿੰਡ ਬੱਲੂਆਣਾ ਦੇ ਕਿਸਾਨ ਅਮਰੀਕ ਸਿੰਘ ਪੰਮੀ ਨੇ ਅੱਠ ਏਕੜ ਨਰਮੇ ਦੀ ਬਿਜਾਈ ਕੀਤੀ ਹੈ, ਪਰ ਘਟੀਆ ਬੀਜਾਂ ਕਾਰਨ ਨਰਮੇ ਫ਼ਸਲ ਖ਼ਰਾਬ ਹੋ ਚੁੱਕੀ ਹੈ ਉਸ ਨੇ 15 ਅਪ੍ਰੈਲ ਨੂੰ ਹੀ ਅਗੇਤਾ ਨਰਮਾ ਬੀਜ ਦਿੱਤਾ ਸੀ। ਜੋ ਅਗੇਤਾ ਪੂਰੀ ਤਰ੍ਹਾਂ ਖਿੜ ਚੁੱਕਿਆ ਹੈ।
ਬ
ਬੱਲੂਆਣਾ ‘ਚ ਨਰਮਾ ਚੁਗ ਰਹੀਆਂ ਤੇ ਨਰਮੇ ਦੀ ਪੰਡ ਉਠਾਉਂਦੀਆਂ ਔਰਤਾਂ। ਤਸਵੀਰ: ਗੁਰਨੈਬ ਸਾਜਨ
23-08-2026
ਬੱਲੂਆਣਾ, 22 ਅਗਸਤ (ਗੁਰਨੈਬ ਸਾਜਨ)- ਬਠਿੰਡਾ ਦੇ ਪਿੰਡ ਬੱਲੂਆਣਾ ਦੇ ਕਿਸਾਨ ਅਮਰੀਕ ਸਿੰਘ ਪੰਮੀ ਨੇ ਅੱਠ ਏਕੜ ਨਰਮੇ ਦੀ ਬਿਜਾਈ ਕੀਤੀ ਹੈ, ਪਰ ਘਟੀਆ ਬੀਜਾਂ ਕਾਰਨ ਨਰਮੇ ਫ਼ਸਲ ਖ਼ਰਾਬ ਹੋ ਚੁੱਕੀ ਹੈ ਉਸ ਨੇ 15 ਅਪ੍ਰੈਲ ਨੂੰ ਹੀ ਅਗੇਤਾ ਨਰਮਾ ਬੀਜ ਦਿੱਤਾ ਸੀ। ਜੋ ਅਗੇਤਾ ਪੂਰੀ ਤਰ੍ਹਾਂ ਖਿੜ ਚੁੱਕਿਆ ਹੈ। ਜਿਸ ਨੂੰ ਚੋਣੀਆਂ ਵਲੋਂ ਚੁਗਿਆ ਜਾ ਰਿਹਾ ਹੈ। ਨਰਮੇ ਦੇ ਖੇਤਾਂ ਵਿਚ ਨਰਮਾ ਚੁਗਣ ਵਾਲੀਆਂ ਚੋਣੀਆਂ ਦੇ ਚਿਹਰਿਆਂ ‘ਤੇ ਰੌਣਕਾਂ ਹੁੰਦੀਆਂ ਸਨ ਤੇ ਉਹ ਚਾਈਂ-ਚਾਈਂ ਨਰਮਾ ਚੁਗਦੀਆਂ ਤੇ ਆਪਣੇ ਘਰ ਦਾ ਚੁੱਲ੍ਹਾ ਚਲਾਉਂਦੀਆਂ ਸਨ, ਪਰ ਹੁਣ ਇਹ ਸਭ ਕੁਝ ਝੋਨੇ ਦੀ ਫ਼ਸਲ ਨੇ ਨਿਗਲ ਲਿਆ ਹੈ। ਉਨ੍ਹਾਂ ਕਿਹਾ ਕਿ ਇਸ ਨਾਲ ਮਜ਼ਦੂਰਾਂ ਦਾ ਰੁਜ਼ਗਾਰ ਵੀ ਘਟਿਆ ਹੈ। ਨਰਮਾ ਚੁਗ ਰਹੀ ਔਰਤ ਮੂਰਤੀ ਕੌਰ ਤੇ ਜਸਪ੍ਰੀਤ ਕੌਰ ਨੇ ਦੱਸਿਆ ਕਿ ਨਰਮੇ ਦੀ ਫ਼ਸਲ ਦੋ ਮਹੀਨੇ ਸਾਡੇ ਪਰਵਾਰਾਂ ਨੂੰ ਰੁਜ਼ਗਾਰ ਦਿੰਦੀ ਸੀ। ਅਸੀਂ ਮਣ ਤੋਂ ਡੇਢ ਮਣ ਤੱਕ ਵੀ ਨਰਮਾ ਇਕ ਦਿਨ ‘ਚ ਨਰਮਾ ਚੁਗ ਦਿੰਦੀਆਂ ਸੀ। ਜਿਸ ਕਰਕੇ ਦੋ ਮਹੀਨਿਆਂ ‘ਚ ਉਨ੍ਹਾਂ ਕੋਲ ਚਾਰ ਪੈਸੇ ਜੁੜ ਜਾਂਦੇ ਸਨ। ਪਰ ਝੋਨੇ ਦੀ ਫ਼ਸਲ ਨੇ ਸਾਡੀਆਂ ਉਮੀਦਾਂ ‘ਤੇ ਸੱਧਰਾਂ ਤੇ ਪਾਣੀ ਫੇਰ ਦਿੱਤਾ ਹੈ। ਪਿਛਲੇ ਕਈ ਸਾਲਾਂ ਤੋਂ ਬਹੁਤ ਘੱਟ ਰਕਬੇ ਵਿਚ ਨਰਮੇ ਦੀ ਬੀਜਾਂਦ ਹੁੰਦੀ ਹੈ, ਮਜਬੂਰਨ ਗਰੀਬ ਵਰਗ ਨੂੰ ਆਪਣੇ ਪਰਿਵਾਰ ਦਾ ਪੇਟ ਪਾਲਣ ਲਈ ਹਰਿਆਣਾ ਜਾਂ ਰਾਜਸਥਾਨ ਵਿਚ ਨਰਮਾ ਚੁਗਣ ਜਾਣਾ ਪੈਂਦਾ ਹੈ ।ਐਤਕੀਂ ਨਰਮੇ ਦੀ ਫ਼ਸਲ ਨੂੰ ਦੇਖ ਕੇ ਲਗਦਾ ਕਿ ਜੇਕਰ ਫ਼ਸਲ ਵਧੀਆ ਹੋਈ ਤਾਂ ਅਗਲੀ ਸਾਉਣੀ ਦੀ ਫ਼ਸਲ ਵਿਚ ਨਰਮੇ ਹੇਠਲਾ ਰਕਬਾ ਵੱਧ ਸਕਦਾ ਹੈ।
