ਚੰਡੀਗੜ੍ਹ, 28 ਜਨਵਰੀ (ਅਜੀਤ ਬਿਊਰੋ) ਗਣਤੰਤਰ ਦਿਵਸ -2026 ਦੇ ਮੌਕੇ 'ਤੇ ਰਾਮ ਗੋਪਾਲ ਗਰਗ, ਆਈ.ਪੀ.ਐੱਸ. , ਆਈ.ਜੀ.ਪੀ., ਬਿਲਾਸਪੁਰ (ਛੱਤੀਸਗੜ੍ਹ) ਨੂੰ ਸ਼ਾਨਦਾਰ ਸੇਵਾ ਲਈ ਪੁਲਿਸ ਮੈਡਲ ਪ੍ਰਦਾਨ ਕੀਤਾ ਗਿਆ | ਰਾਮ ਗੋਪਾਲ ਗਰਗ, ਸਰਗੁਜਾ ਅਤੇ ਦੁਰਗ ਵਿਖੇ ਐਸ.ਪੀ ਗਰੀਆਬੰਦ, ਕੋਰੀਆ, ਬਲੋਦ, ਦੁਰਗ ਅਤੇ ਆਈ.ਜੀ.ਪੀ. ਵਜੋਂ ਸੇਵਾ ਨਿਭਾ ਚੁੱਕੇ ਹਨ | ਉਹ ਹੁਣ ਛੱਤੀਸਗੜ੍ਹ ਦੇ ਬਿਲਾਸਪੁਰ ਵਿਚ ਆਈ.ਜੀ.ਪੀ ਵਜੋਂ ਤਾਇਨਾਤ ਹਨ | ਉਨ੍ਹਾਂ ਨੇ ਪੁਲਿਸਿੰਗ ਵਿਚ ਤਕਨਾਲੋਜੀ ਦੀ ਵਰਤੋਂ ਵਿਚ ਡੂੰਘੀ ਦਿਲਚਸਪੀ ਦਿਖਾਈ ਹੈ | ਉਨ੍ਹਾਂ ਨੇ ਅਪਰਾਧ ਰੋਕਥਾਮ ਅਤੇ ਖੋਜ ਲਈ ਸਸ਼ਕਤ ਅਤੇ ਤਿ੍ਣਯਨ ਮੋਬਾਈਲ ਐਪਲੀਕੇਸ਼ਨਾਂ ਦੇ ਵਿਕਾਸ, ਲਾਗੂ ਕਰਨ ਸਮੇਤ ਪੁਲਿਸਿੰਗ ਨੂੰ ਬਿਹਤਰ ਬਣਾਉਣ ਲਈ ਕਈ ਪਹਿਲਕਦਮੀਆਂ ਕੀਤੀਆਂ ਹਨ | ਰਾਮ ਗੋਪਾਲ ਗਰਗ ਨੂੰ ਬੈਂਕ ਡਕੈਤੀ ਕੇਸ ਵਿਚ ਗੇਟ ਪੈਟਰਨ ਵਿਸ਼ਲੇਸ਼ਣ ਦੀ ਵਰਤੋਂ ਲਈ ਪ੍ਰਧਾਨ ਮੰਤਰੀ ਸਿਲਵਰ ਕੱਪ ਕੇਸ ਸਟੱਡੀ ਮੁਕਾਬਲੇ ਵਿਚ ਪਹਿਲਾ ਇਨਾਮ ਮਿਲਿਆ | ਰਾਮ ਗੋਪਾਲ ਗਰਗ ਨੇ ਸੀ.ਬੀ.ਆਈ. ਵਿਚ ਲਗਪਗ 7 ਸਾਲ ਚੰਡੀਗੜ੍ਹ ਅਤੇ ਦਿੱਲੀ ਵਿਚ ਐੱਸ.ਪੀ ਅਤੇ ਡੀ.ਆਈ.ਜੀ. ਵਜੋਂ ਡੈਪੂਟੇਸ਼ਨ 'ਤੇ ਸੇਵਾ ਨਿਭਾਈ ਹੈ |
