ਅੱਜ ਭੋਗ ’ਤੇ ਵਿਸ਼ੇਸ਼- ਸਵ: ਬਾਬਰ ਸਿੰਘ ਗਿੱਲ ਕਲਾਂ
ਚਾਉਕੇ - ਬਾਬਰ ਸਿੰਘ ਗਿੱਲ ਦਾ ਜੀਵਨ ਕਈ ਲੋਕਾਂ ਲਈ ਪ੍ਰੇਰਣਾ ਸਰੋਤ ਰਿਹਾ। ਉਨ੍ਹਾਂ ਦਾ ਜਨਮ 1 ਨਵੰਬਰ 1952 ਨੂੰ ਪਿੰਡ ਗਿੱਲ ਕਲਾਂ, ਜ਼ਿਲ੍ਹਾ ਬਠਿੰਡਾ ਵਿਖੇ ਹੋਇਆ।
ਚਾਉਕੇ - ਬਾਬਰ ਸਿੰਘ ਗਿੱਲ ਦਾ ਜੀਵਨ ਕਈ ਲੋਕਾਂ ਲਈ ਪ੍ਰੇਰਣਾ ਸਰੋਤ ਰਿਹਾ। ਉਨ੍ਹਾਂ ਦਾ ਜਨਮ 1 ਨਵੰਬਰ 1952 ਨੂੰ ਪਿੰਡ ਗਿੱਲ ਕਲਾਂ, ਜ਼ਿਲ੍ਹਾ ਬਠਿੰਡਾ ਵਿਖੇ ਹੋਇਆ। ਉਨ੍ਹਾਂ ਨੇ ਬਹੁਤ ਜ਼ਿਆਦਾ ਗਰੀਬੀ ’ਚੋਂ ਉੱਠ ਕੇ ਪੜ੍ਹਾਈ ਕੀਤੀ ਅਤੇ ਆਪਣੀ ਮਿਹਨਤ ਤੇ ਲਗਨ ਸਦਕਾ ਇੰਟੈਲੀਜੈਂਸ ਪੁਲਿਸ ’ਚ ਸਹਾਇਕ ਸਬ-ਇੰਸਪੈਕਟਰ (ਏ.ਐਸ.ਆਈ.) ਦੇ ਅਹੁਦੇ ਤੱਕ ਪਹੁੰਚੇ। ਉਨ੍ਹਾਂ ਨੇ ਰਾਮਪੁਰਾ ਫੂਲ ਵਿਖੇ ਆਪਣੀਆਂ ਸੇਵਾਵਾਂ ਨਿਭਾਈਆਂ ਅਤੇ ਲਗਭਗ 58 ਸਾਲ ਦੀ ਉਮਰ ’ਚ ਸੇਵਾਮੁਕਤ ਹੋਏ। ਬਾਬਰ ਸਿੰਘ ਆਪਣੇ ਨਿੱਘੇ ਸੁਭਾਅ, ਨਿਮਰਤਾ ਅਤੇ ਮਿਲਵਰਤਣ ਲਈ ਜਾਣੇ ਜਾਂਦੇ ਸਨ। ਉਹ ਆਪਣੀ ਸਰਕਾਰੀ ਡਿਊਟੀ ਦੀਆਂ ਜ਼ਿੰਮੇਵਾਰੀਆਂ ਦੇ ਨਾਲ-ਨਾਲ ਆਪਣੇ ਸੱਜਣਾਂ-ਮਿੱਤਰਾਂ ਦੇ ਦੁੱਖ-ਸੁੱਖ ’ਚ ਵੀ ਹਮੇਸ਼ਾ ਸਾਥ ਦਿੰਦੇ ਸਨ ਅਤੇ ਕਿਸੇ ਦੇ ਕੰਮ ਆਉਣਾ, ਲੋਕਾਂ ਨਾਲ ਪਿਆਰ ਤੇ ਸਤਿਕਾਰ ਨਾਲ ਪੇਸ਼ ਆਉਣਾ ਉਨ੍ਹਾਂ ਦੇ ਸੁਭਾਅ ਦਾ ਅਹਿਮ ਹਿੱਸਾ ਸੀ। ਉਨ੍ਹਾਂ ਦੇ ਪਰਿਵਾਰ ’ਚ ਤਿੰਨ ਧੀਆਂ ਅਤੇ ਇਕ ਪੁੱਤ, ਨੂੰਹ ਅਤੇ ਪੋਤਾ ਹਨ। । ਬੀਤੀ 9 ਅਕਤੂਬਰ ਨੂੰ ਹੱਸਦਾ-ਵੱਸਦਾ ਇਹ ਰੰਗਲਾ ਸੱਜਣ ਸਦਾ ਲਈ ਇਸ ਦੁਨੀਆਂ ਤੋਂ ਰੁਖ਼ਸਤ ਹੋ ਗਿਆ। ਸਵ: ਬਾਬਰ ਸਿੰਘ ਗਿੱਲ ਨਮਿਤ ਰਖਾਏ ਸ੍ਰੀ ਸਹਿਜ ਪਾਠ ਦੇ ਭੋਗ ਅਤੇ ਅੰਤਿਮ ਅਰਦਾਸ 16 ਅਕਤੂਬਰ 2026 ਦਿਨ ਸ਼ੁੱਕਰਵਾਰ ਨੂੰ ਗੁਰਦੁਆਰਾ ਪਾਤਿਸ਼ਾਹੀ ਛੇਵੀਂ ਪਿੰਡ ਗਿੱਲ ਕਲਾਂ (ਬਠਿੰਡਾ) ਵਿਖੇ ਦੁਪਹਿਰ 12-30 ਵਜੇ ਹੋਵੇਗੀ । ਵਲੋਂ: ਮਨਜੀਤ ਸਿੰਘ ਘੜੈਲੀ
