ਮਾਤਾ ਦੇ ਸੱਤਵੇਂ ਨਵਰਾਤੇ ਨੂੰ ਸਮਰਪਿਤ ਹਵਨ ਯੱਗ ਅਤੇ ਭੰਡਾਰੇ ਦਾ ਆਯੋਜਨ
ਰਾਮਾਂ ਮੰਡੀ, 17 ਅਕਤੂਬਰ (ਤਰਸੇਮ ਸਿੰਗਲਾ)- ਦੇਵੀ ਦੁਰਗਾ ਦੇ ਸੱਤਵੇਂ ਸਰੂਪ ਮਾਂ ਕਾਲਰਾਤਰੀ ਨੂੰ ਸਮਰਪਿਤ ਰਿਫਾਇਨਰੀ ਅਧਿਕਾਰੀ ਐਮ. ਬੀ.
ਰਾਮਾਂ ਮੰਡੀ, 17 ਅਕਤੂਬਰ (ਤਰਸੇਮ ਸਿੰਗਲਾ)- ਦੇਵੀ ਦੁਰਗਾ ਦੇ ਸੱਤਵੇਂ ਸਰੂਪ ਮਾਂ ਕਾਲਰਾਤਰੀ ਨੂੰ ਸਮਰਪਿਤ ਰਿਫਾਇਨਰੀ ਅਧਿਕਾਰੀ ਐਮ.ਬੀ. ਗੋਹਿਲ ਦੇ ਪਰਿਵਾਰ ਵਲੋਂ ਅੱਜ ਸਥਾਨਕ ਸ੍ਰੀ ਗਊਸ਼ਾਲਾ ਮੰਦਰ ਵਿਖੇ ਹਵਨ ਯੱਗ ਅਤੇ ਭੰਡਾਰੇ ਦਾ ਆਯੋਜਨ ਕੀਤਾ ਗਿਆ। ਇਸ ਮੌਕੇ ਮੰਦਰ ਦੇ ਪੁਜਾਰੀ ਪੰਡਿਤ ਹੀਰਾ ਪਾਠਕ ਨੇ ਵਿਧੀਵਤ ਪੂਜਾ-ਅਰਚਨਾ ਅਤੇ ਹਵਨ ਯੱਗ ਕਰਵਾਇਆ। ਸ਼ਰਧਾਲੂਆਂ ਨੂੰ ਮਾਂ ਕਾਲਰਾਤਰੀ ਦੇ ਮਹੱਤਵ ਬਾਰੇ ਦੱਸਿਆ ਹਵਨ ਯੱਗ ਦੀ ਸੰਪੰਨ ਹੋਣ ਉਪਰੰਤ ਸ਼ਰਧਾਲੂਆਂ ਨੇ ਮਾਤਾ ਦਾ ਆਸ਼ੀਰਵਾਦ ਲਿਆ । ਭੰਡਾਰਾ ਵਰਤਾਉਣ ਦੀ ਸੇਵਾ ਹਰਾ ਚਾਰਾ ਸੇਵਾ ਸਮਿਤੀ ਦੇ ਮੈਂਬਰਾਂ ਨੇ ਪ੍ਰਧਾਨ ਸੁਰਿੰਦਰ ਛਿੰਦਾ ਦੀ ਅਗਵਾਈ ਹੇਠ ਨਿਭਾਈ। ਇਸ ਮੌਕੇ ਆਮ ਸ਼ਰਧਾਲੂਆਂ ਤੋਂ ਇਲਾਵਾ ਰਿਫਾਇਨਰੀ ਅਧਿਕਾਰੀ ਐਮ.ਬੀ.ਗੋਹਿਲ, ਪਵਨ ਕੁਮਾਰ ਸਿੰਗਲਾ ਮਾਨਸਾ, ਗਊਸ਼ਾਲਾ ਕਮੇਟੀ ਦੇ ਮਦਨ ਲਾਲ ਲਹਿਰੀ ਸਰਪ੍ਰਸਤ, ਅਮਰਜੀਤ ਸੁਖਲੱਧੀ ਸਰਪ੍ਰਸਤ, ਪ੍ਰਧਾਨ ਵਿਜੇ ਕੁਮਾਰ ਲਹਿਰੀ, ਗੋਲਡੀ ਮਹੇਸ਼ਵਰੀ ਕੈਸ਼ੀਅਰ, ਵਿਸ਼ਾਲ ਗੋਇਲ ਸਕੱਤਰ, ਵਿੱਕੀ ਮਹੇਸ਼ਵਰੀ, ਅਰੁਣ ਕੁਮਾਰ ਕਾਦੀ ਚੱਠਾ, ਵੇਦ ਪ੍ਰਕਾਸ਼ ਗਰੋਵਰ, ਸੁਰਿੰਦਰ ਮਲਕਾਣਾ, ਵਿੱਕੀ ਮਿੱਤਲ, ਮੈਨੇਜਰ ਵਿੱਕੀ ਸਿੰਗਲਾ, ਰੀਸ਼ੂ ਸਿੰਗਲਾ ਸਮੇਤ ਹੋਰ ਮੈਂਬਰ ਹਾਜ਼ਰ ਸਨ।
