ਰਾਮਾਂ ਮੰਡੀ, 3 ਜਨਵਰੀ (ਤਰਸੇਮ ਸਿੰਗਲਾ)-ਕਰੀਬ 15 ਦਿਨ ਪਹਿਲਾਂ ਦੇਰ ਰਾਤ ਨਾਮਲੂਮ ਚੋਰਾਂ ਵਲੋਂ ਕਿ੍ਸ਼ਨ ਸਿੰਘ ਪੁੱਤਰ ਸੁਰਜੀਤ ਸਿੰਘ ਵਾਸੀ ਕੋਟਬਖਤੂ ਦੀ ਸੀਡ ਫੈਕਟਰੀ ਵਿਚੋਂ 207 ਗੱਟੇ ਝੋਨਾ ਚੋਰੀ ਕਰਕੇ ਲੈ ਜਾਣ ਦਾ ਸਮਾਚਾਰ ਹੈ | ਰਾਮਾਂ ਪੁਲਿਸ ਵਲੋਂ ਨਾਮਲੂਮ ਚੋਰਾਂ ਵਿਰੁੱਧ ਮਾਮਲਾ ਦਰਜ ਕਰ ਲਿਆ ਹੈ | ਮਾਮਲੇ ਦੀ ਜਾਂਚ ਏ ਐਸ ਆਈ ਗੁਰਤੇਜ ਸਿੰਘ ਕਰ ਰਹੇ ਹਨ | ਰਾਮਾਂ ਵਪਾਰ ਮੰਡਲ ਦੇ ਪ੍ਰਧਾਨ ਮਹੇਸ਼ ਕੁਮਾਰ ਬਿੰਦਲ ਨੇ ਚੋਰੀ ਦੀ ਘਟਨਾ ਦੀ ਨਿੰਦਾ ਕਰਦੇ ਹੋਏ ਕਿਹਾ ਕਿ ਲੰਬੇ ਸਮੇਂ ਤੋਂ ਚੋਰ ਇਕ-ਇਕ ਕਰਕੇ ਸੀਡ ਫੈਕਟਰੀਆਂ ਵਿਚੋਂ ਕਣਕ ਅਤੇ ਝੋਨਾ ਚੋਰੀ ਕਰ ਰਹੇ ਹਨ, ਪੁਲਿਸ ਵਲੋਂ ਚੋਰ ਫੜਨਾ ਤਾਂ ਦੂਰ ਦੀ ਗੱਲ ਚੋਰਾਂ ਵਿਰੁੱਧ ਮਾਮਲਾ ਦਰਜ ਕਰਵਾਉਣ ਲਈ ਵੀ ਫੈਕਟਰੀ ਮਾਲਕਾਂ ਨੂੰ ਅੱਡੀ ਚੋਟੀ ਦਾ ਜ਼ੋਰ ਲਾਉਣਾ ਪੈਂਦਾ ਹੈ | ਸ਼੍ਰੀ ਬਿੰਦਲ ਨੇ ਕਿਹਾ ਕਿ ਚੋਰੀਆਂ ਰੋਕਣ ਵਿਚ ਨਾਕਾਮ ਸਰਕਾਰ ਨੂੰ ਵਪਾਰੀਆਂ ਤੋਂ ਕਿਸੇ ਵੀ ਤਰ੍ਹਾਂ ਦਾ ਕੋਈ ਵੀ ਟੈਕਸ ਵਸੂਲਣ ਦਾ ਕੋਈ ਹੱਕ ਨਹੀਂ ਹੈ |
